ថា​មិច ហ្វា​ន ភីង​ភីង កំពុង​មាន​ផ្ទៃពោះ?


ហ្វា​ន ភីង​ភីង (Fan Bingbing) កំពូល​តារា​សម្តែង​ជនជាតិ​ចិន មិនសូវ​បង្ហាញខ្លួន​ជា​សាធារណៈ​ទេ ក្រោយ​ពី​មានរឿង​អាស្រូវ​គេចពន្ធ​កាលពី​ឆ្នាំ​មុន ទន្ទឹម​នេះ​មាន​ពាក្យ​ចចាមអារ៉ាម​ផ្សាយ​ក្នុង​សារព័ត៌មាន​ជា​ភាសា​ចិន​ថា​ នាង​ប្រហែលជា​កំពុងមាន​ផ្ទៃពោះ ។

តារា​សម្តែង​រូប​ស្រស់​អាយុ​៣៧​ឆ្នាំ​រូប​នេះ​ទើបតែ​បើកហាង​លក់​គ្រឿងសំអាង «Fan Beauty Secret» កាលពី​ពេលថ្មី​ៗ​កន្លង​មក​ ។ ក្នុង​ពេល​ចុង​ក្រោយ​នេះ «ETtoday» របស់​តៃវ៉ាន់ និង «Oriental Daily News» របស់​ហុងកុង​ផ្សាយ​ថា ក្ដី​ស្រមៃ​ក្លាយជា​ម្ដាយ​របស់​​ ហ្វា​ន ភីង​ភីង អាច​ក្លាយជា​ការណ៍​ពិត ព្រោះ​គេ​សង្កេត​ឃើញ​នាង​ពាក់អាវ​រលុង​ខុស​ប្រក្រតី និង​កើន​ទម្ងន់ ។

កាលពី​ឆ្នាំ​២០១៩​លេចឮ​ដំណឹង​ថា ​ហ្វា​ន ភីង​ភីង និង​លោក ​លី​ ឆេ​ន (Li Chen) គូ​ដណ្ដឹង​អាយុ​៤០​ឆ្នាំ​ ដែល​សុំ​នាង​រៀប​ការ​កាលពី​ឆ្នាំ​២០១៧ បាន​នាំ​គ្នា​ចុះ​សំបុត្រ​អាពាហ៍ពិពាហ៍​រួច​ហើយ ប៉ុន្តែ​ពួក​គេ​មិន​បាន​បញ្ជាក់ ឬ​បដិសេធ​ដំណឹង​នេះ​ទេ ។

ស្រប​ពេល​ជាមួយ​គ្នា​នេះ​ក៏​មាន​ដំណឹង​ចចាមអារ៉ាម​ថា​ ហ្វា​ន ភីង​ភីង ​អាច​មានគភ៌ កាលពី​ខែមីនា ​ក្រោយ​ពី​នាង​ទៅ​ចូលរួម​បើកហាង​កែ​សម្រស់​ដោយ​ពាក់​ស្បែកជើង​ស្មើ​ធម្មតាហើយ​លោក​លី ឆេ​ន ក៏​ចូលរួម​ដែរ ៕

កែសម្រួលដោយ ៖ សំណាង

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ