នេះ​ហើយ​ជា​រថយន្ត SUV ដែល Bugatti អាច​នឹង​ផលិត


នា​ពេល​បច្ចុប្បន្ន យើង​ចាប់ផ្តើម​ឃើញ​ក្រុមហ៊ុន​រថយន្ត​ស្ព័​រ​ល្បី​ៗ នាំ​គ្នា​ចេញ​ម៉ូ​ដ​រថយន្ត​ខ្ពស់​ៗ​ប្រភេទ SUV ដែល​រួម​មាន​ក្រុមហ៊ុន Lamborghini និង Bentley ជាដើម​។ ចំណែកឯ​ម៉ូ​ដែល​ប្រណិត​ៗ ដូច​ជា Rolls-Royce ក៏​ចេញ​ម៉ូ​ដែល SUV ផង​ដែរ ដែល​ត្រូវ​បាន​គេ​ស្គាល់​ថា ជា SUV ថ្លៃ​ជាងគេ​។ ចំណែកឯ Ferrari និង Aston Martin កំពុង​តែ​គិតគូរ​លើ​ការ​ផលិត​រថយន្ត​ប្រភេទ Crossover ដែល​ជា​រថយន្ត​ខ្ពស់​ដូច​គ្នា​។ នៅឡើយ​តែ​ក្រុមហ៊ុន​រថយន្ត​ស្ព័​រ​ថ្លៃ​ជាងគេ Bugatti ទេ ដែល​មិន​ទាន់​ផ្អា​ល​អីហ្នឹង​គេ​។

ពាក្យ​ចរ​ចាម​អារាម​ជា​ច្រើន​បាន​លើក​ឡើង​ថា Bugatti នឹង​ផលិត​រថយន្ត SUV ដែល​មាន​ល្បឿន​លឿន​បំផុត កម្លាំង​ខ្លាំង​កប់ រាង​ពិសេស និង តម្លៃ​កប់​ពពក​។ យើង​នៅ​មិន​ទាន់​ដឹង​ច្បាស់​នៅឡើយ​ទេ តែ​យើង​សង្ឃឹមថា វា​នឹង​មាន​រាង​ដូចនេះ​។

រូបរាង​របស់​រថយន្ត​ដែល​យើង​ឃើញ គឺជា​ការងារ​របស់​អ្នក​ច្នៃ​ម៉ូត​ជនជាតិ​ស៊ុ​យ​អែ​ត លោក Sajdin Osmancevic ដែល​បច្ចុប្បន្ន​កំពុងធ្វើការ​នៅ​ក្រុមហ៊ុន Skoda ដែល​ជា​ក្រុមហ៊ុន​បងប្អូន​ជាមួយនឹង Bugatti (​ស្ថិត​នៅ​ក្រោម VW តែ​មួយ​)​។ វា​គឺ​ពិតជា​អាច​ទៅ​រួច ព្រោះតែ Bugatti Veyron កាលពីមុន ក៏​ត្រូវ​បាន​ឌី​ហ្សា​ញ​ដោយ​អ្នក​នៅ​ក្រុមហ៊ុន​នេះ​ដែរ​។

ទោះជា​យ៉ាងណា​ក៏​ដោយ​ការងារ​របស់ លោក Osmancevic លើ​រថយន្ត​នេះ គឺ​មាន​ភាព​ទាក់ទាញ ដោយ​មាន​រូបរាង​ដ៏​មាំ និង នៅ​តែ​បន្ត​មាន​បន្ទាត់​ជា​រាង​ក្រចក​ជើងសេះ​នៅ​លើ​តួ ដែល​ជា​សញ្ញា​ប្រចាំ​ត្រកូល​របស់​រថយន្ត Bugatti តាំងពី​ដូនតា​។

មុន​ពេល​មានការ​លេច​រូបរាង​នេះ​ឡើង ក្រុមហ៊ុន Bugatti ធ្លាប់​ចេញ​រូបរាង​របស់​រថយន្ត​ប្រភេទ Saloon ដែល​មាន​ទ្វារ​បួន​។ ដូចនេះ យើង​អាច​ទាញ​សេចក្តីសន្និដ្ឋាន​បាន​ថា ក្រុមហ៊ុន Bugatti ក៏​ចាប់ផ្តើម​គិតគូរ​ដល់​ការ​ផលិត​រថយន្ត​ធំ​ៗ​ជាង​មុន​ផង​ដែរ​៕

ប្រភព ៖ carbuzz , កែសម្រួល​ដោយ ៖ សំណាង

កិច្ចការជំនួញ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ