ដើម្បីប្រយោជន៍រួម និងដើម្បីសេចក្តីសុខក្នុងរង្វង់គ្រួសារ ស្វាមីភរិយាគួររៀនលះបង់នូវសេចក្ដីសុខផ្ទាល់ខ្លួនឱ្យច្រើន ដូចបុរសជាប្តីគួររស់នៅដើម្បីប្រពន្ធ ចំណែកប្រពន្ធក៏ត្រូវរស់នៅដើម្បីស្វាមីរបស់ខ្លួនដែរ ហើយបើមានកូនផង យើងជាឪពុកម្តាយក៏ត្រូវរស់នៅដើម្បីអនាគតកូន ធ្វើប្រយោជន៍ដើម្បីកូន លើកគ្រួសារឱ្យខ្ពស់ឡើង ។…
ដើម្បីប្រយោជន៍រួម និងដើម្បីសេចក្តីសុខក្នុងរង្វង់គ្រួសារ ស្វាមីភរិយាគួររៀនលះបង់នូវសេចក្ដីសុខផ្ទាល់ខ្លួនឱ្យច្រើន ដូចបុរសជាប្តីគួររស់នៅដើម្បីប្រពន្ធ ចំណែកប្រពន្ធក៏ត្រូវរស់នៅដើម្បីស្វាមីរបស់ខ្លួនដែរ ហើយបើមានកូនផង យើងជាឪពុកម្តាយក៏ត្រូវរស់នៅដើម្បីអនាគតកូន ធ្វើប្រយោជន៍ដើម្បីកូន លើកគ្រួសារឱ្យខ្ពស់ឡើង ។
មែនហើយពេលខ្លះប្តីប្រពន្ធមានគំនិតផ្ទុយគ្នា តែម្នាក់ៗត្រូវយល់ថា វាជារឿងធម្មតាទេ គឺវាតែយ៉ាងហ្នឹងឯង ព្រោះមនុស្សផ្សេងគ្នា ចិត្តក៏ផ្សេងគ្នា នឹងឲ្យត្រូវគ្នាគ្រប់រឿងទាំងអស់យ៉ាងម៉េចនឹងកើត ប៉ុន្តែត្រូវចេះរៀបចំសម្រួល កុំឲ្យចេះតែគិតថាគេត្រូវធ្វើតាមយើងទាំងអស់នោះ ។
គួរចងចាំថា គេមិនតាមយើងព្រោះយើងមិនតាមគេ គេមិនដូចយើងព្រោះយើងមិនដូចគេ ដូច្នេះត្រូវចេះសម្រួលអធ្យាស្រ័យគ្នាម្ដងបន្តិចៗ ភរិយាទន់មក ស្វាមីទេរទៅទីបំផុតផ្លូវណាក៏ត្រូវដើរទៅទាំងពីរនាក់ ត្រូវឈរលើស្មារតីស្មោះត្រង់ទាំងអស់គ្នា ។
បើគ្រួសារណាឈរលើស្មារតីយ៉ាងនេះ រមែងដើរផ្លូវជាមួយគ្នាជាផ្លូវសុភមង្គល ជាផ្លូវត្រូវ នាំគ្នាដើរទៅរកពន្លឺសុភមង្គល ។
ចែករំលែកព័តមាននេះ