ខេត្តកំពង់ធំ ៖ ពិធីបំពាក់ឋានន្តរសក្តិ និងតែងតាំងមុខតំណែងជូនដល់មន្ត្រីនគរបាលជាតិ នៃអធិការដ្ឋាននគរបាលស្រុកប្រាសាទបល្ល័ង្គ បានប្រព្រឹត្តិទៅកាលពីព្រឹកថ្ងៃទី០៦ កុម្ភៈ ២០១៤ នៅក្នុងបរិវេណសាលាស្រុកប្រាសាទបល្ល័ង្គ ក្រោមអធិបតីភាព លោកវរសេនីយ៍ឯក កែ ខាន់ណារ៉ា ស្នងការរង នៃស្នងការដ្នាននគរបាលខេត្តកំពង់ធំ។
ខេត្តកំពង់ធំ ៖ ពិធីបំពាក់ឋានន្តរសក្តិ និងតែងតាំងមុខតំណែងជូនដល់មន្ត្រីនគរបាលជាតិ នៃអធិការដ្ឋាននគរបាលស្រុកប្រាសាទបល្ល័ង្គ បានប្រព្រឹត្តិទៅកាលពីព្រឹកថ្ងៃទី០៦ កុម្ភៈ ២០១៤ នៅក្នុងបរិវេណសាលាស្រុកប្រាសាទបល្ល័ង្គ ក្រោមអធិបតីភាព លោកវរសេនីយ៍ឯក កែ ខាន់ណារ៉ា ស្នងការរង នៃស្នងការដ្នាននគរបាលខេត្តកំពង់ធំ។
លោកវរសេនីយ៍ត្រី យន់ ឆៃយ៉ា នាយរងការិយាល័យបុគ្គលិក នៃស្នងការនគរបាលខេត្ត បានឡើងអានសេចក្តីសម្រេចលេខ៤៧១,៤៧៧,៥៣១ និង ៥៧៥ សសរ.អនប ស្តីពីការប្រកាសតែងតាំងឋានន្តរសក្តិ និងផ្ទេរភារកិច្ច ដល់មន្ត្រីនគរបាលជាតិ នៃអធិការដ្ឋានស្រុកប្រាសាទបល្ល័ង្គ សរុបចំនួន ២៦នាក់ ស្រី ៣នាក់ ក្នុងនោះ រួមមាន ថ្នាក់អនុសេនីយ៍ទោ ២រូប ស្រី ១រូប ថ្នាក់អនុសេនីយ៍ត្រី ១១រូប ស្រី ១រូប ថ្នាក់ព្រិន្ទបាលឯក ៤រូប ស្រី ១រូប ថ្នាក់ព្រិន្ទបាលទោ ៨រូប និងថ្នាក់ពលបាលឯក ១រូប។
បន្ទាប់ពីបានបំពាក់ឋានន្តរសក្តិរួចមក តំណាងមន្ត្រីនគរបាល ដែលទើបតែងតាំង និងបានបំពាក់ឋានន្តរសក្តិថ្មី ឡើងប្តេជ្ញាចិត្តថា នឹងខិតខំបម្រើប្រទេសជាតិ បម្រើប្រជាពលរដ្ឋឲ្យអស់ពីសមត្ថភាពរបស់ខ្លួន និងស្មោះត្រង់ជាមួយជាតិសាសនា ព្រះមហាក្សត្រ ប្តេជ្ញាដាច់ខាតការពាររាជរដ្ឋាភិបាលស្របច្បាប់ ដែលសម្រេចដោយប្រជាពលរដ្ឋបោះឆ្នោតជូន។
លោក ទូច សុខា អភិបាលស្រុកប្រាសាទសំបូរ មានប្រសាសន៍កោតសរសើរយ៉ាងខ្លាំងដល់កម្លាំងនគរបាល នៃអធិការដ្ឋានស្រុកប្រាសាទសំបូរ ដែលបានខិតខំបម្រើប្រជាពលរដ្ឋអស់ពីសមត្ថភាពរបស់ខ្លួនសម្រេចបាលលទ្ធផលល្អប្រសើរជាប់ចំណាត់ថ្នាក់។
លោកវរសេនីយ៍ឯក កែ ខាន់ណារ៉ា ស្នងការរង បានមានប្រសាសន៍ថា តាងនាមរូបលោកជាតំណាងដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ត្រី ផាន់ សុផេង ទីប្រឹក្សា ឯកឧត្តម បណ្ឌិត ងួន ញ៉ិល អនុប្រធានទី១ រដ្ឋសភាជាតិ និងជាស្នងការ នៃស្នងការដ្ឋានខេត្តកំពង់ធំ ដែលបានចុះមកប្រារព្ធពិធីបំពាក់ឋានន្តរសក្តិនាពេលព្រឹកនេះ។
ដោយសារតែការមើលឃើញពីការខិតខំបំពេញភារកិច្ចនៅក្នុងការបម្រើប្រទេសជាតិ និងប្រជាជននោះ ទើបតាមរយៈឯកឧត្តមស្នងការ បានស្នើសុំទៅថ្នាក់លើសុំគោលការណ៍តម្លើងឋានន្តរសក្តិដល់មន្ត្រីនគរបាល ដែលមានស្នាដៃ។ ចំណែកមន្ត្រីនគរបាល ដែលមិនទាន់បានឡើងឋានន្តរសក្តិ ត្រូវខិតខំបំពេញភារកិច្ចបម្រើជាតិ និងបម្រើប្រជាពលរដ្ឋឲ្យអស់ពីសមត្ថភាពរបស់ខ្លួន គោរពវិន័យឲ្យបានទៀងទាត់ និងមានសាមគ្គីភាពល្អ មិត្តភាពល្អ ជាមួយមន្ត្រីរួមការងារ ក៏ដូចជាមួយស្រទាប់ប្រជាពលរដ្ឋផងដែរ។
ដើម្បីអនុវត្តឲ្យបានល្អនូវគោលនយោបាយភូមិ-ឃុំ មានសុវត្ថិភាពទាំង ៩ចំណុច ដែលក្រសួងមហាផ្ទៃ លោកដាក់ជូនមកនោះ លើកក្រោយនឹងដល់វេនរបស់អស់លោកជាក់ជាមិនខាន៕
ចែករំលែកព័តមាននេះ