នៅពេលនិយាយដល់បញ្ហាសិច ស្ត្រីត្រូវគេចាត់ទុកថា អាថ៌កំបាំងជាងបុរសនិងមិនងាយបញ្ចេញឱ្យឃើញនូវសញ្ញាចំណង់ផ្លូវភេទនោះឡើយ ។ បើទោះជាបែបនេះ ប៉ុន្តែមិនមែនមានន័យថា នាងគ្មានចំណង់ភេទនោះទេ ។ ផ្ទុយមកវិញ អ្វីទាំងនេះគឺគ្រាន់តែជាចរិតពីធម្មជាតិឬជាផ្នត់គំនិតមួយដែលគិតថា «បុរសគឺជាអ្នកបង្កាត់ភ្លើងសិច- ជាអ្នកចាប់ផ្តើមមុន »។ ដោយសារបែបនេះហើយ ទើបមានស្ត្រីមួយចំនួនតែងខកចិត្តចំពោះដៃគូខ្លួន ។ តើស្ត្រីចង់បានអ្វីខ្លះទាក់ទងនឹងជីវិតលើគ្រែ ? តាមការបកស្រាយរបស់វេជ្ជបណ្ឌិត Rajan B Bhonsle អ្នកពិគ្រោះយោបល់ផ្នែកសិចបានបញ្ជាក់ថា ស្ត្រីមានអាថ៌កំបាំង៧ចំណុចដូចខាងក្រោម ៖
១- ការជជែកគ្នាយ៉ាងផ្អែមល្ហែមគឺជាថ្នាំសម្រើបដ៏អស្ចារ្យមួយ ៖
ស្ត្រីជាច្រើនចង់បានបែបនេះ ។ ពួកគេយល់ថា ការជជែកសន្ទនាគ្នា នឹងនាំឱ្យមានភាពរីករាយជាពិសេសផ្នែកសិច ។ សម្រាប់ពួកគេ ការជជែកនិងអារម្មណ៍ស្រឡាញ់គឺពិតជាសំខាន់ខ្លាំងណាស់ ។ កិច្ចសន្ទនាយ៉ាងផ្អែមល្ហែមនិងប្រកបដោយភាពស្និទ្ធស្នាលអំឡុងការដើរកម្សាន្តឬខណៈគូស្នេហ៍/គូស្វាមីកំពុងសម្រាកបន្ធូរអារម្មណ៍គឺជាថ្នាំសម្រើបដ៏អស្ចារ្យ ។ ក្នុងឱកាសនេះ បុរសអាចប្រាប់ទៅស្ត្រីជាគូស្នេហ៍ថា ខ្លួនស្រឡាញ់នាងប៉ុនណា សកម្មភាពលួងលោមចិត្តមួយណាដែលខ្លួនគួរប្រើជាមួយនារីជាគូស្នេហ៍ ។
២- ស្ត្រីភាគច្រើនខ្វល់ខ្វាយពីសម្រស់របស់ខ្លួន ៖
សម្រាប់គូស្វាមីដែលបានរស់នៅជាមួយគ្នាអស់ពេលជាយូរហើយនោះ ជួនកាលវាជារឿងធម្មជាតិដែលស្ត្រីគិតថា ស្វាមីឬគូស្នេហ៍លែងមានចំណាប់អារម្មណ៍ផ្លូវភេទលើខ្លួន ។ នេះក៏ព្រោះតែពួកគេដោះសំលៀកបំពាក់ឡើងគ្រែជាមួយគូស្នេហ៍តែក្នុងពេលងងឹតប៉ុណ្ណោះ ។ បុរសមិនគួរខ្វល់ខ្វាយត្រង់ចំណុចនេះឡើយ ។
៣- ស្ត្រីយល់ថា សិចមិនអាចកាត់ផ្តាច់ពីផ្នែកផ្សេងទៀតនៃជីវិតរបស់នាងបានឡើយ ៖
ស្ត្រីត្រូវការអារម្មណ៍និងបទពិសោធន៍ល្អៗអំឡុងពេលនាងកំពុងសប្បាយនឹងសិច ។ ដូច្នេះអ្វីដែលបុរសជាគូស្នេហ៍ប្រព្រឹត្ត មានដូចជា ប្រើពាក្យសម្តីទ្រគោះបោះបោក ប្រើភាសាអសុរោះនិងពាក្យសម្តីរិះគន់ជាដើម គឺសុទ្ធតែប៉ះដល់អារម្មណ៍របស់នាងក្នុងពេលឡើងគ្រែ ។ បុរសគួរចាំថា ស្ត្រីមិនអាចទទួលយកបានទេនូវទង្វើរបស់ខ្លួនទាំងអស់នេះ បើពុំដូច្នោះទេ អ្នកមិនអាចផ្តល់ក្តីសប្បាយ ភាពរំភើបរីករាយដល់នាងបានឡើយ ។
៤- ការដល់ត្រើយមិនមែនជារឿងចាំបាច់ ៖
បុរសជាច្រើនគិតថា ដៃគូល្អគឺជាដៃគូដែលអាចនាំស្រីស្នេហ៍របស់ខ្លួនឈានដល់ចំណុចកំពូល ។ នេះជាគំនិតល្អមួយហើយ តែមិនសំខាន់ប៉ុន្មានទេក្នុងកាលៈទេសៈនេះ ។ ស្ត្រីជាច្រើនគិតថា ខ្លួនទទួលសម្ពាធពីដៃគូនិងពីខ្លួនឯងផងដែរទាក់ទិននឹងរឿងឈានដល់កាមតម្រេក ។ មានពេលខ្លះ ជំនួសឱ្យការដល់ត្រើយ ស្ត្រីចូលចិត្តត្រឹមតែការបបោសអង្អែលរបៀបជាការបញ្ឆេះអារម្មណ៍ប៉ុណ្ណោះ ។
៥- សិចមិនត្រូវការសកម្មភាពដែលមធ្យ័តនោះឡើយ ៖
ការលេងបន្លែងផ្តល់គុណភាពដ៏មហិមាចំពោះអារម្មណ៍ស្ត្រី ។ បុរសជាច្រើនមានការផ្តោតខ្លាំងបំផុតអំពីសិច ។ ពួកគេភ្លេចសើច ភ្លេចទង្វើរប៉ិលរប៉ូចដែលសុទ្ធតែជាសកម្មភាពស្ត្រីចូលចិត្ត ។ ការលេងបន្លែងនិងភាពសប្បាយរីករាយអាចធ្វើឱ្យបរិយាកាសកាន់តែសប្បាយរីករាយនិងអារម្មណ៍ កាន់តែធូរស្រាល ។
៦- ស្ត្រីចូលចិត្តបំផុតការថ្នាក់ថ្នមស្ទាបអង្អែលមិនសំដៅលើការរួមភេទ ៖
ស្ត្រីជាទូទៅចូលចិត្តការលួងលោម ការថ្នាក់ថ្នម ការប្រើពាក្យពេចន៍ផ្អែមល្ហែម ការបីត្រកងនិងការថើប ។ ប៉ុន្តែមួយចំនួនធំក្នុងចំណោមពួកគេតែងរអ៊ូរទាំថា ស្វាមី/ដៃគូរបស់ខ្លួនមិនដែលធ្វើបែបនេះទេលើកលែងតែពេលមុនការរួមភេទប៉ុណ្ណោះ ។
៧- ឱបថ្នាក់ថ្នមប្រកបដោយការយកចិត្តទុកដាក់ក្រោយការរួមសិចគឺជារឿងសំខាន់ ៖
បុរសត្រូវតែដឹងថា ស្ត្រីត្រូវការស្ថិតនៅក្នុងរង្វង់ ទ្រូងដ៏កក់ក្តៅរបស់ខ្លួនបន្ទាប់ពីសិចរួច ។ ពួកគេមួយចំនួនតែងរអ៊ូរថា ស្វាមី/ប្រុសស្នេហ៍មិនដែលអើពើនឹងខ្លួនឡើយហើយតែងតែដេកលក់ភ្លាមក្រោយពីរួមសិចរួច ។ សម្រាប់បុរស ត្រង់ចំណុចនេះគឺពិតជាជួបការលំបាកខ្លះដ្បិត ការដេកលក់បន្ទាប់ពីរួមសិចរួចគឺជាលក្ខខណ្ឌធម្មជាតិរបស់ពួកគេ ។ ក្រោយពីបញ្ចេញទឹកកាមរួច ខួរក្បាលរបស់បុរសបានចុះត្រជាក់ ព្រមពេលគ្នាអារម្មណ៍ក៏ចុះស្ងប់ ទាំងនេះគឺជាដំណាក់កាលដែលប្រព័ន្ធបញ្ជាទាំងអស់ក្នុងរាងកាយបន្ថយសកម្មភាព ។ ស្ត្រីក៏មានដំណាក់កាលនេះដែរ ប៉ុន្តែខុសត្រង់ថា មានល្បឿនយឺតជាងបុរស ៕
ចែករំលែកព័តមាននេះ