រាជធានីភ្នំពេញ៖ ដោយយោងទៅតាមសំណើររបស់អគ្គនាយកដ្ឋានអន្តោប្រវេសន៍ ថ្នាក់ដឹកនាំក្រសួងមហាផ្ទៃបានសម្រេចបញ្ចប់ការទទួលពាក្យស្នើសុំជាជនបរទេសអន្តោប្រវេសន៍ និងប័ណ្ណស្នាក់នៅអចិន្ត្រៃយ៍ដល់ជនបរទេស ដែលចាប់អនុវត្តចាប់ពីថ្ងៃទី ០១ ខែកក្កដា ឆ្នាំ២០១៩ នេះតទៅ ។…
រាជធានីភ្នំពេញ៖ ដោយយោងទៅតាមសំណើររបស់អគ្គនាយកដ្ឋានអន្តោប្រវេសន៍ ថ្នាក់ដឹកនាំក្រសួងមហាផ្ទៃបានសម្រេចបញ្ចប់ការទទួលពាក្យស្នើសុំជាជនបរទេសអន្តោប្រវេសន៍ និងប័ណ្ណស្នាក់នៅអចិន្ត្រៃយ៍ដល់ជនបរទេស ដែលចាប់អនុវត្តចាប់ពីថ្ងៃទី ០១ ខែកក្កដា ឆ្នាំ២០១៩ នេះតទៅ ។
យោងតាមប្រកាសស្តពីការបញ្ចប់ការទទួលពាក្យស្នើសុំជាជនបរទេសអន្តោប្រវេសន៍និងប័ណ្ណស្នាក់នៅ អចិន្ត្រៃយ៍ដល់ជនបរទេស ចុះហត្ថលេខាដោយសម្តេច ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃបានសម្រេច៖ ប្រការ១- ត្រូវបានបញ្ចប់ការទទួលពាក្យស្នើសុំជាជនបរទេសអន្តោប្រវេសន៍ និងប័ណ្ណស្នាក់នៅ អចិន្ត្រៃយ៍ដល់ជនបរទេស ដែលបានចែងកំណត់ក្នុងប្រការ៣ នៃប្រកាសលេខ ៤៥០៤ ប្រ.ក ចុះថ្ងៃទី ១១ ខែកញ្ញាឆ្នាំ ២០១៧ ស្តីពីបែបបទនីតិវិធី ការពិនិត្យ ការចុះបញ្ជីទទួលស្គាល់ជនបរទេសអន្តោប្រវេសន៍ក្នុងប្រទេសកម្ពុជា ចាប់ពីថ្ងៃទី ១ ខែកក្កដា ឆ្នាំ២០១៩ តទៅ ។
ប្រភពដដែលបានចែងថា៖ ប្រការ២- ប្រកាសលេខ ៤៥០៤ ប្រ.ក ចុះថ្ងៃទី ១១ ខែកញ្ញាឆ្នាំ ២០១៧ ស្តីពីបែបបទនីតិវិធី ការពិនិត្យ ការចុះបញ្ជីទទួលស្គាល់ជនបរទេសអន្តោប្រវេសន៍ក្នុងប្រទេសកម្ពុជា «ត្រូវទុកជានិរាករណ៍» ។
សូមបញ្ជាក់ថា កន្លងមកនាយឧត្តមសេនីយ៍ ឃុន សំបូរ ធ្លាប់បានឡើងធ្វើបទបង្ហាញតាមរយៈស្លាយ និងពន្យល់ពីប្រវត្តិសាស្ត្រជាយូរលង់មកហើយ កាលពីអំឡុងខែមីនា ឆ្នាំ២០១៩ នេះអំពីជនបរទេសអន្តោប្រវេសន៍ ដោយបានបញ្ជាក់ និងយោងឯកសារភស្តុតាងជំនាន់មុនៗ ដែលនៅសេសសល់ ហើយសមត្ថកិច្ចបានដកហូតពីជនបរទេសកន្លងមក ក្រោយពីសមត្ថកិច្ចយើងបានចុះធ្វើជំរឿន ដើម្បីយកមកបង្ហាញជូនសមាជិក អង្គពិធីទាំងអស់បានយល់កាន់តែច្បាស់ជាមូលដ្ឋាន សម្រាប់យកទៅអនុវត្តការងារបន្តទៀតដល់សមត្ថកិច្ចយើងផងដែរ។
នាយឧត្តមសេនីយ៍ បានឲ្យដឹងនាពេលនោះថា បានពន្យាឱសានវាទនៃការទទួលពាក្យសុំប្រកាសទទួលស្គាល់ និងផ្តល់ប័ណ្ណស្នាក់នៅ អចិន្ត្រៃយ៍ជាជនបរទេសអន្តោប្រវេសន៍នៅកម្ពុជា ដល់ថ្ងៃទី៣០ ខែមិថុនា ឆ្នាំ២០១៩ ជាថ្ងៃកំណត់ចុងក្រោយ ។ ដូច្នេះ បើជនបរទេសណា មិនចូលរួមសហការមកដាក់ពាក្យសុំទេ គឺត្រូវទទួលទោស ឬត្រូវបណ្តេញចេញពីប្រទេសកម្ពុជាចេញទៅប្រទេសដើមកំណើតវិញ ៕
ចែករំលែកព័តមាននេះ