ខេត្តបន្ទាយមានជ័យ ៖ ជនសង្ស័យម្នាក់ក្នុងចំណោមបក្សពួកជាច្រើននាក់ត្រូវកម្លាំងនគរបាលក្រុងប៉ោយប៉ែតឃាត់ខ្លួន និងកសាងសំណុំរឿងបញ្ជូនទៅកាន់សាលាដំបូងខេត្តកាលពីល្ងាច ថ្ងៃទី២ កុម្ភៈ ២០១៤ បន្ទាប់ពីពួកគេព្រួតគ្នាវាយលើជនរងគ្រោះ២នាក់បណ្តាលឱ្យរងរបួស។
ខេត្តបន្ទាយមានជ័យ ៖ ជនសង្ស័យម្នាក់ក្នុងចំណោមបក្សពួកជាច្រើននាក់ត្រូវកម្លាំងនគរបាលក្រុងប៉ោយប៉ែតឃាត់ខ្លួន និងកសាងសំណុំរឿងបញ្ជូនទៅកាន់សាលាដំបូងខេត្តកាលពីល្ងាច ថ្ងៃទី២ កុម្ភៈ ២០១៤ បន្ទាប់ពីពួកគេព្រួតគ្នាវាយលើជនរងគ្រោះ២នាក់បណ្តាលឱ្យរងរបួស។
លោកវរសេនីយ៍ឯក សិទ្ធិ ឡោះ ស្នងការរងទទួលបន្ទុកប្រធានការិយាល័យនគរបាលព្រហ្មទណ្ឌបានឱ្យដឹងថា ជនសង្ស័យដែលឃាត់ខ្លួននេះឈ្មោះហ៊ុន ឆក ហៅរើន ភេទប្រុស អាយុ២៣ឆ្នាំ មានស្រុកកំណើតភូមិអង្គទ្រង់ ឃុំល្វា ស្រុកពួក ខេត្តសៀមរាប មកស្នាក់នៅធ្វើកម្មករសំណង់ផ្នែកខាងជាងភ្លើងនៅក្រុមហ៊ុនសុខស្រេង ស្ថិតក្នុងភូមិប៉ាលិលេយ្យ២ សង្កាត់ប៉ោយប៉ែត។
លោកស្នងការរងបន្តទៀតថា កាលពីល្ងាចថ្ងៃទី២ កុម្ភៈ ២០១៤ ជននេះរួមទាំងបក្សពួកជាច្រើននាក់បានផឹកស៊ីស្រវឹងធ្វើសកម្មភាពព្រួតវាយ និងចាក់ទៅលើជនរងគ្រោះ២នាក់ជាកម្មករផ្នែកក្រាលការ៉ូធ្វើការក្នុងក្រុមហ៊ុនជាមួយគ្នាបណ្តាលឱ្យរងរបួស។ ក្រោយកើតហេតុកម្លាំងនគរបាលក្រុងប៉ោយប៉ែតបានចុះអន្តរាគមន៍ឃាត់ខ្លួនឈ្មោះហ៊ុន ឆក នេះបានម្នាក់ ចំណែកបក្សពួកផ្សេងទៀតរត់គេចខ្លួនបាត់អស់។
ចែករំលែកព័តមាននេះ