រាជធានីភ្នំពេញ ៖ យុវជនមួយក្រុមមានអាការៈស្រវឹងជោក បានតាមដេញវាយទៅលើបុរសម្នាក់បណ្តាលឱ្យរងរបួសក្បាលយ៉ាងធ្ងន់ធ្ងរ ខណៈកំពុងជិះឌុបមិត្តភក្តិស្រីៗចេញពីកន្លែងញ៉ាំស៊ុបមួយកន្លែង យីហោ «តាចារ្យ» បង្កឱ្យមានការភ្ញាក់ផ្អើលកាលពីវេលាម៉ោង៤ និង៤០នាទីរសៀលថ្ងៃទី៦ កុម្ភៈ ២០១៤ នេះ ស្ថិតនៅចំណុចផ្លូវបេតុងសម្តេចជា ស៊ីម ក្នុងភូមិព្រែកលៀប សង្កាត់ព្រែក
រាជធានីភ្នំពេញ ៖ យុវជនមួយក្រុមមានអាការៈស្រវឹងជោក បានតាមដេញវាយទៅលើបុរសម្នាក់បណ្តាលឱ្យរងរបួសក្បាលយ៉ាងធ្ងន់ធ្ងរ ខណៈកំពុងជិះឌុបមិត្តភក្តិស្រីៗចេញពីកន្លែងញ៉ាំស៊ុបមួយកន្លែង យីហោ «តាចារ្យ» បង្កឱ្យមានការភ្ញាក់ផ្អើលកាលពីវេលាម៉ោង៤ និង៤០នាទីរសៀលថ្ងៃទី៦ កុម្ភៈ ២០១៤ នេះ ស្ថិតនៅចំណុចផ្លូវបេតុងសម្តេចជា ស៊ីម ក្នុងភូមិព្រែកលៀប សង្កាត់ព្រែកលៀប ខណ្ឌប្ញស្សីកែវ ។
ប្រភពបានឱ្យដឹងថា យុវជនទាំងនោះត្រូវបានសមត្ថកិច្ចឃាត់ខ្លួនបាន៣នាក់ ១-ឈ្មោះសេក វីណា អាយុ២៤ឆ្នាំ ជានិស្សិតឆ្នាំទី៣ មានទីលំនៅក្នុងភូមិព្រែកលៀប សង្កាត់ព្រែកលៀប ខណ្ឌប្ញស្សីកែវ ២-ឈ្មោះមាស សុភ័ក្រ អាយុ២៨ឆ្នាំ មានទីលំនៅផ្ទះជួល និង៣-ឈ្មោះយ៉ន វណ្ណៈ អាយុ២៣ឆ្នាំ ជានិស្សិត មានទីលំនៅសង្កាត់គីឡូលេខ៦ ។ ចំណែកឯជនរងគ្រោះរងរបួសបែកក្បាលឈ្មោះយឿន បូរី អាយុ២១ឆ្នាំ មានទីលំនៅក្នុងភូមិព្រែកលៀប ឃុំព្រែកលៀប ។
ប្រភពបានបន្តថា មុនពេលកើតហេតុ ជនរងគ្រោះនិងជនបង្កបានទៅញ៉ាំស៊ុបនៅហាងខាងលើ លុះជនរងគ្រោះញ៉ាំរួច ក៏នាំមិត្តភក្តិស្រីៗជិះត្រឡប់មកផ្ទះវិញ តែមិនដឹងយ៉ាងម៉េច ត្រូវជនបង្កក៏ជិះតាមពីក្រោយយកខ្សែក្រវាត់ដេញវាយបណ្តាលឱ្យរងរបួសបែកក្បាលតែម្តង ។ សមត្ថកិច្ចបានបញ្ជូនជនបង្កទាំង៣នាក់នោះទៅអធិការដ្ឋាន ដើម្បីធ្វើការសាកសួរ ។
ចែករំលែកព័តមាននេះ