រាជធានីភ្នំពេញ ៖ យុវជនប្រមាណ៥០០នាក់បានចូលរួមស្វែងយល់ពីការបង្កើតជំនាញ និងការធ្វើអាជីវកម្មផ្ទាល់ខ្លួន ដែលមានស្តង់ដាមួយ ហើយត្រូវបានរាជរដ្ឋាភិបាលទទួលស្គាល់ក្នុងការប្រកបអាជីវកម្ម ។
ការចូលរួមរបស់យុវជនេះ ស្របពេលដែលក្រសួងការងារ និងបណ្តុះបណ្តាលវិជ្ជាជីវបានជំរុញឲ្យយុវជនងាកចាប់យកជំនាញមួយពិតប្រាកដ ដើម្បីប្រកបរបចិញ្ចឹមជីវិត ហើយស្របនឹងទីផ្សារការងារនាពេលបច្ចុប្បន្ន ។
លោកឡី សុភាព ប្រធានសមាគមសហព័ន្ធវេជ្ជសាស្ត្រឱសថសាស្ត្រ និងទន្តសាស្ត្រកម្ពុជា និងសមាគមអ្នកទីផ្សារបណ្តាញកម្ពុជាបានលើកឡើងក្នុងសិក្ខាវគ្គជំនាញ«បុគ្គលម្នាក់ជំនាញមួយ»និង«អាជីវកម្មមួយស្តង់ដាមួយ» កាលពីពេលថ្មីៗដែលមានយុវជនចូលរួមប្រមាណ៥០០នាក់វគ្គសិក្សានេះនឹងបង្ហាញដល់សិក្សាកាម ដើម្បីទទួលបានចំណេះជំនាញមួយពិតប្រាកដក្នុងការយកទៅប្របកអាជីវកម្មផ្ទាល់ខ្លួន ។
ជាមួយគ្នានោះដែរលោកឡី សុភាព ក៏កោតសរសើរចំពោះលោក លី ស៊ីនន្ទ អគ្គនាយកក្រុមហ៊ុន និងថ្នាក់ដឹកនាំក្រុមហ៊ុនដែលបាន និងកំពុងចូលរួមបណ្ដុះបណ្ដាលយុវជនឲ្យចេះធ្វើអាជីវកម្មទីផ្សារបណ្តាញ និងជួយរកការងារធ្វើជូនសិក្ខាកាមដែលបញ្ចប់ការសិក្សារួច ស្របតាមទស្សនទាន «បុគ្គលម្នាក់ ជំនាញមួយ» និង«អាជីវកម្មមួយស្តង់ដាមួយ» ។ លោកបន្តថា ក្រុមហ៊ុនជួយបណ្ដុះបណ្ដាលយុវជនឲ្យចេះធ្វើអាជីវកម្មទីផ្សារបណ្តាញ ដើម្បីឲ្យយុវជនមានការងារ និងមុខរបរផងដែរ ៕ កែសម្រួលដោយ ៖សុឃាក់
ចែករំលែកព័តមាននេះ