ខេត្តពោធិ៍សាត់ ៖ ក្រុមគ្រួសារសពឈ្មោះតុន ទីម អាយុ៣៨ឆ្នាំ ដែលកំពុងធ្វើបុណ្យតាមប្រពៃណីនៅភូមិចិន្តាយ ឃុំមេទឹក ស្រុកបាកាន ដែលទទួលមរណៈភាពដោយគ្រោះថ្នាក់បាក់សំណង់អគារកំពស់៧ជាន់នៅខេត្តព្រះសីហនុ ត្រូវបានលោកជំទាវ…
ខេត្តពោធិ៍សាត់ ៖ ក្រុមគ្រួសារសពឈ្មោះតុន ទីម អាយុ៣៨ឆ្នាំ ដែលកំពុងធ្វើបុណ្យតាមប្រពៃណីនៅភូមិចិន្តាយ ឃុំមេទឹក ស្រុកបាកាន ដែលទទួលមរណៈភាពដោយគ្រោះថ្នាក់បាក់សំណង់អគារកំពស់៧ជាន់នៅខេត្តព្រះសីហនុ ត្រូវបានលោកជំទាវ ម៉ែន នារីសោភ័គ អគ្គលេខាធិការរងទី១ តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ដិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា រួមជាមួយក្រុមការងារ បាននាំយកថវិកា និងគ្រឿងឧបភោគ បរិភោគមួយចំនួន ជូនដល់ប្រពន្ធរបស់សពឈ្មោះយឹម សុភា អាយុ៣៦ឆ្នាំ មានកូន៣នាក់ (ស្រី២នាក់ប្រុស១នាក់)។
អំណោយទាំងអស់រួមមាន អង្ករ២០០គីឡូក្រាម មី៥កេស ត្រីខ ៥យួរ ទឹក្រូច៥កេស និងថវិកា៥លានរៀល។ ដោយឡែក សាខាកាកបាទក្រហមកម្ពុជាខេត្តពោធិ៍សាត់បានបន្ថែមនូវថវិកាចំនួន៥០ម៉ឺនរៀលទៀត សរុប៥.៥០០ ០០០រៀល កាលពីរសៀលថ្ងៃទី២៣ មិថុនា ។
ក្នុងនាមប្រតិភូតំណាងឱ្យសម្តេច កិត្តិព្រឹទ្ធបណ្ធិត ប៊ុន រ៉ានី ហ៊ុន សែន សូមចូលរួមសោកស្តាយនិងរំលែកទុក្ខយ៉ាងក្រៀមក្រំជាមួយគ្រួសារសពនិងសូមឧទ្ទិស ដល់ដួងវិញ្ញាណក្ខ័ន្ធលោកតុន ទីម បានចាប់បដិសន្ធិក្នុងសុគតិភពកុំបីឃ្លាងឃ្លាតឡើយ។ជាមួយគ្នានេះលោកជំទាវបានរអំពាវដល់ប្រជាពលរដ្ឋទាំងអស់ មានការប្រុងប្រយត្ន័ចំពោះការបម្រែបម្រួលអាកាសធាតុនិងគោរពច្បាប់ចរាចរណ៍ដើម្បីបង្ការគ្រោះថ្នាក់ដល់អាយុជីវិតទាំងអស់គ្នា។
អ្នកស្រី យឹម សុភា ត្រូវជាភរិយានៃសព បានលើកម្រាមដៃ១០ដោយទឹកភ្នែកក្ដុកក្ដួលក្នុងចិត្ត សម្តែងនូវការគោរពដឹងគុណចំពោះសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលជានិច្ចកាលសម្តេចទាំងពីរតែងតែបានយកចិត្តទុកដាក់គិតគូរ ចំពោះប្រជាពលរដ្ឋគ្រប់បញ្ ហា។ ថវិការទាំងនេះ អ្នកស្រីនឹងយកមកចាត់ចែងធ្វើបុណ្យជូនប្ដី ហើយសល់ប៉ុន្មានពង្រីកមុខរបរបន្ថែម ដើម្បីរកប្រាក់ចំណូលចិញ្ចឹមកូនឲ្យរៀនសូត្រ ។ (សម្រួលដោយ៖ ស្រីណា)
ចែករំលែកព័តមាននេះ