ខេត្តបន្ទាយមានជ័យ ៖ បុរសជាជនជាតិឥណ្ឌនេស៊ីចំនួន៣នាក់បានជិះម៉ូតូមួយគ្រឿងហើយចាំងភ្លើងហ្វារថយន្តដែលនៅពីមុខ ធ្វើឱ្យរេចង្កូតម៉ូតូទៅបុករថយន្តមួយគ្រឿងផ្សេងទៀតដែលគេចតចោល បណ្តាលឱ្យស្លាប់ម្នាក់ និងរបួសធ្ងន់ស្រាល២នាក់កាលពីវេលាម៉ោងជាង៣ឈានចូលថ្ងៃទី២ ឧសភា ២០១៩ ។ ជនរងគ្រោះទាំង៣នាក់ខាងលើត្រូវបានគេស្គាល់អត្តសញ្ញាណតែម្នាក់ទេគឺអ្នកបើកបរម៉ូតូឈ្មោះKEVIN…
ខេត្តបន្ទាយមានជ័យ ៖ បុរសជាជនជាតិឥណ្ឌនេស៊ីចំនួន៣នាក់បានជិះម៉ូតូមួយគ្រឿងហើយចាំងភ្លើងហ្វារថយន្តដែលនៅពីមុខ ធ្វើឱ្យរេចង្កូតម៉ូតូទៅបុករថយន្តមួយគ្រឿងផ្សេងទៀតដែលគេចតចោល បណ្តាលឱ្យស្លាប់ម្នាក់ និងរបួសធ្ងន់ស្រាល២នាក់កាលពីវេលាម៉ោងជាង៣ឈានចូលថ្ងៃទី២ ឧសភា ២០១៩ ។
ជនរងគ្រោះទាំង៣នាក់ខាងលើត្រូវបានគេស្គាល់អត្តសញ្ញាណតែម្នាក់ទេគឺអ្នកបើកបរម៉ូតូឈ្មោះKEVIN TAHARY ភេទប្រុស អាយុ២៨ឆ្នាំ ជាជនជាតិឥណ្ឌូនេស៊ី និងជាបុគ្គលិកកាស៊ីណូមួយនៅក្រុងប៉ោយប៉ែត បានស្លាប់ ។ ចំណែកបុរសជនជាតិឥណ្ឌូណេស៊ីចំនួន២នាក់ផ្សេងទៀតដែលជាអ្នករួមដំណើរ ហើយរងរបួសធ្ងន់ស្រាលនោះ មិនត្រូវបានស្គាល់អត្តសញ្ញាណ ឡើយ ។
តាមប្រភពពីអ្នកធ្វើការជាមួយជនរងគ្រោះម្នាក់បានប្រាប់ថា មុនពេលកើតហេតុ ជនរងគ្រោះទាំង៣នាក់ខាងលើបានជិះម៉ូតូមួយគ្រឿងម៉ាកឃ្លីក មិនស្គាល់ស៊េរី ចេញមកពីធ្វើការក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ ក៏មានរថយន្តមួយគ្រឿងបើកបញ្ច្រាសទិសគ្នា និងមានបើកភ្លើងហ្វាខ្លាំង។
តាមប្រភពដដែលបានបន្តថា ដោយសារតែចាំងភ្លើងហ្វារថយន្តពីខាងមុខ ធ្វើឱ្យជនរងគ្រោះដែលជាអ្នកបើកបរក៏រ៉េចង្កូតម៉ូតូចូលកៀន ស្រាប់តែដួលម៉ូតូទៅបុករថយន្តមួយគ្រឿងផ្សេងទៀតដែលគេចតចោល បណ្តាលឲ្យរបួសធ្ងន់ស្រាលទាំង៣នាក់តែម្តង។
តាមប្រភពដដែលបានបន្តទៀតថា ដោយសាររបួសធ្ងន់ធ្ងរពេក អ្នកបើកបរម៉ូតូបានស្លាប់ពេលបញ្ជូនទៅកាន់មន្ទីរពេទ្យបង្អែកក្រុងប៉ោយប៉ែត។ ដោយឡែកបុរស២នាក់ទៀតដែលជាអ្នករួមដំណើរបានរងរបួសធ្ងន់ស្រាល ត្រូវបានបញ្ជូនទៅព្យាបាលនៅគ្លីនិកឯកជនក្នុងខេត្តសៀមរាប។
ក្រោយកើតហេតុ សពជនរងគ្រោះម្នាក់ខាងលើត្រូវបានគេយកទៅតម្កល់ទុកនៅវត្តបាលិលេយ្យ ស្ថិតក្នុងភូមិក្បាលស្ពាន២ សង្កាត់ប៉ោយប៉ែត រង់ចាំសាច់ញាតិដែលកំពុងធ្វើដំណើរពីប្រទេសឥណ្ឌូនេស៊ីមកទទួលយកដើម្បីចាត់ចែងធ្វើបុណ្យតាមប្រពៃណី។
ពាក់ព័ន្ធនឹងករណីគ្រោះថ្នាក់ចរាចរណ៍ខាងលើខាងលើ នគរបាលជំនាញផ្នែកចរាចរនៃអធិការដ្ឋាននគរបាលក្រុងប៉ោយប៉ែតម្នាក់បានប្រាប់តាមទូរស័ព្ទថា ពិតជាមានជនជាតិឥណ្ឌូនេស៊ីម្នាក់បានស្លាប់ និងបុរសជាជនជាតិឥណ្ឌូនេស៊ី២នាក់ផ្សេងទៀតបានរងរបួសធ្ងន់ស្រាល ដោយសារគ្រោះថ្នាក់ចរាចរមែន ប៉ុន្តែមិនទាន់ដឹងមូលហេតុច្បាស់លាស់នៅឡើយទេ ហើយថាពេលនេះកំពុងចុះទៅកន្លែងកើតហេតុដើម្បីស្រាវជ្រាវរកការពិត៕
ចែករំលែកព័តមាននេះ