ខេត្តបាត់ដំបង ៖ តាមរយ:ការពិនិត្យលើរូបភាពក្រុមចោរដែលថតជាប់ក្នុងកាមេរ៉ាសុវត្ថិភាព ពេលចូលបន្លំលួចលុយនៅកន្លែង«វីង»វេរលុយ សមត្ថកិច្ចបានអះអាងថា មន្ត្រីជំនាញហាក់កំណត់បានមុខសញ្ញាក្រុមនេះហើយ ដែលមានបក្សពួក៣នាក់ ក្នុងនោះមានស្ត្រីម្នាក់ផង ។ នេះបើតាមប្រសាសន៍លោកឧត្តមសេនីយត្រី…
ខេត្តបាត់ដំបង ៖ តាមរយ:ការពិនិត្យលើរូបភាពក្រុមចោរដែលថតជាប់ក្នុងកាមេរ៉ាសុវត្ថិភាព ពេលចូលបន្លំលួចលុយនៅកន្លែង«វីង»វេរលុយ សមត្ថកិច្ចបានអះអាងថា មន្ត្រីជំនាញហាក់កំណត់បានមុខសញ្ញាក្រុមនេះហើយ ដែលមានបក្សពួក៣នាក់ ក្នុងនោះមានស្ត្រីម្នាក់ផង ។ នេះបើតាមប្រសាសន៍លោកឧត្តមសេនីយត្រី ជេត វណ្ណនី ស្នងការរងខេត្ត ហើយពេលនេះមន្ត្រីជំនាញកំពុងតាមប្រម៉ាញ់យ៉ាងដុតដៃដុតជើងបំផុត ។ សូរំលឹកថា ៖ ប្រកាសឱ្យបិទរូបចោរទាំង៣នាក់តាមទីប្រជុំជន និងកន្លែងវេរលុយនានា
លោកជេត វណ្ណនី បានថ្លែងថា បើយោងលើការវិនិច្ឆ័យទៅលើរូបភាពជនសង្ស័យដែលជាប់នៅក្នុងកាមេ រ៉ាសុវត្ថិភាព បំពាក់នៅកន្លែងវីងវេរលុយ គឺមន្ត្រីជំនាញហាក់កំណត់មុខសញ្ញាបានមួយចំនួនធំហើយ ។ លោកថា ក្រុមនេះមានបក្សពួក៣នាក់មានទាំងស្ត្រីម្នាក់ផង ដែលមានប្រវត្តិធ្លាប់ធ្វើសកម្មភាពប្រព្រឹត្តបទល្មើសបែបនេះ នៅតាមបណ្ដាខេត្តនានា ហើយជនខ្លះក៏ធ្លាប់ជាប់គុកផងដែរ ។
សូមបញ្ជាក់ថា កាលពីវេលាម៉ោង១០និង៣០នាទីព្រឹកថ្ងៃទី១៧ កក្កដា មានចោរដែលមានពាក់ម៉ាស់មុខ បានចូលទៅក្នុងហាងលក់សម្លៀកបំពាក់និងបើកកន្លែង«វីង»វេរលុយមួយកន្លែង ដែលស្ថិតក្នុងភូមិរំចេក៤ សង្កាត់រតនះ ក្រុងបាត់ ដំបង រួចបន្លំលួចយកលុយអស់ជិត២០លានរៀល ហើយនាំគ្នាជិះម៉ូតូចេញទៅដោយសុវត្ថិភាពមិនរំខានដល់ម្ចាស់ហាង និងសមត្ថកិច្ចឡើយ ។ ប៉ុន្តែសកម្មភាពរបស់ក្រុមជនដៃដល់ទាំងនេះ បានបន្សល់ទុកនូវរូបភាពក្នុងកាមេរ៉ាសុវត្ថិភាព ដែលបំពាក់នៅកន្លែងវីងវេរលុយ ដើម្បីជាទុនសម្រាប់សមត្ថកិច្ចតាមស្រាវជ្រាវ ។
ផ្ទះលក់សម្លៀកបំពាក់ ដែលមានបើកទីតាំង «វីង»វេរលុយផងនោះ មានយីហោ «ចែរើយ»ដែលមានម្ចាស់ឈ្មោះជុំ សារើយ ភេទស្រី អាយុ៣៩ឆ្នាំ ។ ជនរងគ្រោះបានបើកលក់សម្លៀកបំពាក់ និងបើកកន្លែងវីងវេរលុយ ដែលមានបំពាក់កាមេរ៉ាសុវត្ថិភាពផង ។ បើតាមការស្រង់សម្តីស្ត្រីរងគ្រោះបាននិយាយថា ដំបូងពួកជនបិទម៉ាសមុខបានដើរចូលទៅរកទិញខោអាវ តែ ឆ្លៀតឱកាសនោះ ស្រាប់តែមានជនម្នាក់បន្លំចូលទៅលួចយកលុយនៅក្នុងវីង តែគាត់មិនបានដឹងទេ រហូតក្រុមនោះនាំគ្នាជិះម៉ូតូចេញផុតទើបគាត់ដឹងនូវពេលបាត់លុយអស់ពីក្នុងវីង ។
ប៉ុន្តែពេលនោះគាត់បានឆែកមើលរូបភាពនៅ ក្នុងកាមេរ៉ា ក៏ឃើញគ្រប់សកម្មភាពដែលក្រុមនោះបានធ្វើ ។ ជុំវិញការបាត់បង់ទឹកប្រាក់ បើតាមជន រងគ្រោះបានរៀបរាប់ប្រាប់សមត្ថកិច្ចថា ទឹកប្រាក់ដែលត្រូវចោរលួចមាន ប្រាក់ខ្មែរចំនួន៨លានរៀល (ប្រាំបីលានរៀល) និងប្រាក់ដុល្លារចំនួន២,០១០ដុល្លារ (ពីរពាន់ដប់ដុល្លារ) ។លោកឧត្តមសេនីយត្រី ជេត វណ្ណនី ស្នងការរងខេត្ត បានថ្លែងថា រហូតមកដល់ពេលនេះមន្ត្រីជំនាញកំពុងធ្វើការស្រាវជ្រាវយ៉ាងដុតដៃ ដុតជើងបំផុត ដើម្បីប្រម៉ាញ់ក្រុមជនដៃដល់ ។ ព្រោះយើងបានកំណត់មុខសញ្ញាទាំងនេះរួចហើយ គឺជាចោរជើងចាស់ ៕ (សម្រួលដោយ៖ ស្រីណា)
ចែករំលែកព័តមាននេះ