ដើម្បីការពារជីវិតប្រចាំថ្ងៃសូមពិចារណាធម៌ដូចតទៅ
យើងយកធម៌របស់ព្រះពុទ្ធមកពិចារណា ក្នុងការរស់នៅប្រចាំថ្ងៃ ដើម្បីការពារនូវមេរោគ ដែលចូលមកតាមខ្លួនទាំងល្អិត និងគ្រោតគ្រាតមានស្ទឹងទាំង ៦ គឺ ភ្នែក ត្រចៀក ច្រមុះ…
យើងយកធម៌របស់ព្រះពុទ្ធមកពិចារណា ក្នុងការរស់នៅប្រចាំថ្ងៃ ដើម្បីការពារនូវមេរោគ ដែលចូលមកតាមខ្លួនទាំងល្អិត និងគ្រោតគ្រាតមានស្ទឹងទាំង ៦ គឺ ភ្នែក ត្រចៀក ច្រមុះ អណ្ដាត កាយ ចិត្តដែលមានការប្រជុំចុះចូលទន្លេគឺ កិលេស ។
សូមសាកល្បងប្រតិបត្តិគោលធម៌ទាំង១០ នេះសិនមើលក្រែងមានប្រសិទ្ធភាព។ កាយសុចរិត ប្រព្រឹត្តដោយកាយ វចីសុចរិត ប្រព្រឹត្តល្អដោយវាចា មនោសុចរិត ប្រព្រឹត្តល្អដោយចិត្តបានដល់ ១-វៀរចាកការសម្លាប់សត្វ ២-វៀរចាកការលួចទ្រព្យអ្នកដទៃ ៣-វៀរចាកការប្រព្រឹត្តខុសក្នុងកាមទាំងឡាយ ៤-វៀរចាកការនិយាយកុហក ៥-វៀរចាកការនិយាយញុះញង់ ៦-វៀរចាក ការនិយាយចាក់ដោត ៧-វៀរចាកការនិយាយពាក្យឥតប្រយោជន៍ ៨-មិនសម្លឹងរំពៃចង់បានទ្រព្យរបស់អ្នកដទៃ ៩-មិនចងចិត្តប្រទូស្ដរាយគេ ១០-មើលឃើញតាមគន្លងធម៌ដ៏ត្រឹមត្រូវ ។
ចំណុចទាំងអស់នេះមិនមែនជាការងាយសម្រាប់ធ្វើចំពោះអ្នកដែលមានជំងឺលោភៈ ទោសៈ មោហៈនោះទេ តែក៏មិនមែនជាការលំបាកសម្រាប់អ្នកដែលមានបញ្ញានោះដែរ សំខាន់ឱ្យតែបុគ្គលប្តេជ្ញាបោះបង់អំពើអាក្រក់ ហើយងាកមកប្រព្រឹត្តតែអំពើល្អទៅវាស្រេចហើយ ។
ចែករំលែកព័តមាននេះ