អស្ចារ្យ​ណាស់ ! អ្នក​ស្រាវជ្រាវ​បង្កើត​វិធី​កាត់​បន្ថយ​ជម្ងឺ​ឈឺក្បាល​ដោយ​ប្រើ​ស្មា​ត​ហ្វូ​ន


ញូយ៉ក ៖ អ្នក​ស្រាវជ្រាវ​បាន​បង្កើត​វិធី​សម្រាក​តាម​ស្មា​ត​ហ្វូ​ន​មួយ​ដែល​អាច​កាត់​បន្ថយ​ជម្ងឺ​ឈឺក្បាល​សម្រាប់​អ្នក​ដែល​ឧស្សាហ៍​ឈឺក្បាល​ជា​ប្រចាំ ។ កម្មវិធី​ដែល​មានឈ្មោះ​ថា RELAXaHEAD ជួយ​ណែនាំ​អ្នកជម្ងឺ​ពី​ដំណើរការ​នៃ​ការ​សម្រាក​សាច់ដុំ​បែប Progressive Muscle Relaxation (PMR) ដែល​ជា​វិធី​ព្យាបាល​អាកប្បកិរិយា​មួយ​ដែល​ធ្វើ​ឲ្យ​អ្នកជម្ងឺ​សម្រាក និង​សម្រាល​ក្រុម​សាច់ដុំ​ខុស​ៗ​គ្នា​ដើម្បី​កាត់​បន្ថយ​ស្ត្រេ​ស ។

ការ​សិក្សា​នេះ​ត្រូវ​បាន​ចេញផ្សាយ​ក្នុង Nature Digital Medicine និង​ធ្វើការ​វាយតម្លៃ​នៃ​ប្រសិទ្ធិ​ភាព​ព្យាបាល​របស់​កម្មវិធី​ខាងលើ​ក្នុង​ការ​ព្យាយាម​ជម្ងឺ​ឈឺក្បាល​ជា​ប្រចាំ និង​បាន​បន្ថែម​កម្មវិធី​មួយទៀត​ដូច​ជា​ការ​ព្យាបាល​តាម​រយៈ​មាត់​ក្រោម​ការ​ត្រួតពិនិត្យ​របស់​វេជ្ជបណ្ឌិត​ម្នាក់​ផង​ដែរ ។

Mia Minen ដែល​ជា​ជំនួយការ​សាស្ត្រាចារ្យ​ម្នាក់​នៅ​សាកលវិទ្យាល័យ New York University បាន​និយាយ​ថា «​ការ​សិក្សា​របស់​ពួក​យើង​ផ្តល់​ជា​ភស្តុ​តាង​ថា​អ្នកជម្ងឺ​អាច​ទទួល​ការ​ព្យាបាល​បែប​អាកប្បកិរិយា​ប្រសិនបើ​មាន​ភាព​ងាយស្រួល ពួក​គេ​អាច​ធ្វើ​ដោយ​ខ្លួនឯង និង​មាន​តម្លៃ​សមរម្យ​»​។

Minen បាន​បន្ត​ថា វេជ្ជបណ្ឌិត​ត្រូវ​តែ​ត្រួតពិនិត្យ​បច្ចេកទេស​ក្នុង​ការ​ព្យាបាល​ជម្ងឺ​ឈឺក្បាល​ជា​ប្រចាំ​ឡើង​វិញ​ព្រោះ​ការ​ព្យាបាល​ជា​ច្រើន​បើ​ទោះជា​មាន​ប្រសិទ្ធិ​ភាព​ពិតមែន​ក្តី វា​មិន​ងាយស្រួល​សម្រាប់​អ្នកជម្ងឺ​ឡើយ ។

ក្រុម​អ្នក​ស្រាវ​ច្រាវ​បាន​តាមដាន​ការ​ប្រើប្រាស់​កម្មវិធី​ខាងលើ​ដោយ​អ្នកជម្ងឺ​ដែល​មាន​ជម្ងឺ​ឈឺក្បាល​ជា​ប្រចាំ​ចំនួន ៥១​នាក់​ដែល​មាន​ស្មា​ត​ហ្វូ​ន​រៀង​ៗ​ខ្លួន ។ អ្នកជម្ងឺ​ត្រូវ​បាន​ប្រាប់​ឲ្យ​ប្រើ​កម្មវិធី​ខាងលើ​ចំនួន​៩០​ថ្ងៃ និង​កត់ត្រា​ពី​ចំនួន​ពេល​ដែល​ពួក​គេ​ឈី​ក្បាល និង​កម្រិត​នៃ​ការ​ឈី​ក្បាល​ខណៈ​ដែល​កម្មវិធី​តាមដាន​ពី​ពេលវេលា​ដែល​អ្នកជម្ងឺ​ប្រើប្រាស់​ការ​ព្យាបាល ។

ក្នុង​កំឡុង​ពេល​ស្រាវជ្រាវ ជា​មធ្យម​អ្នកចូលរួម​ជួប​ការ​ឈឺក្បាល​ប្រមាណ​១៣​ថ្ងៃ​ក្នុង​មួយ​ខែ ។ ៣៩%​នៃ​អ្នកជម្ងឺ​បាន​ឲ្យ​ដឹង​ថា​ពួក​គេ​មាន​ជម្ងឺ​ថប់​អារម្មណ៍ និង​៣០%​ទៀត​មាន​ជម្ងឺ​បាក់ទឹកចិត្ត ។ ការ​ព្យាបាល​បែប PMR ដែល​ប្រើប្រាស់​កម្មវិធី RELAXaHEAD បាន​ធ្លាក់​ចុះ​មក​ស្មើ ៥១% បន្ទាប់​ពី​៦​ខែ​បន្ទាប់​ពី​ការ​ប្រើប្រាស់ និង​ធ្លាក់​មក​ស្មើ ២៩%​បន្ទាប់​ពី​៣​ខែ​នៃ​ការ​ប្រើប្រាស់​។

Minen បាន​បន្ថែម​ថា «​លទ្ធផល​នៃ​ការ​សិក្សា​បាន​ឲ្យ​ដឹង​ថា ការ​ប្រើប្រាស់​បច្ចេកវិទ្យា​ស្មា​ត​ហ្វូ​ន​អាច​ជួយ​បង្រៀន​ដល់​អ្នកជម្ងឺ​ពី​ជំនាញ​ដែល​ត្រូវការ​ក្នុង​ការ​គ្រប់គ្រង​ជម្ងឺ​ឈឺក្បាល​របស់​ពួក​គេ​» ៕

កែសម្រួល​ដោយ ៖ សំណាង

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

បច្ចេកវិទ្យា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ