រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ផ្សារបឹងបៃតង ប្រគុំតន្ត្រីរយៈពេល៣ថ្ងៃ ដើម្បីបើកផ្សារ ដើម្បីអោយអាជីវករលក់ដូរ តែការប្រគុំតន្ត្រីបានតែ២ថ្ងៃ ដោយថ្ងៃទី៣ត្រូវបានអាជ្ញាធរចុះទៅបិទ បង្កអោយអ្នកគ្រប់គ្រង…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ផ្សារបឹងបៃតង ប្រគុំតន្ត្រីរយៈពេល៣ថ្ងៃ ដើម្បីបើកផ្សារ ដើម្បីអោយអាជីវករលក់ដូរ តែការប្រគុំតន្ត្រីបានតែ២ថ្ងៃ ដោយថ្ងៃទី៣ត្រូវបានអាជ្ញាធរចុះទៅបិទ បង្កអោយអ្នកគ្រប់គ្រង និងលក់ក្នុងផ្សារតវ៉ាផ្អើល កាលពីល្ងាចថ្ងៃទី១៤ ខែកក្កដា ឆ្នាំ២០១៩ ស្ថិតនៅផ្លូវមហាវិថីឈ្នះឈ្នះ ហៅផ្លូវទំនប់កប់ស្រូវ ដែលស្ថិតនៅភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ ។
សេចក្តីរាយការណ៍បន្ត អាជ្ញាធរនៅសង្កាត់ខាងលើបានបញ្ជាក់ប្រាប់សារព័ត៌មានថា ទីតាំងកើតហេតុត្រូវបានបើកសម្ពោធអោយលក់ដូរជាផ្លូវការ និងបង្កើតកម្មវិធីប្រគុំតន្ត្រីចំនួន៣ថ្ងៃ តែប្រគុំតន្ត្រីបានតែ២ថ្ងៃ ដោយមានការថតផ្សព្វផ្សាយពីអ្នកព័ត៌មាន ព្រោះទីតាំងខាងលើ ដោយមានវង់ល្បែងស៊ីសង (អាប៉ោង) ជាដើម អាជ្ញាធរភូមិសង្កាត់ព្រមទាំងសមត្ថកិច្ចមិនបើកភ្នែកមើល និងមិនព្រមឃាត់ទើបលិចលឺដល់ថ្នាក់ដឹកនាំចុះទៅផ្អាកមិនឲ្យប្រគុំតន្ត្រីតែម្ដង។
អាជីវករលក់ដូរក្នុងផ្សារខាងលើ ដោយមានការលក់ផលិតផលផ្សេងៗ និងលក់ក្នុង៣ថ្ងៃខាងលើ ហើយមានសន្លឹកឆ្នោតផ្សងសំណាង ដោយនៅពេលភ្ញាក់ផ្អើលពួកគាត់មានការតវ៉ាយ៉ាងខ្លាំង ព្រោះមិនទាន់ចាប់រង្វាន់អោយអតិថិជន ។
ក្រោយពេលកើតហេតុអ្នកគ្រប់គ្រងក្នុងផ្សារឈប់ប្រគុំតន្ត្រី តាមសំណូមពរពីអាជ្ញាធរ តែពួកគាត់សុំចាប់រង្វាន់ និងបញ្ចប់កម្មវិធីផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ