វិធានការ​នានា​ត្រូវ​បាន​ដាក់​ចេញ​​ជុំវិញ​ករណី​រលំ​បាក់អគារ…


​ខេត្តព្រះសីហនុ ៖ សម្តេច​តេជោ​នាយក​រដ្ឋមន្ត្រី ហ៊ុន សែន កាល​ពី​យប់​ថ្ងៃ​ទី​២៣ ​មិថុនា បាន​អញ្ជើញ​ទៅ​ដល់​កន្លែង​រលំ​អគារ​កម្ពស់​៧ជាន់ក្នុង​ខេត្ត​ព្រះ​សីហ​នុ ដើម្បី​ចូលរួម​ក្នុង​កិច្ច​ខិតខំ​ប្រឹងប្រែង​រុករកនិង​សង្គ្រោះ​ ។ ក្រៅពី​វត្តមាន​របស់​សម្តេច​តេជោ​នាយក​រដ្ឋមន្ត្រី​ វិធានការ​ផ្សេង​ៗរបស់​រាជ​រដ្ឋា​ភិបាល​ ក៏​ធ្លាក់​មក​ជា​បន្ត បន្ទាប់ ខណៈ​ការ​កាយ​គំនរបែក​បាក់​នៃ​អគារ​នៅ​សល់​តែ​ប្រមាណ​២៥​ភាគរយ​ទៀត​ប៉ុណ្ណោះ ។

រាជ​រដ្ឋាភិបាល​កម្ពុជា​ បាន​សម្រេច​បង្កើត​គណៈកម្មការ​ត្រួតពិនិត្យ​គុណភាព​សំណង់​នៅ​ខេត្ត​ព្រះ​សីហ​នុ ដែល​មាន​សមាស​សភាព​ពី​ស្ថាប័ន​ជំនាញ​ចំនួន​១៥​រូប មក​ពី​ក្រសួង​រៀបចំ​ដែនដី នគរ​ូប​នីយកម្ម និង​សំណង់​ ក្រសួងមហាផ្ទៃ ក្រសួងបរិស្ថាន និង​អភិបាលខេត្ត​ព្រះ​សីហ​នុ​ ។

ភារកិច្ច​របស់​គណៈកម្មការ​នេះ ​គឺ​ត្រួតពិនិត្យ​បទដ្ឋាន​បច្ចេកទេស ស្តង់ដារ​សំណង់ ស្តង់ដារ​សុវត្ថិភាព និង​គុណភាព​សំណង់ នៅ​តាម​ការដ្ឋាន​សំណង់​នៅ​ខេត្ត​ព្រះ​សីហ​នុ​ ។ គណៈកម្មការ​នេះ​ ក៏​មាន​នាទី​ត្រួតពិនិត្យ​លក្ខណសម្បត្តិ​របស់​ក្រុម ហ៊ុន​ទទួល​ម៉ៅ​ការ​សាងសង់ និង​ធ្វើ​បច្ចុប្បន្នភាព​សំណង់​ដែល​បាន​សាងសង់​រួច និង​កំពុង​ធ្វើ​អាជីវកម្ម​ ។

ចំណែក​ក្រសួង​រៀបចំ​ដែនដី​​ នគរូបនីយ​កម្ម និង​សំណង់ ក៏​បាន​បង្កើត​ក្រុមការងារ​បច្ចេកទេស​ដែល​មាន​៨​ក្រុម ដើម្បី​គាំទ្រ​ដល់​គណៈកម្មការ​ត្រួតពិនិត្យ​គុណភាព​សំណង់​នៅ​ឯ​ខេត្ត​ព្រះ​សីហ​នុ​នេះ​ដែរ​ ។ សម្រាប់​​រដ្ឋ​​បាល​ខេត្ត​ព្រះ​សីហ​នុ​វិញ ​មាន​ការ​បង្កើត​ក្រុមការងារ​ដើម្បី​សង្គ្រោះ​មនុស្ស​​ រក​​ជន​ពាក់ព័ន្ធ​ដែល​ធ្វើ​ឲ្យ​មាន​ការ​ធ្វេសប្រហែស​លក្ខណៈ​បច្ចេកទេស និង​ការ​ស្រាវជ្រាវ​បន្តបន្ទាប់​ទៀត ។ នេះ​បើ​តាម​ការ​បញ្ជាក់​របស់​លោក ជួន ណា​រិ​ន្ទ ស្នងការ​នគរបាល​ខេត្ត​ព្រះ​សីហ​នុ​ ។

ក្រៅពី​វិធានការ​ខាងលើ​នេះ សម្តេច​​តេជោ​នាយក​រដ្ឋមន្ត្រី​ ក៏​បាន​អំពាវនាវដល់​សប្បុរសជន​ជួយ​ឧបត្ថម្ភ​ដល់​ជន​រង​គ្រោះ​ដែល​ស្លាប់និង​របួសក្នុង​ហេតុ​ការណ៍​បាក់​រលំ​អគារ​កម្ពស់​៧​ជាន់ នៅ​ក្នុង​ខេត្ត​ព្រះ​សីហ​នុ​ ។ គិត​រហូត​មក​ដល់​ពេល​នេះ ​ជំនួយ​ដែល​ទទួល​បាន​ពី​សប្បុរសជន​មាន​ប្រមាណ​១​លាន​២​សែន​ដុល្លារ​អា​មេ​រិ​ក និង​១៨០​លាន​រៀល ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ