ខេត្តកំពង់ឆ្នាំង ៖ មានករណីជីកស្រះលើទួលបុរាណមួយកន្លែងទៀតហើយ ដែលមន្ត្រីជំនាញបានចុះទៅពិនិត្យនៅថ្ងៃចន្ទ័ដើមសប្តាហ៍នេះ ដើម្បីអោយដឹងច្បាស់ថា ជាទួលបុរាណនេះមានក្នុងបញ្ជីសារពើភ័ណ្ឌ ឬមានក្នុងផែនទីរបស់ក្រសួងពិតមែនដែរឬទេ ហើយបើសិនជាមានមែន មន្ត្រីជំនាញនឹងកសាងសំណុំរឿង តាមផ្លូវច្បាប់…
ខេត្តកំពង់ឆ្នាំង ៖ មានករណីជីកស្រះលើទួលបុរាណមួយកន្លែងទៀតហើយ ដែលមន្ត្រីជំនាញបានចុះទៅពិនិត្យនៅថ្ងៃចន្ទ័ដើមសប្តាហ៍នេះ ដើម្បីអោយដឹងច្បាស់ថា ជាទួលបុរាណនេះមានក្នុងបញ្ជីសារពើភ័ណ្ឌ ឬមានក្នុងផែនទីរបស់ក្រសួងពិតមែនដែរឬទេ ហើយបើសិនជាមានមែន មន្ត្រីជំនាញនឹងកសាងសំណុំរឿង តាមផ្លូវច្បាប់ និងទុកអោយជនល្មើសរួចខ្លួនឡើយ ។ ទួលបុរាណដែលត្រូវបានគេលួចជីកជាស្រះនោះជាចំណុចជើងទួលប្រសាទសន្ធប់ ចំណុចទួលតាអុង ស្តិតនៅក្នុងភូមិកង្កែប ឃុំច្រណូក ស្រុកកំពង់លែង ប៉ុន្តែគ្មានរូបរាងប្រសាទនៅសស់នោះទេ គឺនៅសល់តែថ្មប្រសាទ២-៣ដុំ នៅលើដីតែប៉ុណ្ណោះ ។
លោក សុខ ធួក ប្រធានមន្ទីរវប្បធម៌ និងវិចិត្រសិល្បៈខេត្តកំពង់ឆ្នាំងបាននិយាយថា ពិតជាមានការជីកស្រះលើទួលខាងលើពិតមែន ហើយបើទួលនេះជាទួលបុរាណពិតមែនមន្ទីរជំនាញ និងរៀបចំឯកសារប្តឹងអ្នកប្រព្រឹត្តបទល្មើសទៅតាមផ្លូវច្បាប់ ។ មូលហេតុដែលលោកនិយាយបែបនេះដោយសារទួលនេះវាបានរាប ស្ទើរជាដីស្រែទៅហើយ ម្យ៉ាងវិញទៀតក្រោយពីពិនិត្យ និងវាស់វែងហើយលោក និងដកឃ្លាមកស្រាវជ្រាវសិនថា តើជាទួលបុរាណមានក្នុងបញ្ជីសារពើភ័ណ្ឌ ឬមានក្នុងផែនទីរបស់ក្រសួងវប្បធម៌ និងវិចិត្រសិល្បៈដែរឬទេ ហើយបើមានមែនលោកនឹងរៀបចំឯកសារដាក់ប្តឹងទៅតុលាការតាមផ្លូវច្បាប់ ។
យ៉ាងនេះក្តីលោក បានបញ្ជាក់ថា ចំពោះទីទួលមួយនេះពិតជាទីទួលប្រាសាទចាស់ដែលត្រូវបានរងការបំផ្លាញកាលក្នុងសម័យសង្គ្រាមក្នុងទស្សវត្ស7០ និង 8០ ដែលមកដល់នៅពេលនេះបានបាត់រូបរាងអស់ហើយ នៅសល់តែថ្មភក់ និងថ្មបាយក្រៀម តិចតួច និងខ្លះកប់ក្នុងដីតែប៉ុណ្ណោះ ។
តាមការបញ្ជាក់របស់អាជ្ញាធរឃុំច្រណូកបានប្រាប់មន្ត្រីជំនាញថា បទល្មើសលួចជីកស្រះនេះបានធ្វើឡើង ក្នុងអំឡុង ក្រោយពេលបុណ្យចូលឆ្នាំខ្មែរ៣-៤ថ្ងៃ ដោយគ្មានសុំច្បាប់ទម្លាប់ពីអាជ្ញាធរ ឬមន្ត្រីជំនាញឡើយ ហេតុនេះហើយអាជ្ញាធរឃុំសំណូមពរដល់មន្ត្រីជំនាញ សូមដាក់ពាក្យប្តឹងជនប្រព្រឹត្តបទល្មើស ជីក ស្រះលើទួលបុណនេះអោយបានខ្លាំងក្លាបំផុត ។
ក្រោយការវាស់វែងមន្ត្រីជំនាញបានពិនិត្យឃើញថា បទល្មើសជីកយកអាចម៍ដី និងបង្កើតជាស្រះនៅមិនឆ្ងាយពីជើងប្រាសាទសន្ធប់មួយនេះ មានទំហំទទឹង១០ម៉ែត្រ បណ្ដោយ៣១ម៉ែត្រកន្លះ និងជម្រៅ៣ម៉ែត្រកន្លះ ៕
ចែករំលែកព័តមាននេះ