តើសត្វនរកមានអ្វីជាជម្រក ?
នរកជាទីអបាយភូមិដែលមានរណ្តៅជាទីលំនៅនៃសត្វមានបាបនៅរងទុក្ខវេទនាតាមកម្លាំងកម្មដែលខ្លួនបានធ្វើដូចមានពាក្យពោលថា ចុះនរក ធ្លាក់នរកជាដើម ។
គួរឱ្យខ្លាចណាស់គ្រាន់តែកម្ទេចភ្លើងនរកប៉ុនគ្រាប់ស្ពៃក៏អាចរំលាយលោកនេះបាន ។
តើឥទ្ធិពលភ្លើងមហានរកមានកម្លាំងខ្លាំងក្លាយ៉ាងណា ?
ខាងក្រោមនេះជារឿងរា់វដែលកើតមានប្រាកដនៅសម័យពុទ្ធកាលបង្ហាញការពិតយ៉ាងនេះថា កាលនោះព្រះអគ្គសាវកមហាមោគ្គល្លានជាអ្នកមានឫទ្ធិច្រើន លោកបាននិមន្តទៅកាន់ឋានយមលោកពិនិត្យមើលស្ថានភាពនរក តាំងពីនរកតូចៗ រហូតដល់នរកធំឈ្មោះអវិចី ។
លោកនិមន្តទៅដល់ទីណាសត្វនរកក៏បានស្បើយទុក្ខក្នុងទីនោះ ដោយអំណាចនៃឫទ្ធិរបស់លោក ហើយមុននឹងត្រលប់មកវិញ លោកបានយកកម្ទេចភ្លើងអវិចីមហានរកប៉ុនគ្រាប់ស្ពៃស៊កនឹងជាយចីវររបស់លោកមកជាមួយដែរ ។
បន្ទាប់ពីត្រឡប់ពីស្ថាននរកវិញ ព្រះមោគ្គល្លានបាននិមន្តបន្តទៅកាន់ស្ថានសួគ៌ទៀត ដើម្បីពិនិត្យមើលភូមិភាគនិងសុខភាពរបស់ទេវតាក្នុងស្ថានសួគ៌ទាំង៦ជាន់។ ហើយបាននិមន្តទៅឈររេរានៅស្ថានត្រៃត្រឹង្ស ។ ពេលនោះពួកទេវតាក្នុងស្ថានសួគ៌ទាំង ៦ ជាន់ ក្តៅក្រហល់ក្រហាយនឹងចំហាយកម្ទេចភ្លើងអវិចីមហានរកដែលលោកស៊កនឹងជាយចីវរនោះគ្រប់ៗអង្គ ។
ខណៈនោះសក្កទេវរាជបានជ្រាបហេតុហើយ ទៅប្រគេនសញ្ញាដល់ព្រះមោគ្គល្លាន ព្រះមោគ្គល្លាន យល់ថាទេវតាទាំងអស់ ក្តៅក្រហាយដោយសារកម្ទេចភ្លើងដែលជាប់នឹងជាយចីវររបស់អាត្មាអញទេតើ បានជាមានសភាពឆ្លេឆ្លាយ៉ាងនេះ ។
លោកពិចារណាថា កម្ទេចភ្លើងប៉ុនគ្រប់ស្ពៃនេះ មានកម្លាំងក្តៅខ្លាំងណាស់ បើអាត្មាអញចោលទៅលើដី ផែន ដីនឹងឆេះខ្ទេចខ្ទីអស់. ចោលទៅក្នុងសមុទ្រនឹងរីងខះទឹកអស់ឥតសល់ ចោលទៅក្នុងព្ធដ៏អាកាសនឹងរាំងភ្លៀ ងអស់ ១២ ឆ្នាំ។ បើដូច្នោះមានតែអាត្មាអញយកទៅចោលនៅកន្លែងដើមគឺអវិចីមហានរកវិញទើបបាន ។
ចែករំលែកព័តមាននេះ