ខេត្តកណ្តាល ៖ ស្ត្រី២នាក់ទៅកាប់ឆ្ការព្រៃនៅលើខ្នងប្រឡាយ រួចយកទៅដុតនៅគំនរសំរាម ស្រាប់តែផ្ទុះ បណ្តាលឱ្យរងរបួសធ្ងន់ត្រូវសាច់ញាតិបញ្ជូនមកកាន់មណ្ឌលសុខភាព ដើម្បីធ្វើការជួយសង្គ្រោះ ។ ហេតុការណ៍នេះកើតឡើងកាលពីម៉ោង៥និង៣០នាទីល្ងាច ថ្ងៃទី០១…
ខេត្តកណ្តាល ៖ ស្ត្រី២នាក់ទៅកាប់ឆ្ការព្រៃនៅលើខ្នងប្រឡាយ រួចយកទៅដុតនៅគំនរសំរាម ស្រាប់តែផ្ទុះ បណ្តាលឱ្យរងរបួសធ្ងន់ត្រូវសាច់ញាតិបញ្ជូនមកកាន់មណ្ឌលសុខភាព ដើម្បីធ្វើការជួយសង្គ្រោះ ។ ហេតុការណ៍នេះកើតឡើងកាលពីម៉ោង៥និង៣០នាទីល្ងាច ថ្ងៃទី០១ ខែមិថុនា ឆ្នាំ២០១៩ នៅចំណុចខ្នងប្រឡាយ ក្នុងភូមិស្រែគោក ឃុំអន្លង់រមៀត ស្រុកកណ្ដាលស្ទឹង។
បើតាមនគរបាលស្រុកអង្គស្នួលបានឱ្យដឹងថា ជនរងគ្រោះទាំង២នាក់ខាងលើ ឈ្មោះ ចាន់ មុំ ភេទស្រី អាយុ៤០ឆ្នាំ និងក្មួយស្រីឈ្មោះ ឡាយ ស្រីជាតិ អាយុ១៩ឆ្នាំ ទាំង២នាក់មីងនិងក្មួយរស់នៅភូមិ-ឃុំកើតហេតុខាងលើជាមួយគ្នា។
ប្រភពដដែលបន្តថាថា នៅថ្ងៃកើតហេតុវេលាម៉ោង៥និង៣០នាទីល្ងាច នៅចំណុចភូមិ-ឃុំកើតហេតុខាងលើ ជនរងគ្រោះទាំងពីរនាក់បានកាប់ឆ្ការព្រៃនៅលើខ្នងប្រឡាយ រួចយកទៅដុតនៅគំនរសំរាម ភ្លាមៗនោះក៏ស្រាប់តែផ្ទុះ បណ្ដាលឲ្យរងរបួសធ្ងន់ និងស្រាល២នាក់តែម្តង។
ក្រោយពេលកើតហេតុ សាច់ញាតិជនរងគ្រោះបានបញ្ជូនជនរងគ្រោះទាំងពីរនាក់មកកាន់មណ្ឌលសុខភាព ដោយសារស្ថានភាពរបួសមានសភាពធ្ងន់ធ្ងរពេក គ្រូពេទ្យបានបញ្ជូនទៅមន្ទីរពេទ្យនៅភ្នំពេញតែម្ដង៕ (កែសម្រួលដោយ ៖ បុប្ផា)
ចែករំលែកព័តមាននេះ