ខេត្តកំពង់ចាម ៖ ប្រភពបានឱ្យដឹងថា មុនការភ្ញាក់ផ្អើលនេះ គឺបន្ទាប់ពីមានមន្ត្រីធនាគារម្នាក់ពេលចុះទៅបំពេញបេសកកម្មតាមភូមិ ប៉ុន្តែក៏ខ្វះលុយសម្រាប់ចាយនោះ ក៏បានដើរចូលទៅក្នុងទូATM ដើម្បីដកលុយចាយ ។ គ្រាន់តែគាត់បើកទ្វារចូលភ្លាម…
ខេត្តកំពង់ចាម ៖ ប្រភពបានឱ្យដឹងថា មុនការភ្ញាក់ផ្អើលនេះ គឺបន្ទាប់ពីមានមន្ត្រីធនាគារម្នាក់ពេលចុះ
ទៅបំពេញបេសកកម្មតាមភូមិ ប៉ុន្តែក៏ខ្វះលុយសម្រាប់ចាយនោះ ក៏បានដើរចូលទៅក្នុងទូATM ដើម្បី
ដកលុយចាយ ។ គ្រាន់តែគាត់បើកទ្វារចូលភ្លាម ស្រាប់តែប្រទះឃើញវ៉ាលិសខ្មៅមួយនៅក្នុងទីនោះ មិនហ៊ាននៅជិត ចេញវិញភ្លាមប្រាប់គេប្រាប់ឯងតែម្តង ។
គួរបញ្ជាក់ថា ទីតាំងទូATMធនាគារឯកជនខាងលើ ក្នុងចំណោមទូចំនួន៣នៅកណ្តាលគេនៅជាប់នឹង
សាខាកាកបាទក្រហមខេត្ត សង្កាត់កំពង់ចាម ក្រុងកំពង់ចាម ធ្វើឱ្យមានការភ្ញាក់ផ្អើល ដោយមានជនមិនស្គាល់មុខ បានយកវ៉ាលិសមួយនេះដាក់នៅក្នុងទូនោះមិនដឹងតាំងពីពេលណានោះទេ ។ ហេតុការណ៍ភ្ញាក់ផ្អើលកើតឡើងនៅរសៀលថ្ងៃទី២៦ មេសា រហូតផ្អើលដល់មន្ត្រីស៊ីម៉ាក់ចុះមកពិនិត្យទៀតផង ។
សមត្ថកិច្ចបានប្រាប់បន្តថា មន្ត្រីធនាគារខាងលើបានរាយការណ៍បន្ទាន់ទៅប្រធានធនាគារ ដើម្បីឲ្យបាន
ដឹង ហើយដំបូងសង្ស័យក្នុងវ៉ាលិសមានបង្កប់អ្វីមួយ ហើយបានរាយការណ៍មកសមត្ថកិច្ចមូលដ្ឋានហើយ
សមត្ថកិច្ចបានមកជាច្រើនមិនហ៊ានចូលទៅយកវ៉ាលិស ។ ដោយបានពឹងឱ្យមន្ត្រីស៊ីម៉ាក់មកបើកវ៉ាលិស
សង្ស័យក្រែងមានគ្រឿងផ្ទុះ លុះពេលបើកឃើញមានសុទ្ធតែក្រដាស់ប្រាក់ដុល្លារ សម្រាប់សែនឆេងម៉េងនិងដុំស្នោតែប៉ុណ្ណោះ ។
ដោយមិនអស់ចិត្តទៀត សមត្ថកិច្ចបានឱ្យខាងធនាគារឯកនោះ ឆែកមើលកាមេរ៉ាសុវត្ថិភាពទើបឃើញសង្ស័យមនុស្សមិនគ្រប់ទឹក បានយកវ៉ាលិសមកដាក់នៅក្នុងទូATMនោះ ។ ទោះបីជាយ៉ាងណា សមត្ថកិច្ចបាននៅត្រង់ទូនោះ រហូតដល់ពេលល្ងាច ។ បានឃើញវត្តមានលោកឧត្តមសេនីយ៍ទោ ឯម កុសល ស្នងការនគរបាលខេត្ត និងសហការី តាមដានរកមើលមនុស្សដែលយកវ៉ាលិសទៅដាក់ក្នុងទូនោះ ។
ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ