បុគ្គលណាមិនចងចិត្តគយគន់ រំពៃសម្លឹងចង់បានទ្រព្យសម្បត្តិអ្នកដទៃ មិនចងចិត្តគុំកួន ព្យាបាទ ប្រទូសរ៉ាយអ្នកដទៃ, មិនយល់ខុសចាកគន្លងធម៌ដោយសេចក្តីមិនលោភលន់ មិនក្រោធខឹង ភ្លេចវង្វេង បុគ្គលនោះលោកហៅថាជាអ្នកឆ្លាតឈ្លាសវៃក្នុងកិច្ចទាំងពួង និងបាននាមថាជាអ្នកធ្វើបុណ្យផ្លូវចិត្តបានផលច្រើន ។
ចិត្តដែលបុគ្គលទូន្មានបានល្អហើយ រមែងធ្វើឲ្យខ្លួនឯង និងអ្នកដទៃទទួលបានសេចក្តីសុខ ជីវិតស្រស់ថ្លា ព្រោះថាចិត្តអាចផ្តិតជាប់ទាំងអារម្មណ៍ល្អ និងអាក្រក់ បើយើងមិនបានអប់រំល្អទេ ចិត្តនេះនឹងស្ទុះទៅតាមតែចំណង់អារម្មណ៍ ។
កាលបើបុគ្គលអប់រំចិត្តដោយឥរិយាបថទាំង៤បានល្អហើយ ពិចារណាឃើញសង្វេគធម៌ក្នុងអសុភកម្មដ្ឋានទាំងឡាយ មានបញ្ញាភ្លឺស្វាង ឲ្យជាចិត្តរួចចាកមន្ទិលគ្រប់បែបយ៉ាង ជាចិត្តគួរដល់មគ្គផល នេះហៅថា ធ្វើបុណ្យផ្លួវចិត្តថ្នាក់វិបស្សនាសមាធិ ។
ចែករំលែកព័តមាននេះ