អតីតបវរកញ្ញាខ្មែរលេងឈុតក្តៅសាច់
- ភ្នំពេញ
រាជធានីភ្នំពេញ ៖ អតីត Miss Univers Cambodia ឆ្នាំ២០១៧ កញ្ញា ប៊ី សុធារី…
រាជធានីភ្នំពេញ ៖ អតីត Miss Univers Cambodia ឆ្នាំ២០១៧ កញ្ញា ប៊ី សុធារី បានធ្វើឲ្យបណ្តាលអ្នកលេងហ្វេសប៊ុកជាច្រើនអ្នកដក.កចំហរមាត់ បើកភ្នែកធំៗសម្លឹងមើលនូវរូបភាពដ៏សិចស៊ីរបស់នាងដែលបានបង្ហោះជាសាធារណៈ។ រូបភាពជាមួយនឹងគ្រោងស្លៀកបំពាក់រ៉ូបដ៏ស្តើង និងសិចស៊ី ដែលបានថតចេញពីបន្ទប់ដេកត្រូវបាន ប៊ី សុធារី បញ្ចេញតាមបណ្តាញសង្គមហ្វេសប៊ុក ដោយមិនញញើតដៃ និងភ្នែកមហាជននោះឡើយ។ រូបភាពនោះត្រូវបាន ប៊ី សុធារី ដាក់ជារូប profile ហ្វេសប៊ុករបស់ខ្លួនតែម្តង ដោយធ្វើឱ្យប្រុសៗក្តៅសាច់។
យ៉ាងណា បន្ទាប់ពីបញ្ចេញនូវរូបភាពសិចស៊ីមួយសន្លឹកនេះ បានធ្វើឲ្យបណ្តាប្រិយមិត្តអ្នកលេងហ្វេសប៊ុកជាច្រើននាំគ្នាសរសើរពីរូបសម្រស់របស់ ប៊ី សុធារី។ ជាការកត់សម្គាល់ការបញ្ចេញនូវរូបភាពដ៏សិចស៊ីរបស់កញ្ញា ប៊ី សុធារី នាពេលនេះមិនមែនជាលើកទីមួយទេ ពោលគឺកន្លងមក តារារូបនេះក៏ធ្លាប់បង្ហាញនូវភាពសិចស៊ីនេះដូចគ្នា ក្នុងពេលដែលនាងចូលរួមប្រកួតបវកញ្ញា និងក្នុងនាមជាអ្នកបង្ហាញម៉ូតមួយរូប។
បើទោះបីជាបានបង្ហាញខ្លួនយ៉ាងកក្រើកចូលរួមប្រកួតកម្មវិធី Miss Univers Cambodia ឆ្នាំ ២០១៧ ក៏ដោយ ប៉ុន្តែតារារូបនេះ ហាក់នៅមិនទាន់បានបង្ហាញវត្តមានសម្តែងនៅក្នុងខ្សែភាពយន្តណាមួយនៅឡើយទេ ក្រៅពីអាជីពបង្ហាញម៉ូត។ ឈានដល់វ័យ២១ឆ្នាំ ប៊ី សុធារី ត្រូវបានគេដឹងថា កំពុងកសាងទំនាក់ទំនងស្នេហាជាមួយបុរសកូនកាត់មួយរូបដែលមានការងារ និងមុខជំនួញនៅក្នុងដៃ។
ប៊ី សុធារី បានទទួលស្គាល់អំពីបញ្ហានេះ និងធ្លាប់បានអះអាងថា ទំនាក់ទំនងមួយនេះ បានកើតឡើងរយៈពេល៥ឆ្នាំហើយ ប៉ុន្តែពួកនាងមិនទាន់មានគម្រោងរៀបការក្នុងពេលឆាប់ៗនេះទេ ដោយហេតុថា នាងចង់ប្រើពេលពិសោធន៍ ក៏ដូចជាមើលចិត្តគ្នាសិន។
ប៊ីសុធារី បញ្ជាក់ថានាង និងគូស្នេហ៍ ទើបតែបាននៅជិតដិតគ្នាក្នុងរយៈប្រមាណ១ឆ្នាំចុងក្រោយនេះប៉ុណ្ណោះ បន្ទាប់ពីមិត្តប្រុសបានវិលត្រឡប់មកនៅក្នុងប្រទេសកម្ពុជាវិញ។ ដូច្នេះហើយ ទើបនាងថា ចង់ប្រើពេលនៅជិតដិតនឹងគ្នានេះ ដើម្បីពិសោធន៍មើលថា តើពួកគេអាចយល់ចិត្តគ្នាបានច្រើនប៉ុណ្ណា ឬក៏ថា អាចនៅជាមួយគ្នាបានឬអត់ ផ្សំនឹងទាំងសង្ខាងនៅមានការរវល់ច្រើនរៀងៗខ្លួនផង។
កញ្ញា ប៊ី សុធារី គឺជាអតីត Miss Univers Cambodia ឆ្នាំ ២០១៧ ហើយមកដល់បច្ចុប្បន្ននាង គឺជាតារាម៉ូដែល និងថតស្ប៉តពានិជ្ជកម្ម ដោយមិនធ្លាប់មានបទពិសោធន៍សម្ដែងភាពយន្តនោះឡើយ៕ (កែសម្រួលដោយ ៖ បុប្ផា)
ចែករំលែកព័តមាននេះ