បើទោះជាផ្នែកខាងក្រៅនៃជីវិតសម្បូណ៌ទៅដោយទ្រព្យសម្បត្តិស្តុកស្តម្ភយ៉ាងណាក៏ដោយ តែបើផ្នែកខាងក្នុងនៃជីវិតមានសេចក្តីក្តៅក្រហាយហើយ នឹងមិនអាចនាំឱ្យជីវិតមានសេចក្តីសុខបានឡើយ ។ ហេតុនេះហើយទើបលោកឱ្យសម្លឹងទៅផ្នែកខាងក្នុងនៃជីវិតស្គាល់ប្រាកដ ហើយសម្រួលអារម្មណ៍ទៅតាមសេចក្តីពិត ទើបនឹងមានឱកាសបានជួបនូវសេចក្តីសុខស្ងប់បាន ។ ជីវិតខាងក្រៅអាស្រ័យបច្ច័យ៤មាន សម្លៀកបំពាក់…
បើទោះជាផ្នែកខាងក្រៅនៃជីវិតសម្បូណ៌ទៅដោយទ្រព្យសម្បត្តិស្តុកស្តម្ភយ៉ាងណាក៏ដោយ តែបើផ្នែកខាងក្នុងនៃជីវិតមានសេចក្តីក្តៅក្រហាយហើយ នឹងមិនអាចនាំឱ្យជីវិតមានសេចក្តីសុខបានឡើយ ។
ហេតុនេះហើយទើបលោកឱ្យសម្លឹងទៅផ្នែកខាងក្នុងនៃជីវិតស្គាល់ប្រាកដ ហើយសម្រួលអារម្មណ៍ទៅតាមសេចក្តីពិត ទើបនឹងមានឱកាសបានជួបនូវសេចក្តីសុខស្ងប់បាន ។
ជីវិតខាងក្រៅអាស្រ័យបច្ច័យ៤មាន សម្លៀកបំពាក់ អាហារបរិភោគ ផ្ទះសម្បែង និងថ្នាំសង្កូវ តែជីវិតខាងក្នុងត្រូវអាស្រ័យធម្មាហារ អាហារគឺធម៌ ។ ប្រៀបដូចមនុស្សដែលមានអាហារល្អ មានសម្លៀកបំពាក់ស្អាត ទីនៅអាស្រ័យក៏មានសមរម្យ តែនៅខ្លួនប្រាណមានរោគបៀតបៀនប្រចាំកាយ ដូច្នេះគឺមិនអាចមានសេចក្តីសុខពេញលេញបានឡើយ ។
រោគផ្លូវចិត្តតែងដុតរោលជីវិតអាក្រក់ក្រៃលែង ជាងរោគផ្លូវកាយ ទើបលោកពោលថា ត្រូវសម្លឹងផ្នែកខាងក្នុងនៃជីវិតឱ្យឃើញតាមសេចក្តីពិត ហើយអប់រំចិត្តឱ្យស្ងប់រម្ងាប់ ទើបនាំជីវិតទៅរកសេចក្តីសុខបាន ។
ចែករំលែកព័តមាននេះ