សម្រាប់ជនជាតិខ្មែរ ពិធីរៀបអាពាហ៍ពិពាហ៍ គឺជាព្រឹត្តិការណ៍សំខាន់បំផុត សម្រាប់ជីវិត ។ ពីមុនឪពុកម្ដាយជាអ្នកទុកដាក់កូនចៅឲ្យមានគូស្រករ ប៉ុន្ដែបច្ចុប្បន្ននេះយុវជន យុវតីខ្មែរភាគច្រើនមានសេរីភាពក្នុងការជ្រើសរើសគូស្រកររបស់ខ្លួន និងឈ្វេងយល់ចិត្តគ្នា មុននឹងឈានដល់ការរៀបអាពាហ៍ពិពាហ៍ ។
ពិធីរៀបអាពាហ៍ពិពាហ៍ខ្មែរជាពិធីប្រពៃណីមួយដែលតម្រូវឲ្យមានកម្មវិធីជាច្រើនដូចជា សូត្រមន្ដ កាត់សក់់ ចងដៃជាដើម ។ ពិធីនេះបានបង្ហាញពីវប្បធម៌ដ៏ល្អរបស់ជនជាតិខ្មែរ ។
គួរឲ្យសរសើរបណ្តាខេត្តមួយចំនួននៅអភិរក្សពិធីមួយចំនួនក្នុងមង្គលការ ខណៈដែលទូទៅបានកាត់ចោល ឬឈប់រៀបចំទៅហើយ ដូចជាពិធីធ្វើធ្មេញ ជាដើម ។
ជាក់ស្តែងនៅតំបន់ខ្លះមានទំនៀមរៀបចំពិធីកប់ល័ក្តហៅថា«លោកសេដ្ឋីមហាសម្បត្តិ និងភិរិយាដ៏មហាឧត្តមដាំដើមចេក និងដើមអំពៅក្នុងសួន»ដើម្បីឲ្យគូស្វាមីភិរិយាថ្មីមានសុខភាពល្អមាំមួន ស្រលាញ់គ្នាដល់ចាស់កោងខ្នង រកស៊ីទទួលទានមានបាន, មានសុភមង្គលល្អ និងឈ្នះអស់រាល់មារសត្រូវទាំងពួង ៕ (កែសម្រួលដោយ ៖ បុប្ផា)
ចែករំលែកព័តមាននេះ