តើអ្វីទៅដែលហៅថាកិលេសកាម? កាមគុណទាំង៥ រូប សំឡេង ក្លិន រស សម្ផស្ស ជាកិលេសកាម។ ចំណង់ទាំង៥នេះតែងមានទុក្ខច្រើន មានសេចក្តីចង្អៀតចង្អល់ក្តៅក្រហាយច្រើននាំចិត្តសត្វឱ្យដល់នូវសេចក្តីសៅហ្មង ។
ព្រះពុទ្ធសាសនាក៏មានបំណង មានទិសដៅនាំអ្នកបដិបត្តិទៅរកទីបំផុតនៃសេចក្តីទុក្ខដែរ តែសំខាន់ត្រង់ថាអ្នកទាំងឡាយនោះព្រមធ្វើតាមការចង្អុលបង្ហាញ និងជឿថា កិលេសក្នុងខ្លួនយើងនេះជាសត្រូវធំ កាមគុណទាំង៥នេះជាទុក្ខពិតប្រាកដក្នុងជីវិតដែរឬទេ ។បើជឿថារឿងហ្នឹងវាជាការពិត នោះនឹងបានសុខ ហើយអប់រំចិត្ត ចម្រើនមេត្តា យកមហាករុណាទិគុណជាធំ ចម្រើនឱ្យរឿយៗទៅនឹងអាចរំលត់ទុក្ខបានហើយ ។
ចំណែកការរំលត់ទុក្ខក្នុងគ្រួសារ ព្រះពុទ្ធសាសនាបានផ្តល់ជាគំនិត៤ ចំណុចសម្រាប់អ្នកគ្រប់គ្រងផ្ទះទាំងឡាយគឺ សច្ចៈពោលពាក្យទៀងត្រង់, ទមៈអប់រំទូន្មានចិត្តឱ្យល្អ, ខន្តិអត់ធន់ និងចាគៈ លះទ្រព្យបំពេញទាន ។
បើគ្រួសារណាយកគោលធម៌៤ប្រការនេះធ្វើជាច្បាប់វិន័យសម្រាប់គ្រប់គ្រងផ្ទះ គ្រួសារនោះនឹងបញ្ចៀសបាននូវបញ្ហាផងទាំងពួង ហើយសុភមង្គលនៃគ្រួសារប្រាកដជានឹងកើតមានជាក់ជាមិនខាន ។
ចែករំលែកព័តមាននេះ