ក្រុមហ៊ុន Mitsubishi កំពុងខិតខំប្រឹងប្រែងហ្វឹកហ្វឺនការប្រកួតហើយ រហូតមកដល់ពេលនេះក្រុមហ៊ុននេះកំពុងធ្វើការងារបានល្អ ។ ការលក់នៅអាមេរិកកំពុងកើនឡើង ហើយផលិតផលថ្មីក៏កំពុងដំណើរការ ។
ទោះបីជាពាក្យចចាមអារ៉ាមលើកមុនបានលើកឡើងថា យីហោរបស់ជប៉ុនអាចនឹងចាកចេញពីសហរដ្ឋអាមេរិកទាំងស្រុង តែវាមិនមែនជាករណីរបស់ Mitsubishi ឡើយ ។ ក្រុមហ៊ុននេះបានគិតគូររួចជាស្រេច ថានឹងចេញរថយន្តប្រភេទ SUV មួយណាសម្រាប់ពេលខាងមុខ ។
សារព័ត៌មាន Autocar បានដឹងថា ប្រភេទ SUV ស្នូលទាំងបីរបស់ក្រុមហ៊ុន ដែលរួមមាន Mitsubishi Outlander, Eclipse Cross និង Outlander Sport នឹងទទួលបានការរចនាជាថ្មី ប៉ុន្តែវានឹងមានភាពខុសប្លែកគ្នាមួយគួរឱ្យកត់សម្គាល់។ ពោលគឺទំហំរបស់វា ។
ប្រភព Mitsubishi ដែលមិនបញ្ចេញឈ្មោះ បានប្រាប់ឱ្យដឹងថា៖ «នៅរាល់ថ្ងៃនេះ យើងមិនស្ថិតនៅក្នុងស្ថានភាពល្អទេ សម្រាប់ទីផ្សាររថយន្ត SUV ដោយសារតែទំហំរបស់វា។ តែនៅក្នុងពេល១៨ខែខាងមុខ អ្នកនឹងឃើញមានការផ្លាស់ប្តូរ»។
ការលើកឡើងនេះ មានន័យថា ក្រុមហ៊ុននឹងធ្វើឱ្យរថយន្ត SUV ម៉ូដែលនីមួយៗ មានទំហំខុសពីគ្នា ដោយមិនមែនស្រដៀងៗគ្នាដូចសព្វថ្ងៃនោះទេ។ ពោល ទាំង Outlander ទាំង Eclipse ទាំង Outlander Sport នឹងមានទំហំខុសៗគ្នា។ ប្រភេទរថយន្ត SUV ថ្មីនឹងមានប្រវែង ៧.៩អ៊ីញបន្ថែមទៀត។ រំពឹងថា Outlander នឹងមានទំហំធំនិង Outlander Sport ក្លាយជាតូចជាងមុន។ Eclipse នឹងមានទំហំធំជាងមុនបន្តិច ។
គេរំពឹងថាក្រុមហ៊ុន Mitsubishi នឹងពង្រីកបច្ចេកវិទ្យា Hybrid និង បច្ចេកវិទ្យារថយន្តដើរដោយអគ្គិសនីពេញលេញសម្រាប់ថ្ងៃអនាគត។ រថយន្ត Eclipse Cross អាចនឹងទទួលបានជម្រើសម៉ាស៊ីន Hybrid ៕
កែសម្រួលដោយ ៖ សំណាង
ចែករំលែកព័តមាននេះ