ខេត្តឧត្ដរមានជ័យ ៖ មានរឿងរ៉ាវមិនគួរឱ្យជឿមួយ ដែលចៅអធិការវត្ដមួយអង្គជាប់ចោទថាបានប្រើអំពើហិ.ង្សាយកធាងត្នោតវាយយាយជីម្នាក់បណ្ដាលឱ្យរងរបួសធ្ងន់ជាំពេញខ្លួន។ ហេតុការណ៍នេះបានកើតឡើងនៅវត្ដបន្សាយរាក់ ស្ថិតក្នុងភូមិបន្សាយរាក់ សង្កាត់បន្សាយរាក់ ក្រុងសំរោង កាលពីវេលាម៉ោង៤និង១០នាទីរសៀលថ្ងៃទី៣១ មករា កន្លងទៅនេះ ។
ខេត្តឧត្ដរមានជ័យ ៖ មានរឿងរ៉ាវមិនគួរឱ្យជឿមួយ ដែលចៅអធិការវត្ដមួយអង្គជាប់ចោទថាបានប្រើអំពើហិង្សាយកធាងត្នោតវាយយាយជីម្នាក់បណ្ដាលឱ្យរងរបួសធ្ងន់ជាំពេញខ្លួន។ ហេតុការណ៍នេះបានកើតឡើងនៅវត្ដបន្សាយរាក់ ស្ថិតក្នុងភូមិបន្សាយរាក់ សង្កាត់បន្សាយរាក់ ក្រុងសំរោង កាលពីវេលាម៉ោង៤និង១០នាទីរសៀលថ្ងៃទី៣១ មករា កន្លងទៅនេះ ។
ពុទ្ធបរិស័ទចំណុះជើងវត្ដបន្សាយរាក់ដែលឃើញហេតុការណ៍នេះរៀបរាប់ថា មុនពេលកើតហេតុ យាយជីម្នាក់ឈ្មោះ ម៉ឺុន យ៉ោម អាយុ ៦៥ឆ្នាំ រៀបចំបម្រុងទៅងូតទឹក ស្រាប់តែចៅអធិការនាម ហូយ ធុនវុទ្ធ ព្រះជន្ម៥៦ឆ្នាំ បាននិមន្ដមកចោទយាយជីរូបនេះថាបានលួចស្រូវ និងអង្ករក្នុងវត្ដ ព្រមទាំងចោទថា យាយជីរូបនេះបានញុះញង់យាយជីនិងសង្ឃក្នុងវត្ដឱ្យចាកចេញថែមទៀត ។ ប៉ុន្ដែយាយជី ម៉ឺុន យ៉ោម បដិសេធថា មិនបានប្រព្រឹត្ដដូចការចោទប្រកាន់ទេ ។ ភ្លាមនោះ ស្រាប់តែចៅអធិការវត្ដអង្គនេះបានប្រើអំពើហិង្សាស្ទុះទៅទាញយកធាងត្នោតមកវាយសំពងលោកយាយជាច្រើនធាងត្នោតបណ្ដាលឱ្យដេកដួលជាំពេញខ្លួន កុំតែមានអ្នករត់ទៅជួយទាន់ប្រហែលស្លាប់បាត់ទៅហើយ ។
ពុទ្ធបរិស័ទចំណុះជើងវត្ដបានបញ្ជាក់ថា ក្រោយពេលកើតេហតុ នៅព្រឹកថ្ងៃទី១ កុម្ភៈ ចៅអធិការវត្ដអង្គនេះបានរត់ចេញពីវត្ដបាត់ស្រមោល ចំណែកយាយជីត្រូវបានកូនចៅសាច់ញាតិយកទៅសង្គ្រោះនៅមន្ទីរពេទ្យខេត្ដ ។ សូមបញ្ជាក់ថា ហេតុការណ៍នេះ គេពុំទាន់ដឹងថា តើអាជ្ញាធរមូលដ្ឋាន និងសមត្ថកិច្ចដោះស្រាយបែបណានៅឡើយទេ ៕
ចែករំលែកព័តមាននេះ