សារព័ត៌មានចិនកកូរកកាយរឿងរ៉ាវស្នេហាតារាសម្តែងដ៏ល្បី២រូបរបស់កូរ៉េ
សារព័ត៌មានរបស់ចិនកាលពីពេលថ្មីៗកន្លងមកបានបង្ហាញរូបថតអាពាហ៍ពិពាហ៍របស់លោកសុង ជុងគី (Song Joong Ki) និងនាងសុង ហេគៀវ (Song Hye Kyo)…
សារព័ត៌មានរបស់ចិនកាលពីពេលថ្មីៗកន្លងមកបានបង្ហាញរូបថតអាពាហ៍ពិពាហ៍របស់លោកសុង ជុងគី (Song Joong Ki) និងនាងសុង ហេគៀវ (Song Hye Kyo) តារាសម្តែងដ៏ល្បីកូរ៉េខាងត្បូង ក្រោយពីតារាសម្តែងនេះ និងក្រុមការងាររបស់ស្ថានីយទូរទស្សន៍ «tvN» ធ្លាប់បានបង្ហាញនៅក្នុងវីដេអូឃ្លីប កាលពីថ្ងៃទី៣ ខែឧសភា ឆ្នាំ២០១៩ ។
«Sina» របស់ចិនបានបង្ហាញរូបចិញ្ចៀនអាពាហ៍ពិពាហ៍របស់នារីតារាសម្តែងរូបស្រស់អាយុ៣៣ឆ្នាំ ។ នៅក្នុងវីដេអូឃ្លីបនោះ នាងមានចិញ្ចៀនពាក់នៅម្រាមដៃ ។ ស្របពេលជាមួយគ្នានេះ ប្រព័ន្ធផ្សព្វផ្សាយបានសន្និដ្ឋានថាជីវិតអាពាហ៍ពិពាហ៍របស់ពួកគេនៅមានភាពល្អូកល្អិន គ្មានការទាស់ទែងគ្នាទេ ។
កាលពីមុននេះ «Sina» ធ្លាប់ចុះផ្សាយរឿងចចាមអារ៉ាមពីការលែងលះមកហើយ ទោះជាបែបណាក្ដីចុងក្រោយនេះអាចជាការបិទបាំងការណ៍ពិត ខណៈពេលអ្នកលេងហ្វេសប៊ុក និងអ្នកគាំទ្ររបស់អ្នកទាំង២បានរិះគន់ថាប្រព័ន្ធផ្សព្វផ្សាយនោះហាក់ដូចជីកកកាយរឿងរ៉ាវស្នេហារបស់តារាសម្តែងទាំង២ដួងនោះ ៕
ចែករំលែកព័តមាននេះ