អីយ៉ាស់ ! Huawei រើចេញពីផ្ទះ Google មកធ្វើផ្ទះខ្លួនឯងនៅម្តង
យោងតាម Business Insider បានឱ្យដឹងថាលោក រីឆាដ យូ (Richard Yu) ប្រធានផ្នែកអតិថិជនរបស់ក្រុមហ៊ុន Huawei…
យោងតាម Business Insider បានឱ្យដឹងថាលោក រីឆាដ យូ (Richard Yu) ប្រធានផ្នែកអតិថិជនរបស់ក្រុមហ៊ុន Huawei…
យោងតាម Business Insider បានឱ្យដឹងថាលោក រីឆាដ យូ (Richard Yu) ប្រធានផ្នែកអតិថិជនរបស់ក្រុមហ៊ុន Huawei បានប្រាប់ CNBC ថាប្រព័ន្ធប្រតិបត្តិការផ្ទាល់របស់ក្រុមហ៊ុនអាចត្រៀមខ្លួនជំនួសប្រព័ន្ធប្រតិបត្តិការរបស់ក្រុមហ៊ុន Google និងក្រុមហ៊ុន Microsoft នៅដើមឆ្នាំ ២០២០ ។
លោក យូ បាននិយាយថាក្រៅពីប្រទេសចិនប្រព័ន្ធប្រតិបត្តិការរបស់ក្រុមហ៊ុន Huawei នឹងត្រូវបានត្រៀមខ្លួនរួចរាល់នៅត្រីមាសទី ១ ឬទី ២ នៃឆ្នាំក្រោយ ។ លោកបានបន្ថែមថាក្រុមហ៊ុននឹងត្រៀមខ្លួនរួចរាល់ដើម្បីចាប់ផ្តើមប្រព័ន្ធប្រតិបត្តិការក្រៅប្រទេសរបស់ខ្លួនឱ្យបានឆាប់រហ័សនៅដើមរដូវស្លឹកឈើជ្រុះឆ្នាំនេះ ។
សូមបញ្ជាក់ផងដែរថាក្រុមហ៊ុន Google បានកាត់ផ្តាច់ការចូលប្រើប្រព័ន្ធប្រតិបត្តិការ Android របស់ក្រុមហ៊ុន Huawei បន្ទាប់ពីរដ្ឋាភិបាលអាមេរិកបានចុះបញ្ជី Blacklist ក្រុមហ៊ុននេះ ដោយទុករយៈពេលឱ្យ ៩០ ថ្ងៃមុននឹងកាត់ផ្តាច់ ។
Business Insider បានឱ្យដឹងទៀតថា ថ្លែងទៅកាន់ស្ថានីយទូរទស្សន៍ CNBC កាលពីថ្ងៃព្រហស្បតិ៍លោក យូ បាននិយាយថាប្រព័ន្ធប្រតិបត្តិការសម្រាប់ស្មាតហ្វូន និងកុំព្យូទ័រយួរដៃនឹងត្រូវបានត្រៀមរួចរាល់នៅត្រីមាសទី ៤ នៃឆ្នាំនេះ ដើម្បីចេញលក់នៅប្រទេសចិនបើសិនជាក្រុមហ៊ុននេះត្រូវបានបិទពីការប្រើកម្មវិធី Google និង Microsoft ។ ដោយឡែកអ្នកប្រើប្រាស់នៅខាងក្រៅប្រទេសចិននឹងត្រូវរង់ចាំយូរបន្តិច ។
លោក យូ បានបន្ថែមថាហាងកម្មវិធីផ្ទាល់ខ្លួនរបស់ Huawei (ហៅថា App Gallery) នឹងមាននៅលើប្រព័ន្ធប្រតិបត្តិការថ្មី ។ ក្រុមហ៊ុន Huawei នៅតែប្តេជ្ញាចិត្តចំពោះ Microsoft Windows និង Google Android ប៉ុន្តែប្រសិនបើយើងមិនអាចប្រើវាបានក្រុមហ៊ុន Huawei នឹងរៀបចំផែនការ B ដើម្បីប្រើប្រព័ន្ធប្រតិបត្តិការផ្ទាល់របស់យើង ។
ក្រុមហ៊ុន Google បានប្រកាសថាខ្លួនកំពុងកាត់បន្ថយក្រុមហ៊ុន Huawei ចេញពីប្រព័ន្ធប្រតិបត្តិការ Android របស់ខ្លួនបន្ទាប់ពីក្រុមហ៊ុននេះត្រូវបានដាក់នៅក្នុងបញ្ជី Blacklist ដោយក្រសួងពាណិជ្ជកម្មសហរដ្ឋអាមេរិកដែលមានន័យថាក្រុមហ៊ុនអាមេរិកត្រូវតែសុំការអនុញ្ញាតពីរដ្ឋាភិបាលមុនពេលធ្វើការជាមួយក្រុមហ៊ុនចិន ៕
កែសម្រួលដោយ ៖ សំណាង
ចែករំលែកព័តមាននេះ