កម្ពុជាស្វាគមន៍ដាក់ដំណើរការក្រុមមិត្តសម្រាប់ប្រយុទ្ធប្រឆាំងអំពើជួញដូរមនុស្សតាមប្រព័ន្ធបច្ចេកវិទ្យានៅUN
- ភ្នំពេញ
រាជធានីភ្នំពេញ ៖ កម្ពុជាបានស្វាគមន៍ចំពោះការឱ្យដំណើរការក្រុមមិត្ត សម្រាប់ប្រយុទ្ធប្រឆាំងអំពើជួញដូរមនុស្សតាមប្រព័ន្ធបច្ចេកវិទ្យានៅអង្កការសហប្រជាជាតិ ។ នេះបើតាមតំណាងអន្ត្រិយ៍កម្ពុជាប្រចាំនៅUN ។
នៅរសៀលថ្ងៃទី១២ ខែមិថុនា ឆ្នាំ២០២៦ ឯកឧត្តម កែវ ឈា ឯកអគ្គរាជទូត/តំណាងអចិន្ត្រៃយ៍កម្ពុជា ប្រចាំអង្គការសហ ប្រជា ជាតិ (អ.ស.ប.) បានចូលរួមពិធីដាក់ឱ្យដំណើរការក្រុមមិត្ត សម្រាប់ប្រយុទ្ធប្រឆាំងអំពើជួញដូរមនុស្សតាមប្រព័ន្ធបច្ចេកវិទ្យា (Group of Friends for Combating Technology-Facilitated Trafficking in Persons ) ដែលផ្តូចផ្តើមដោយសាធារណរដ្ឋកូរ៉េ នៅទីស្នាក់ការកណ្តាលអ.ស.ប. នៅទីក្រុងញូវយ៉ក ។
ក្នុងសេចក្តីថ្លែងការណ៍ ឯកអគ្គរាជទូតបានស្វាគមន៍ចំពោះការបង្កើតក្រុមមិត្តនេះថា ជាគំនិតផ្តួចផ្តើមទាន់ពេលវេលាក្នុងការពង្រឹងកិច្ចសហប្រតិបត្តិការអន្តរជាតិ ដើម្បីដោះស្រាយការប្រើប្រាស់ខុសនូវប្រព័ន្ធបច្ចេកវិទ្យាឌីជីថល ដោយក្រុមជនល្មើសសម្រាប់ការជួញដូរមនុស្ស ។
តំណាងអចិន្ត្រៃយ៍បានគូសបញ្ជាក់អំពីការប្តេជ្ញាចិត្ត និងកិច្ចខិតខំប្រឹងប្រែងរបស់កម្ពុជាក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែនទាំងនេះ រួមទាំងតាមរយៈការអនុម័តច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យាកាលពីដើមឆ្នាំ២០២៦ ដែលជាផ្នែកមួយនៃការពង្រឹងក្របខណ្ឌ និងការអនុវត្តច្បាប់របស់កម្ពុជា ។
ប្រទេសកម្ពុជាបានចូលរួមជាមួយរដ្ឋសមាជិកចំនួន២៤ផ្សេងទៀត ក្នុងការបង្កើតក្រុមមិត្តនេះ ដែលបង្ហាញពីការប្តេជ្ញាចិត្តរួមគ្នាក្នុងការលើកកម្ពស់កិច្ចសហប្រតិបត្តិការអន្តរជាតិ និងកិច្ចសហការដើម្បីប្រឆាំងនឹងការជួញដូរមនុស្សតាមប្រព័ន្ធបច្ចេកវិទ្យា៕
ចែករំលែកព័តមាននេះ