តាមប្រភពព័ត៌មាន Shanghaiist បានឱ្យដឹងថា បុរសជនជាតិចិនម្នាក់ ត្រូវបានប៉ូលិសចាប់ខ្លួននៅប្រទេសថៃ ក្រោយពីត្រូវបានចោទប្រកាន់ថា បានច្រានប្រពន្ធទម្លាក់ពីលើភ្នំ ក្នុងគោលបំណងសម្លាប់នាង ដើម្បីយកទ្រព្យនាងមានប្រហែលជា១០០លានបាត (៣.២លានដុល្លារ)។…
តាមប្រភពព័ត៌មាន Shanghaiist បានឱ្យដឹងថា បុរសជនជាតិចិនម្នាក់ ត្រូវបានប៉ូលិសចាប់ខ្លួននៅប្រទេសថៃ ក្រោយពីត្រូវបានចោទប្រកាន់ថា បានច្រានប្រពន្ធទម្លាក់ពីលើភ្នំ ក្នុងគោលបំណងសម្លាប់នាង ដើម្បីយកទ្រព្យនាងមានប្រហែលជា១០០លានបាត (៣.២លានដុល្លារ)។
ស្ត្រីអាយុ៣២ឆ្នាំ ដែលមានឈ្មោះថា Wang Nan ត្រូវបានរកឃើញរងរបួសធ្ងន់ ដោយភ្ញៀវទេសចរម្នាក់ នៅខាងក្រោមភ្នំ ក្នុងឧទ្យានជាតិ Pha Taem កាលពីថ្ងៃទី៩ ខែមិថុនា។ នាងត្រូវបានគេបញ្ជូនទៅមន្ទីរពេទ្យជាបន្ទាន់ ដែលគ្រូពេទ្យរកឃើញថា នាងមានបាក់ឆ្អឹងដងកាំបិតខាងឆ្វេង ឆ្អឹងភ្លៅខាងឆ្វេង ឆ្អឹងដៃខាងឆ្វេង ឆ្អឹងត្រកៀក និង ឆ្អឹងជង្គង់។ តែកូននៅក្នុងផ្ទៃរបស់នាង មិនមានប៉ះពាល់អ្វីទាំងអស់។
ដំបូងឡើយ នាងប្រាប់ថាវាគ្រាន់តែជាគ្រោះថ្នាក់ចៃដន្យ។ ក្រោយមក នាងក៏ដាច់ចិត្តប្រាប់ថា ប្តីរបស់នាងអាយុ៣៣ឆ្នាំ ឈ្មោះ Yu Xiaodong ជាអ្នកច្រាននាងទម្លាក់។ ពេលមុននោះ ដែលនាងមិនប្រាប់តាមត្រង់ គឺមកពីប្តីរបស់នាងមកគម្រាមនាងដល់មន្ទីរពេទ្យថានឹងសម្លាប់ ប្រសិនបើនាងហ៊ានប្រាប់ប៉ូលីស។
គួរបញ្ជាក់ផងដែរ បុរសជាប្តីគឺជាអ្នកក្រ ខណៈដែលគ្រួសារខាងស្រីគឺជាអ្នកមាន។ ពួកគេទាំងពីរនាក់ រកស៊ីនាំទំនិញពីថៃទៅចិន។ នាងជាប្រពន្ធបានខំយកលុយរបស់ខ្លួនទៅសងជំនួសប្តីបានពាក់កណ្តាល។ នរណាទៅនឹកស្មានថា បុរសជាប្តីចិត្តដាច់យ៉ាងនេះសោះ! (សម្រួលដោយ៖ ស្រីណា)
ចែករំលែកព័តមាននេះ