ការអប់រំកាយ វាចា ចិត្តឱ្យស្ងប់រម្ងាប់ចាកគ្រឿងសៅហ្មងទាំងឡាយ យោគាវចរគប្បីធ្វើវិបស្សនាគឺការពិចារណាឃើញច្បាស់តាមសេចក្តីពិត ឬប្រាជ្ញាពិចារណាឃើញច្បាស់នូវដំណើរសង្ខារធម៌តាមការណ៍ពិត ។
វិបស្សនានេះធ្វើបានសម្រេចផលល្អទៅបានក៏អាស្រ័យនឹងសប្បាយ៧ប្រការផងដែរគឺៈ ១-បរិយាកាសជុំវិញ ដី ទឹក អាកាស គឺ ធម្មជាតិជុំវិញដែលជាទីមនោរម្យល្អ និងជាទីពេញចិត្ត ។ ២-មានអាហារគ្រប់គ្រាន់ ជាអាហារមានគុណភាពដល់រាងកាយ ទ្រទ្រង់នូវសុភាព មានរស់ជាតិសមគួរ ។ ៣-ទីអាស្រ័យ ទីដេក ទីអង្គុយ មិនមានភ័យ អាចធ្វើកិច្ចការតាមបំណងបានល្អ ។
៤-មានបុគ្គលដែលត្រូវតាមអធ្យាស្រ័យ មិននាំមកនូវសេចក្ដីក្ដៅក្រហាយក្រវល់ក្រវាយក្នុងអារម្មណ៍។ រឹតតែល្អនោះ គឺមានគុណធម៌ មានបញ្ញា មានការចេះដឹង មានមេត្រី ដែលជួយដល់ការ អភិវឌ្ឍដល់បញ្ញា និង ជីវិតឲ្យក្រៃលែងឡើង ។ ៥-ការកម្រើកនៃរាងកាយ គឺការដេក ដើរ ឈរ អង្គុយ ឲ្យមានតុល្យភាព ឬឲ្យស្មើគ្នាទើបឈាមរត់ល្អ មិនស្ទះខ្យល់ ។
៦-មានកន្លែងអាហារ ឬកន្លែងនៃបច្ច័យ៤ ដែលជារបស់ចាំបាច់ប្រើប្រាស់ក្នុងការរស់នៅ ។ ៧-មានឱកាសបានស្ដាប់បានឮពាក្យពេចន៍ និង រឿងរ៉ាវដែលនាំឲ្យកើតបញ្ញាយល់ដឹងក្នុងសេចក្ដីពិត ជាចំណេះដឹងដើម្បីអភិវឌ្ឍគុណភាពមនុស្ស ។
សប្បាយទាំង៧ប្រការនេះជាទីអាស្រ័យផ្តល់សេចក្តីសុខតាមផ្លូវចិត្តដល់អ្នកដែលស្វែងរកសេចក្តីស្ងប់ បានដល់អ្នកធ្វើវិបស្សនាកម្មដ្ឋាន ។
ចែករំលែកព័តមាននេះ