ខេត្តកំពង់ឆ្នាំង ៖ មានការភ្ញាក់ផ្អើលមួយនៅភូមិឧទម្ពរ ឃុំស្វាយជ្រុំ ស្រុករលាប្អៀរ កាលពីវេលាម៉ោង២រសៀល ថ្ងៃទី៣០ មករា ដោយសារតែមេជ្រូកកើតកូនចម្លែកមួយក្បាល គឺមានក្បាល និងប្រមោយដូចកូនដំរី តែជាអកុសល កើតបានតែ៣ម៉ោង ក៏ងាប់ទៅវិញ ។
ខេត្តកំពង់ឆ្នាំង ៖ មានការភ្ញាក់ផ្អើលមួយនៅភូមិឧទម្ពរ ឃុំស្វាយជ្រុំ ស្រុករលាប្អៀរ កាលពីវេលាម៉ោង២រសៀល ថ្ងៃទី៣០ មករា ដោយសារតែមេជ្រូកកើតកូនចម្លែកមួយក្បាល គឺមានក្បាល និងប្រមោយដូចកូនដំរី តែជាអកុសល កើតបានតែ៣ម៉ោង ក៏ងាប់ទៅវិញ ។
ស្ត្រីឈ្មោះ ជិត រ៉េត អាយុ២៩ឆ្នាំ និងប្តីឈ្មោះ សំ ភួន អាយុ៣២ឆ្នាំ ជាម្ចាស់ជ្រូក រស់នៅក្នុងភូមិខាងលើ និយាយថា កូនជ្រូកចម្លែកនេះ បានកើតជាមួយកូនជ្រូកចំនួន១១ក្បាលទៀត ដែលមេជ្រូកនោះជាជ្រូកដែលបង្កាត់បាក្នុងភូមិ ។ គាត់បានចិញ្ចឹមមេជ្រូកនេះតាំងពីតូចមក និងធ្លាប់កើតកូនចំនួន៨លើកហើយ ទាំងលើកនេះផង ។ កូនជ្រូកចម្លែកនេះជាកូនទី៤ ក្នុងចំណោមកូនជ្រូកទាំងអស់១២ក្បាល ពេលកើតមកវាមានក្បាលដូចដំរី មានប្រមោយ ភ្នែក២ជាប់គ្នា នៅពីមុខយ៉ាងចម្លែក វាកើតមកនៅវេលាម៉ោង២រសៀល ថ្ងៃទី៣០ មករា និងងាប់ទៅវិញនៅម៉ោង៥ល្ងាច ថ្ងៃដដែល គឺរស់បានតែ៣ម៉ោងប៉ុណ្ណោះ ។
ម្ចាស់ជ្រូកនិយាយទៀតថា គាត់គ្មានយល់សប្តិអ្វីចម្លែកទេ ពេលមេជ្រូករបស់គាត់ចាប់ផ្តើមផើម ដោយហេតុនេះហើយ ពេលកូនជ្រូកចម្លែកនេះកើត ហើយងាប់ទៅវិញ ក៏មិនបានចាប់អារម្មណ៍ថាយ៉ាងម៉េចដែរ ខ្លះគេជឿតាមអបិយជំនឿ តែគាត់មិនជឿទេ កូនជ្រូកចម្លែកបែបនេះជារឿងធម្មតាទេ ។
កន្លងមកគេធ្លាប់ដឹងថា ការចាប់កំណើតរបស់សត្វផ្សេងៗដែលមានលក្ខណៈខុសពីរូបរាងដើមរបស់ពូជនៃសត្វ គឺសង្កេតឃើញមានកើតមកច្រើនដែរ តែសត្វនោះមិនមានអាយុវែងទេ កើតបានតែ២ ទៅ៣ម៉ោង ឬ១ថ្ងៃ ២ថ្ងៃប៉ុណ្ណោះ ក៏ងាប់ទៅវិញ គឺកើតមកគម្រប់ជាតិតែប៉ុណ្ណោះ ៕
ចែករំលែកព័តមាននេះ