រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាបានអះអាងថា កម្ពុជានឹងតម្លើងម៉ាស៊ីនភ្លើងយកពីប្រទេសហ្វាំងឡង់ និងប្រទេសអាឡឺម៉ង ដើម្បីផ្គត់ផ្គង់អគ្គិសនីនៅពេលខ្វះខាត ដោយកម្លាំង៤០០មេហ្គាវ៉ាត់ ។ ថ្លែងក្នុងសិក្ខាសាលាស្តីពីបរិយាសវិនិយោគនៅកម្ពុជា នាព្រឹកថ្ងៃទី២៩…
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាបានអះអាងថា កម្ពុជានឹងតម្លើងម៉ាស៊ីនភ្លើងយកពីប្រទេសហ្វាំងឡង់ និងប្រទេសអាឡឺម៉ង ដើម្បីផ្គត់ផ្គង់អគ្គិសនីនៅពេលខ្វះខាត ដោយកម្លាំង៤០០មេហ្គាវ៉ាត់ ។ ថ្លែងក្នុងសិក្ខាសាលាស្តីពីបរិយាសវិនិយោគនៅកម្ពុជា នាព្រឹកថ្ងៃទី២៩ ខែឧសភា នៅប្រទេសជប៉ុន សម្តេចតេជោ ហ៊ុន សែន នាយករដ្ឋមន្ត្រីបានលើកឡើងថា កន្លងមកនេះយើងក៏មានការសោកស្តាយចំពោះភាពរអាក់រអួលក្នុងការផ្គត់ផ្គង់តាមបរិមាណ និងគុណភាពមិនគ្រាប់គ្រាន់ដោយកត្តាអាកាសធាតុមិនអំណោយផលធ្វើឲ្យថាមពលវារីអគ្គិសនីផលិតក្រោយ កម្រិតធម្មតា ។
ជាមួយគ្នានោះដែរសម្តេចក៏បានគូសបញ្ជាក់ឲ្យដឹងថា នៅឆ្នាំខាងមុខនេះនឹងមានការបន្ថែមការផ្គត់ផ្គង់ក្នុងបរិមាណ៥០០មេហ្គាវ៉ាត់ ប្រភពនានារួមមានទាំងពន្លឺព្រះអាទិត្យ ។ សម្តេចបញ្ជាក់ថា៖«ចំណុចនេះ ខ្ញុំសុំយោគយល់ពីសំណាក់អុ្នកវិនិយោគទាំងឡាយក៏ដូចជា អ្នកដែលបានទៅរស់នៅកម្ពុជា ។ ឆ្នាំនេះយើងខ្ញុំមានការពិបាកបញ្ហាអគ្គិសនីដោយសារអគ្គិសនីដែលបញ្ចេញដោយថាមពលនៃវារីអគ្គិសនីគឺ «..» បើយោងតាមរបាយការណ៍របស់រដ្ឋមន្ត្រីក្រសួងឧស្សាហកម្ម រ៉ែ និងថាមពលបញ្ចូលមកព្រឹកមិញនេះ ក្នុងមួយជាង១៣០០មេហ្គាវ៉ាត់ យើងផលិតបានក្រោយ៣០០មេហ្គាវ៉ាត់ប៉ុណ្ណោះ ដូច្នេះ១០០០មេហ្គាវ៉ាត់ទៀតបានបាត់បង់» ។
ដើម្បីអោយមានអគ្គិសនីប្រើប្រាស់គ្រប់គ្រាន់វិញ សម្តេចតេជោក៏បានបញ្ជាក់ទៅកាន់អ្នកវិនិយោគទន់ជប៉ុន នៅទឹកដីជប៉ុនយ៉ាងដូច្នេះថា ៖«យើងខ្ញុំនឹងរៀបចំបន្ទាន់ ដោយតាមគម្រោង គឺ បញ្ចូនម៉ាស៊ីនភ្លើងអគ្គិសនីពីប្រទេសហ្វាំងឡង់ចំនួន២០០មហ្គាវ៉ាត់ និងពីប្រទេសអាឡឺម៉ង់ ចំនួន២០០មេហ្គាវ៉ាត់ ដើម្បីបម្រុងទុកនៅពេលណាមានការចាំបាច់នឹងបញ្ចេញថាមពលនេះ ហើយនៅពេលមានការវិនិយោគថ្មីៗបន្ថែមទៀត ដើម្បីឆ្លើយតបការផ្គង់ផ្គង់អគ្គិសនី» ។
សម្តេចក៏បានលើកឡើងថា ម៉ាស៊ីនភ្លើងដែលនឹងយកមកតម្លើងនៅកម្ពុជានេះនឹងទុកសម្រាប់ប្រើប្រាស់ទាំងពេលមានបញ្ហាខ្វះអគ្គិសនី និងមានពេលមានអគ្គិសនីផងដែរ ។ ក្នុងឱកាសនោះដែរសម្តេចតេជោក៏បានលើកឡើងថា ដូចតាមគោលនយោបាយឆ្នាំ២០១៥ -២០២៥ កម្ពុជាបានចាប់ផ្តើមចុះតម្លៃអគ្គិសនី ជំហ៊ានដំបូងចំនួន២សេន ក្នុងមួយគីឡូវ៉ាត់ម៉ោង សម្រាប់ អ្នកប្រើប្រាស់ប្រភេទឧស្សាហកម្មចាប់ពីឆ្នាំ២០១៩តទៅ និងសិក្សាលទ្ធភាពបញ្ចុះតម្លៃបន្តទៅទៀតផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ