រាជធានីភ្នំពេញ៖ អតីត Miss Grantកម្ពុជាឆ្នាំ២០១៦ហេង ចាន់ថា បើរំលឹកពីកាលទើបជាប់ចំណាត់ថ្នាក់នាងហាក់ស្ងប់ស្ងាត់ តែពេលនេះបានក្លាយជាតារាភាពយន្តដ៏លេចធ្លោមួយដួង ។ មានខ្សែភាពយន្តជាច្រើនរឿងមកហើយដែលស្រីស្អាតហេង ចាន់ថា…
រាជធានីភ្នំពេញ៖ អតីត Miss Grantកម្ពុជាឆ្នាំ២០១៦ហេង ចាន់ថា បើរំលឹកពីកាលទើបជាប់ចំណាត់ថ្នាក់នាងហាក់ស្ងប់ស្ងាត់ តែពេលនេះបានក្លាយជាតារាភាពយន្តដ៏លេចធ្លោមួយដួង ។ មានខ្សែភាពយន្តជាច្រើនរឿងមកហើយដែលស្រីស្អាតហេង ចាន់ថា ទទួលសម្តែងទាំងរឿងភាគ និងរឿងដុំ ។
ហេង ចាន់ថា បានបង្ហាញស្នាដៃសម្តែងរបស់ខ្លួនភាគច្រើនក្នុងផលិតកម្មអិលឌី ដោយរឿងខ្លះនាងសម្តែងជាតួឯកជាមួយនាយពែកមី នាយគ្រឿន និងតារាប្រុសមួយចំនួនទៀត។
ជាប់តំណែងជាMiss Grantកម្ពុជា តែអំឡុងពេលនោះហេង ចន្ថា មិនមានឱកាសចេញទៅប្រលងនៅក្រៅស្រុកបន្តទៀតទេ ។ ពេលនោះចាន់ថា អាក់អន់ចិត្តដោយសារនាងចាត់ទុកជាការបំផ្លាញក្តីសង្ឃឹមដែលចង់បង្ហាញសមត្ថភាពលើឆាកអន្តរជាតិតាមបំណងដែលពុះពារទម្រាំបានជាប់លេខ១។
ហេង ចាន់ថា ឲ្យដឹងថាក្រោយពេលដែលនាងប្រឡងជាប់ មានខាងផលិតកម្ម ផ្សេងៗហៅសម្តែង នៅពេលគេដឹងថាអត់បានតំណាងកម្ពុជាចេញទៅប្រឡងនៅក្រៅប្រទេស ។ នាងព្យាយាមសម្តែងឲ្យផលិតកម្មពីមួយរឿងទៅមួយរឿង គិតមកទល់ពេលនេះប្រមាណជិត២០រឿងហើយ ។
បើទោះបីជាអត់បានទៅប្រឡងសម្រស់នៅក្រៅប្រទេស តែហេង ចន្ថា រកគន្លឹះកសាងជីវិតឲ្យលេចធ្លោតាមរយៈសិល្បៈភាពយន្ត ។ កន្លងមកភាពយន្ត ល្បីៗដែលហេង ចន្ថា ចូលរួមសម្តែងដូចជា«កូនក្រក» «វិញ្ញាណខ្មោច» «បន្តោងឆ្នាំងដី»និងរឿង«លោកប្តី» ។ នៅឆ្នាំ២០១៩ ហេង ចន្ថា ទើបតែចុះកិច្ចសន្យាថតរឿងភាគមួយ ចាប់ដៃគូជាមួយលោកលឹម ជាឡាយ ស្នាដៃរបស់ផលិតកម្មហង្ស មាស៕ (កែសម្រួលដោយ ៖ បុប្ផា)
ចែករំលែកព័តមាននេះ