បុរសម្នាក់នៅភាគខាងកើតប្រទេសចិនបានសម្រេចចិត្តលះបង់ការព្យាបាលជំងឺមហារីករបស់គាត់ដើម្បីសន្សំសំចៃថ្លៃចំណាយសម្រាប់ប្រពន្ធ និងកូនស្រីរបស់គាត់ដែលទទួលរងនូវបញ្ហាសុខភាពធ្ងន់ធ្ងរ ។
លោក Ke Meinan អាយុ៤២ឆ្នាំ រស់នៅក្នុងខេត្ត Jiangsu ត្រូវបានគេធ្វើរោគវិនិច្ឆ័យឃើញថាមានជំងឺមហារីកក្រពះនៅឆ្នាំ ២០១៥ ខណៈពេលក្រោយមកភរិយារបស់គាត់ឈ្មោះ វ៉ាង ហ៊ូយីង (Wang Huaying) អាយុ ៤៦ ឆ្នាំក៏ត្រូវបានគេធ្វើរោគវិនិច្ឆ័យឃើញថាមានជំងឺមហារីកសុដន់ ។
អ្វីដែលហាក់ដូចជាគ្មានក្តីមេត្តាមកលើគ្រួសារនេះ គឺកូនស្រីរបស់ពួកគេដែលមានអាយុ ១៦ ឆ្នាំត្រូវបានគេធ្វើរោគវិនិច្ឆ័យថាមានជំងឺ Lupus Eerythematosus (SLE) ដែលជាប្រភេទជំងឺសាំម្យ៉ាងវាយប្រហាសុខភាពជាលិការបស់រាងកាយ ។ យោងតាម Sina News បានឱ្យដឹងថា ជំងឺនេះបានចំណាយប្រាក់អស់ ១៨០.០០០ យន់រួចហើយ ។
លោក កេ បាននិយាយថាចាប់តាំងពីពេលនោះមកលោកបានលក់ផ្ទះរបស់ខ្លួនហើយខ្ចីលុយពីសាច់ញាតិ និងមិត្តភក្តិដើម្បីព្យាបាលជំងឺ ។ ដើម្បីសន្សំសំចៃថ្លៃឈ្នួលពិនិត្យព្យាបាលលោក កេ បានស្នើសុំថាគាត់ និងប្រពន្ធរបស់គាត់គួរចាប់ឆ្នោត ដើម្បីកំណត់ថាតើនរណាគួរទទួលបានការព្យាបាលបន្ត ។ ទោះជាយ៉ាងណាក៏ដោយអ្នកស្រី វ៉ាង មិនដឹងថាប្តីរបស់នាងបានរៀបចំការចាប់ឆ្នោត ដើម្បីធានាថានាងនៅតែបន្តទទួលបានការថែទាំសុខភាពនោះទេ ។
យោងតាមកាសែត South China Morning Post បានឱ្យដឹងថាលោក កេ បានប្រាប់អ្នកស្រី វ៉ាង ជាប្រពន្ធថា «អ្នកគួរតែចិញ្ចឹមកូនស្រីរបស់យើងរហូតដល់គេធំពេញវ័យ» ។
លោក កេ និងអ្នកស្រី វ៉ាង រកប្រាក់ចំណូលសរុបបាន ២០០០ យន់ (២៩០ដុល្លារ) ក្នុងមួយខែដោយធ្វើការងារសំណង់ និងការងារនៅរោងចក្រ ហើយកូនស្រីរបស់ពួកគេត្រូវការប្រាក់ ១០.០០០ យន់ (១៤៥០ ដុល្លារ) ជារៀងរាល់ថ្ងៃដើម្បីព្យាបាល ។
ខណៈពេលដែលរឿងរ៉ាវរបស់គ្រួសារដ៏កម្សត់នេះត្រូវបានផ្សព្វផ្សាយជាសាធារណៈនោះ គឺមានការបរិច្ចាគនូវទឹកប្រាក់ចំនួន ៩០០.០០០ យ៉ន់ (១៣០.៧៩០ ដុល្លារ) ក្នុងរយៈពេល ៦ ម៉ោងដំបូង ។
ប្តី-ប្រពន្ធរូបនេះបាននិយាយថា ចំនួនទឹកប្រាក់នេះគឺគ្រប់គ្រាន់សម្រាប់ការព្យាបាលកូនស្រីរបស់ខ្ញុំ ។ ដូច្នេះអ្នកអាចបញ្ឈប់ការបរិច្ចាគឥឡូវនេះបាន ! អ្នកទាំងពីរថែមទាំងបានថ្លែងអំណរអរគុណដល់អ្នកទាំងអស់ដែលបានចូលរួមបរិច្ចាគផងដែរ ៕
ប្រភព៖ nextshark , កែសម្រួលដោយ ៖ សំណាង
ចែករំលែកព័តមាននេះ