ខេត្តកណ្ដាល ៖ ឪពុកចុងម្នាក់ត្រូវបាននគរបាលចាប់ខ្លួន បន្ទាប់ពីបានបញ្ឆោតកូនស្រីចុងម្នាក់ដែលមានសតិមិនគ្រប់ទៅរំលោភបានសម្រេចចំនួន២លើក ហើយត្រូវបែកការណ៍ដឹងដល់ម្តាយ និងបងស្រីរបស់យុវតីរងគ្រោះប្តឹងសមត្ថកិច្ចឱ្យចាប់ខ្លួន ។ ហេតុការណ៍ខាងលើបានកើតឡើងកាលពីវេលាម៉ោង១២ថ្ងៃត្រង់ថ្ងៃទី២២ ឧសភា នៅចំនុចក្នុងព្រៃខាងក្រោយភូមិ…
ខេត្តកណ្ដាល ៖ ឪពុកចុងម្នាក់ត្រូវបាននគរបាលចាប់ខ្លួន បន្ទាប់ពីបានបញ្ឆោតកូនស្រីចុងម្នាក់ដែលមានសតិមិនគ្រប់ទៅរំលោភបានសម្រេចចំនួន២លើក ហើយត្រូវបែកការណ៍ដឹងដល់ម្តាយ និងបងស្រីរបស់យុវតីរងគ្រោះប្តឹងសមត្ថកិច្ចឱ្យចាប់ខ្លួន ។
ហេតុការណ៍ខាងលើបានកើតឡើងកាលពីវេលាម៉ោង១២ថ្ងៃត្រង់ថ្ងៃទី២២ ឧសភា នៅចំនុចក្នុងព្រៃខាងក្រោយភូមិ ក្នុងស្រុកពញាឮ ខេត្តកណ្តាល។
មន្ត្រីនគរបាលស្រុកពញាឮ បានឱ្យដឹងថា ជនសង្ស័យជាឪពុកចុងឈ្មោះ បូ វុន អាយុ៣៧ឆ្នាំ មុខរបរកម្មករសំណង់ មានទីលំនៅក្នុងស្រុកពញាឮ ខេត្តកណ្តាល ។ ចំណែកយុវតីរងគ្រោះ មានអាយុ១៦ឆ្នាំ មុខរបរនៅផ្ទះ មានទីលំនៅក្នុងស្រុកពញាឮ ខេត្តកណ្តាល (នាងមានសតិមិនគ្រប់)។
តាមប្រភពពីនគរបាលបានឱ្យដឹងថា នៅវេលាម៉ោង១១ទៅ១២ ថ្ងៃត្រង់ថ្ងៃកើតហេតុខាងលើ យុវតីរងគ្រោះបានទៅអង្គុយលេងលើបង់តែម្នាក់ឯង នៅក្នុងវត្តធម្មស្រះ ។ នៅពេលនាងកំពុងអង្គុយលេង ស្រាប់តែជនសង្ស័យជាឪពុកចុងបានដើរទៅនិយាយបបួលយុវតីរងគ្រោះដែលត្រូវជាកូនចុងថា «តោះទៅកន្លែងដដែល ដើរទៅមុនអញទៅ ចាំអញដើរទៅតាមក្រោយ» ។
តាមប្រភពដដែលបានបន្តថា បន្ទាប់មកក្មេងស្រីរងគ្រោះបានដើរទៅក្នុងព្រៃខ្នងទំនខាងត្បូងវត្តធម្មស្រះ (ជាកន្លែងកើតហេតុ) លុះពេលទៅដល់កន្លែងកើតហេតុ ជនសង្ស័យបានចាប់ស្រាតខោជើងវែងរបស់យុវតីរងគ្រោះចេញ ហើយជនសង្ស័យបានធ្វើសកម្មភាពរំលោភជនរងគ្រោះរហូតបានសម្រេច។
ក្រោយពេលរំលោភជនរងគ្រោះរួចហើយ ជនសង្ស័យបានអោយជនរងគ្រោះដើរទៅផ្ទះវិញ ជួនពេលនោះបងស្រីរបស់ជនរងគ្រោះបានដើររក ក៏បានឃើញជនរងគ្រោះនៅក្នុងវត្តធម្មស្រះ ហើយបងស្រីបានសួរជនរងគ្រោះថា «ទើបមកពីណា？» ពេលនោះជនរងគ្រោះបានប្រាប់បងស្រីនាងថា «ពូវុន ចាប់ខ្ញុំ» បន្ទាប់មកបងស្រី និងម្តាយរបស់ជនរងគ្រោះបាននាំជនរងគ្រោះមកប្តឹងសមត្ថកិច្ចប៉ុស្តិ៍នគរបាលភ្នំបាតតែម្តង។
តាមចម្លើយសារភាពរបស់ជនសង្ស័យបានឲ្យដឹងថា កាលពីវេលាម៉ោង៤រសៀលថ្ងៃទី១៩ ខែឧសភា ឆ្នាំ២០១៩ ខ្លួនបានធ្វើសកម្មភាពចាប់រំលោភជនរងគ្រោះនៅកន្លែងកើតហេតុខាងលើបានសម្រេចម្តង ប៉ុន្តែជនរងគ្រោះមិនបានប្រាប់ម្ដាយឬបងប្អូនទេ លុះលើកទី២ ក៏ត្រូវបែកការណ៍តែម្តង ។
ក្រោយពីទទួលបានពាក្យបណ្តឹងភ្លាម កម្លាំងប៉ុស្តិ៍ សហការជាមួយកម្លាំងផ្នែកជំនាញ ចុះឃាត់ខ្លួនជនសង្ស័យ បញ្ជូនមកអធិការដ្ឋាននគរបាលស្រុកពញាឮ ដើម្បីធ្វើការសាកសួរ និងកសាងសំណុំរឿង ចាត់ការតាមនីតិវិធី៕ (កែសម្រួលដោយ ៖ ធីតា)
ចែករំលែកព័តមាននេះ