សម្តេច ស ខេង ថា អតីតមេដឹកនាំបក្សប្រឆាំងតែងអួតខ្លួនគោរពសិទ្ធ ប៉ុន្ដែមិនទាន់ធ្វើអ្វីឡើយ
- ភ្នំពេញ
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអះអាងថា អតីតមេដឹកនាំគណបក្សប្រឆាំងលោក សម…
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអះអាងថា អតីតមេដឹកនាំគណបក្សប្រឆាំងលោក សម…
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអះអាងថា អតីតមេដឹកនាំគណបក្សប្រឆាំងលោក សម រង្ស៊ី ដែលកំពុងរស់នៅក្រៅប្រទេសថា ខ្លួនកំពុងតែគោរសិទ្ធិមនុស្ស ប៉ុន្ដែខ្លួនមិនទាន់ធ្វើអ្វី ដើម្បីជាតិឡើយដូចការនិយាយនោះទេ ។ ការលើកឡើងសម្ដេចក្រឡាហោម ស ខេង បែបនេះក្រោយពីលោកសម រង្ស៊ី បានចោទរាជរដ្ឋាភិបាលដឹកនាំប្រទេសសព្វថ្ងៃនេះកំពុងរំលោភសិទ្ធិមនុស្ស និងធ្វើបាប ប្រជារាស្ត្រ ជាងនេះធ្វើបាបអតីតគណបក្សសង្គ្រោះជាតិ ។
ថ្លែងក្នុងទិវាសប្តាហ៍ជាតិ សុវត្ថិភាពចរាចរណ៍លើកទី១២ នៅថ្ងៃទី១១ ខែមិថុនា ឆ្នាំ២០១៩ សម្ដេចស ខេង បានឲ្យដឹងថា កាលណាស្រុកមានសង្គ្រាមជីវិតក៏មានតម្លៃ ប៉ុន្ដែស្រុកមានសន្ដិភាពដូចសព្វថ្ងៃនេះកាន់តែមានតម្លៃបន្ថែមទៀត ។ ជាមួយគ្នានោះដែរសម្ដេចក៏បានគូសបញ្ជាក់ «អ្នកខ្លះថា គេគោរពសិទ្ធមនុស្សណាស់ ក៏ប៉ុន្តែជាប់ស្ដែងគេមិនទាន់បានធ្វើអីនោះទេ គ្រាន់និយាយទេ ។ អ្នកដែលធ្វើមាន តែយើង តែដែលបានធ្វើរឿងហ្នឹងរហូតដល់ប្រជាជនរស់សុខសប្បាយដល់ថ្ងៃនេះហើយ»។
សម្ដេចក្រឡាហោមក៏បានគូសបញ្ជាក់ទៀត «ប៉ុន្ដែមានអ្នកខ្លះគេថា ឥឡូវនឹងអ្នកដឹងនាំសព្វថ្ងៃនឹងមិនគោរពសិទ្ធមនុស្សថា ចេះតែបានហើយ ។ ក៏ប៉ុន្តែ យើងមើលជម្រៅនៃបញ្ហាដែលគេនិយាយថា សិទ្ធិមនុស្ស សិទ្ធិជាមូលដ្ឋានស្អី មានសិទ្ធិរស់រានមានជីវិត អានោះសិទ្ធិធំបំផុត» ។
សូមជម្រាបថា ក្រុមប្រឆាំងទាំងនៅក្នុងប្រទេស និងក្រៅប្រទេសបានចោទប្រកាន់មកលើរាជរដ្ឋាភិបាលថា បានកំពុងរំលោភសិទ្ធិមនុស្សយ៉ាងធ្ងន់ធ្ងរដូចជា បិទសិទ្ធិបញ្ចេញមតិជាសាធារណៈការតវ៉ា នឹងអ្វីមួយដែលក្រុមអ្នកមានអំណាចធ្វើទៅលើប្រជាពលរដ្ឋក្នុងនោះមានបញ្ហាដីធ្លីជាដើម ។ ជាងនេះក្រុមប្រឆាំងក៏បានលើកឡើងថា កម្ពុជាបាត់បង់សិទ្ធិមនុស្ស និងលទ្ធិប្រជាធិបតេយ្យរលំរំលាយអស់ហើយ ។ ទោះជាយ៉ាងណាក្តីលោកសុខ ឥសាន អ្នកនាំពាក្យគណបក្សប្រជាជនកម្ពុជាបានបើកនៅកម្ពុជាបាត់បង់សិទ្ធមនុស្ស និងលទ្ធិប្រជាធិបតេយ្យពិតមែន នោះសង្គមកម្ពុជាប្រាកដជារំជើបរំជួល និងអស្ថិរភាពច្របូកច្របល់ជាមិនខាន ។ តែការជាក់ស្តែងកម្ពុជាមានសន្តិភាពពេញលេញ និងស្ថេរភាពនយោបាយល្អប្រសើរ ៕
ចែករំលែកព័តមាននេះ