បង្ហាញអ្នកពីអាហារដែលអ្នកម្តាយគួរតែបរិភោគ ដើម្បីកូនក្នុងផ្ទៃ ។ តើមានអ្វីខ្លះទៅ ? 1.ក្នុងរយៈពេល៣ខែដំបូងនៃការមានផ្ទៃពោះ អ្នកម្តាយអាចនឹងចង់ក្អួត ពេលដែលប្រទះនឹងក្លិនមិនល្អ ។ ដូចនេះអ្នកម្តាយអាចបរិភោគអាហារដែលមានក្លិនធម្មតា…
បង្ហាញអ្នកពីអាហារដែលអ្នកម្តាយគួរតែបរិភោគ ដើម្បីកូនក្នុងផ្ទៃ ។ តើមានអ្វីខ្លះទៅ ?
1.ក្នុងរយៈពេល៣ខែដំបូងនៃការមានផ្ទៃពោះ អ្នកម្តាយអាចនឹងចង់ក្អួត ពេលដែលប្រទះនឹងក្លិនមិនល្អ ។ ដូចនេះអ្នកម្តាយអាចបរិភោគអាហារដែលមានក្លិនធម្មតា ដើម្បីកាត់បន្ថយការក្អួតបាន ។ ជាពិសេសអ្នកម្តាយក៏គួរតែទៅពិគ្រោះជាមួយគ្រូពេទ្យ ដើម្បីកាត់បន្ថយអាការៈក្អួតនេះផងដែរ ។
2.អ្នកគួរតែរករបបអាហារដែលតម្រូវតាមចំណង់ចំណូលចិត្តរបស់អ្នក ទើបអាចធ្វើឲ្យអ្នកពិសាបាន មិនងាយក្អួតចេញមកអស់ ។ ដូចនេះ បើអ្នកចូលចិត្តផ្អែម ប្រៃ ឬសាប អ្នកអាចញ៉ាំតាមនោះបាន ។
3.អ្នកម្តាយគួរតែពិសាអាហារដែលមានផ្ទុកប្រូតេអ៊ីនឲ្យបានច្រើន ដូចជា ត្រី បង្គា ស៊ុត ផលិតផលធ្វើពីទឹកដោះគោ រួមនឹងគ្រឿងក្នុងសត្វផងដែរ ។ ជាពិសេសអ្នកក៏អាចពិសាអាហារផ្សេងដែលមានសារធាតុចិញ្ចឹម ព្រមទាំងវីតាមីន ដើម្បីជំនួយដល់ខួរក្បាលរបស់កូនក្នុងផ្ទៃ ។
4.ចំពោះអ្នកម្តាយដែលក្អួតខ្លាំង គួរតែចែកជាច្រើនពេលមកពិសាអាហារ ទើបអ្នកអាចកាត់បន្ថយអាការក្អួតនេះបាន ។ ដូចនេះអ្នកអាចញ៉ាំរៀងរាល់២ទៅ៣ម៉ោងទើបមិនក្អួត ។
5.ក្នុង៣ខែដំបូងនេះ អ្នកគូរតែកាត់បន្ថយអារម្មណ៍តានតឹងរបស់អ្នក ដោយគួរតែដើរហាត់ប្រាណ ស្តាប់ចម្រៀង ដកដង្ហើម វែងៗ ទើបអាចកាត់បន្ថយអាការក្អួតរបស់អ្នកបាន។
6.អ្នកម្តាយគួរតែសម្រាកឲ្យបានច្រើន ព្រោះមានតែការសម្រាកនេះទេ ដែលអាចជួយអ្នកឲ្យមានកម្លាំង ហើយមិនក្អួតខ្លាំង ។ ដូចនេះ អ្នកអាចពិសាតាមនេះបាន ដើម្បីធ្វើឲ្យអ្នកអាចចៀសពីអាការក្អួតខ្លាំង(ប្រភពពី៖ Health.com.kh) ៕ (កែសម្រួលដោយ ៖ បុប្ផា)
ចែករំលែកព័តមាននេះ