ADផ្ទាំងផ្សព្វផ្សាយពាណិជ្ជកម្ម

Picture

អំបិល​កំពត​ធម្មជាតិ​ប្រមាណ​ជាង ១០០​តោន នាំ​ចេញ​ទៅ​បារាំង ខណៈ​ការ​នាំ​ចូល​អំបិល​ពី​ចិន​មក​ផ្គត់ផ្គង់​ទីផ្សារ​ក្នុងស្រុក​នៅ​តែ​បន្ត

4 ឆ្នាំ មុន
  • ភ្នំពេញ

រាជធានី​ភ្នំពេញ ៖ អំបិល​កំពត​ធម្មជាតិ​ដែល​ផលិត​ដោយ​ដៃ​ជា​លក្ខណៈ​ប្រពៃណី​នៅ​ក្នុង​ប្រទេស​កម្ពុជា​ប្រមាណ ១០៨ តោន​ត្រូវ​បាន​នាំ​ចេញពី​កម្ពុជា​កាលពី​ថ្ងៃ​ទី ២៥ ខែមេសា ម្សិលមិញ​នេះ​ទៅ​កាន់​ទីផ្សារ​នៅ​ក្នុង​ប្រទេស​បារាំង ខណៈ​សហគមន៍​អ្នក​ផលិត​អំបិល​ខេត្តកំពត​- កែប​បាន​លើក​ឡើង​ថា​ក​ង្វៈ​ខាត​អំបិល​នៅ​ក្នុងស្រុក​បន្ត​កើត​មាន…

រាជធានី​ភ្នំពេញ ៖ អំបិល​កំពត​ធម្មជាតិ​ដែល​ផលិត​ដោយ​ដៃ​ជា​លក្ខណៈ​ប្រពៃណី​នៅ​ក្នុង​ប្រទេស​កម្ពុជា​ប្រមាណ ១០៨ តោន​ត្រូវ​បាន​នាំ​ចេញពី​កម្ពុជា​កាលពី​ថ្ងៃ​ទី ២៥ ខែមេសា ម្សិលមិញ​នេះ​ទៅ​កាន់​ទីផ្សារ​នៅ​ក្នុង​ប្រទេស​បារាំង ខណៈ​សហគមន៍​អ្នក​ផលិត​អំបិល​ខេត្តកំពត​- កែប​បាន​លើក​ឡើង​ថា​ក​ង្វៈ​ខាត​អំបិល​នៅ​ក្នុងស្រុក​បន្ត​កើត​មាន ដែល​តម្រូវ​ឲ្យ​មានការ​នាំ​ចូល​អំបិល​ពី​ចិន​មក​ផ្គត់ផ្គង់​ទីផ្សារ​ក្នុងស្រុក​ដដែល​សម្រាប់​ឆ្នាំ ២០១៩ នេះ ។

បើ​តាម​ប្រសាសន៍​លោក​ឧកញ៉ា ហៃ លី​អ៊ា​ង ប្រធាន​អគ្គ​នាយ​ក្រុមហ៊ុន Confirel បាន​ឲ្យ​ដឹង​ថា​នៅ​ឆ្នាំ ២០១៩ នេះ​ការ​ផលិត​អំបិល​របស់​ផលិតករ​នៅ​ខេត្តកំពត​ទទួល​បាន​ទិន្នផល​ល្អ ដោយសារ​តែ​កត្តា​អាកាសធាតុ ទើប​ធ្វើ​ឲ្យ​ផលិតករ​អំបិល​អាច​ប្រមូល​អំបិល​ធម្មជាតិ (​អំបិល​គ្រាប់​) បាន​ច្រើន និង​បង្ក​លក្ខណៈ​ឲ្យ​ក្រុមហ៊ុន​របស់​លោក​អាច​នាំ​ចេញ​អំបិល​ធម្មជាតិ​ផលិត​ដោយ​ដៃ​ជា​លក្ខណៈ​ប្រពៃណី ចំនួន ១០៨ តោនកាលពីថ្ងៃទី ២៥ ខែមេសានេះ ។ ជាពិសេសគុណភាព​អំបិល​របស់​ខ្មែរ​នៅ​ក្នុង​ខេត្តកំពត គឺ​ពិតជា​បាន​ឆ្លើយ​តប​យ៉ាង​ត្រឹមត្រូវ​បំផុត​ទៅ​នឹង​លក្ខខណ្ឌ​របស់​សហគមន៍​ស្រែអំបិល​ហ្គេ​រ៉​ង់ នៃ​ប្រទេស​បារាំង ទៅ​កាន់​ទីផ្សារ​អឺរ៉ុប​ម្តងទៀត​បន្ទាប់​ពី​មានការ​អាក់ខាន​រយៈពេល ២ ឆ្នាំ​កន្លង​ទៅ ។

«​ចំណុច​សំខាន់​សម្រាប់​ការ​នាំ​ចេញ​អំបិល​ធម្មជាតិ ឬ​ហៅ​ថា​ជា​ប្រភេទ​អំបិល​គ្រួ​ស​កំពត​ទៅ​កាន់​ទីផ្សារ​បារាំង​ពេល​នេះ គឺ​ធំ​បំផុត​ឲ្យ​គេ​បាន​ស្គាល់​ខ្មែរ​យើង ព្រោះ​ពេល​និយាយ​ដល់​អំបិល គឺ​គេ​ស្គាល់​អំបិល​កំពត​ខ្មែរ ហើយ​វា​ក៏​បាន​នាំ​នូវ​ចំណូល​ដល់​ផលិតករ​អំបិល​កំពត​ផង​ដែរ​» ។ នេះ​ជា​ការ​បញ្ជាក់​របស់ លោក​ឧកញ៉ា ហៃ លី​អ៊ា​ង ។ សូម​បញ្ជាក់​ថា​កម្ពុជា​នាំ​ចេញ​អំបិល​កំពត ២០​តោន​ដោយ​ក្រុមហ៊ុន ខន​ហ្វី​រេល ទៅ​ប្រទេស​បារាំង​កាលពី​ឆ្នាំ ២០១៧ តែ​ដោយសារ​តែ​កត្តា​អាកាសធាតុ ធ្វើ​ឲ្យ​ការ​នាំ​ចេញ​ខកខាន​អស់​រយៈពេល ២​ឆ្នាំ​ជាប់​ៗ​គ្នា​ ។ ខណៈ​ដែល​អាកាសធាតុ​អំណោយផល​ធ្វើ​ឲ្យ​ការ​ផលិត​អំបិល​មាន​ភាពល្អ​ប្រសើរ​ឡើង​វិញ​តាំងពី​ដើម​ខែមករា រហូត​មក ក៏​ប៉ុន្តែ​កម្ពុជា​នៅ​តែ​ត្រូវការ​នាំ​ចូល​ផលិតផល​អំបិល​ពី​ប្រទេស​ចិន មក​ផ្គត់ផ្គង់​លើ​ទីផ្សារ​ក្នុងស្រុក​ដដែល​។

បើ​តាម​លោក ប៊ុ​ន បារាំង ប្រធាន​សហគមន៍​អ្នក​ផលិត​អំបិល​ខេត្តកំពត កែប បាន​មាន​ប្រសាសន៍​តាម​ទូរ​សព្ទ អោយ​ដឹង​ថា​កម្ពុជា បើ​ទោះបីជា​កម្ពុជា​អាច​មាន​លទ្ធភាព​នាំ​ចេញ​ផ្កាអំបិល និង​អំបិល​គ្រួ​ស ទៅ​កាន់​ទីផ្សារ​ប្រទេស​បារាំង​ក្ដី តែ​គម្រោង​នាំ​ចូល​អំបិល​ពី​ប្រទេស​ចិន ក៏​នៅ​តែ​បន្ត​ដំណើរការ​ដដែល ពីព្រោះ​ផលិតផល​អំបិល​របស់​កម្ពុជា មិន​អាច​គ្រប់គ្រាន់​តាម​តម្រូវការ​ជាក់ស្ដែង​បាន​ឡើយ ។ លោក​បាន​បន្ត​ទៀត​ថា​អំពិល​នាំ​ចេញ​ទៅ​បារាំង​គឺជា​អំបិល​មានគុណ​ភាព​និង​មាន​តម្លៃ​ខ្ពស់ ខណៈ​អំបិល​ដែល​ទិញ​ពី​ប្រទេស​ចិន​មក​ផ្គត់ផ្គង់​ទីផ្សារ​ក្នុងស្រុក មាន​តម្លៃ​តែ​ប្រមាណ​៩០​ដុល្លារ​អា​មេ​រិ​ក​ប៉ុណ្ណោះ​ក្នុង​មួយ​តោន បើ​បូក​បញ្ចូល​ទាំង​ថ្លៃ​ដឹក​ទៀត​នោះ មួយ​តោន​ត្រូវ​ចំណាយ​ប្រមាណ​១៣៥​ដុល្លារ​អា​មេ​រិ​ក ។

តែ​សម្រាប់​អំបិល​ដែល​នាំ​ចេញ​ទៅ​បារាំង​វា​មាន​តម្លៃ​ខ្ពស់​ជាង​នេះ​ឆ្ងាយ ហើយ​លោក​ក៏​មិនដឹង​ច្បាប់​ថា​ប៉ុន្មាន​ដែរ ពីព្រោះ​ការងារ​នេះ​គឺ​បារាំង​ជា​អ្នក​ទាក់ទង​ទៅ​កសិករ​ដោយ​ផ្ទាល់ ។ លោក ប៊ុ​ន បារាំង បាន​បន្ថែម​ថា អំបិល​ដែល​នឹង​នាំ​ចូល​ពី​ប្រទេស​ចិន ដែល​ដំបូង​ឡើង​ធ្វើ​កិច្ចសន្យា​នាំ​ចូល​ចំនួន ៣ ម៉ឺន​តោន តែ​នា​ពេល​បច្ចុប្បន្ន​នេះ គឺ​នៅ​សល់​ក្នុង​កិច្ចសន្យា​ប្រមាណ​២​ម៉ឺន​តោន​ទៀត ដូច្នេះ​នៅ​ពេល​ចប់​ការ​ប្រមូល​ផល​ក្នុងស្រុក នឹង​ដឹង​ច្បាស់​ថា ខ្វះ​ប៉ុន្មាន និង​ត្រូវការ​នាំ​ចូល​ប៉ុន្មាន​បន្ថែម​ទៀត ។ លោក​និយាយ​ថា « ឆ្នាំ​នេះ ខ្ញុំ​គិត​ថា​វា​នៅ​តែ​ខ្វះ​និង​ត្រូវការ​នាំ​ចូល​ពី​ប្រទេស​ចិន​បន្ថែម​ទៀត ដើម្បី​ផ្គត់ផ្គង់​បំពេញ​តាម​តម្រូវការ​ក្នុងស្រុក ។ ពីព្រោះ​ការ​ផលិត​អំបិល​របស់​យើង ជួប​បញ្ហា​ច្រើន ជាក់ស្ដែង​ពេល​នេះ ថ្វី​ត​ត្បិត​តែ​អាកាសធាតុ​ក្ដៅ​ខ្លាំង​មែន តែ​ពេល​យប់​បែរជា​មាន​ភ្លៀង​ធ្លាក់​ទៅ​វិញ ដែល​ធ្វើ​អោយ​អំបិល​ហៀបនឹង​ទទួលផល​ទៅ​ហើយ ត្រូវ​ខូចខាត​អស់ ។ ម្យ៉ាងទៀត ដោយសារ​តែ​កង្វះ​កំលាំង​ពលកម្ម ក្នុង​ការងារ​ផលិត​អំបិល មាន​អ្នក​ផលិត​មួយ​ចំនួន​បោះបង់ រឺ កាត់​បន្ថយ​ការ​ផលិត​របស់​ខ្លួន »​។ លោក ប៊ុ​ន បារាំង បាន​បញ្ជាក់​ថា​ដោយសារ​តែ​បញ្ហា​ទាំងនេះ​ហើយ សហគមន៍​ផលិត​អំបិល បាន​ដាក់​លិខិត​ទៅ​ក្រសួង​ឧស្សាហកម្ម និង​សិប្បកម្ម​ដើម្បី​សុំ​រំលាយ​សហគមន៍ តែ​ក្រសួង​មិន​ទាន់​អនុញ្ញាត​នោះ​ទេ និង​ស្នើ​អោយ​សហគមន៍​រង់ចាំ​មើល​បន្តិចទៀត រង់ចាំ​ការ​ដោះស្រាយ​ជា​បន្តបន្ទាប់​សិន ។

បើ​តាម​លោក ខាត់ សា​មឿ​ន ផលិតករ​អំបិល​មួយ​រូប​នៅ​ក្នុង​ខេត្តកំពត បានអោយ​ដឹង​ថា បច្ចុប្បន្ន​ការងារ​ផលិត​អំបិល​ពិតជា​ជួប​បញ្ហា​ច្រើន​មែន ជា​ពិសេស​ទៅ​លើ​កំលាំង​ពលកម្ម ដែល​ធ្វើ​អោយ​ផលិតកម្ម​អំបិល​ធ្លាក់​ចុះ ។ ផលិតករ​អំបិល​រូប​នេះ​បន្ត​ថា « កម្មករ​ដែល​ធ្លាប់​ធ្វើការ​នៅ​ក្នុងស្រុក​អំបិល គេ​បាន​ផ្លាស់​ទៅ​ធ្វើការ​នៅ​ក្នុង​រោងចក្រ ក្រោម​ម្លប់​ក្នុង​ម៉ាស៊ីនត្រជាក់ រឺក​ង្ហា​អស់ហើយ គេ​លែង​មក​ធ្វើ​នៅ​ក្រោម​កំ​ដៅ​ថ្ងៃ​ដូច​មុន​ទៀត​ហើយ នៅ​សល់​តែ​ចាស់​ៗ​បន្តិច ដែល​រោងចក្រ​មិន​ទទួលយក​អោយធ្វើ​ការ ។ ហើយ​កំលាំង​ការងារ​មនុស្ស​ចាស់​ៗ​ក៏​មិន​អាច​បង្ខំ​អោយ​គាត់​ធ្វើ​លឿន​រហ័ស​ដូច​កំលាំង​មនុស្ស​ពេញវ័យ​បាន​ដែរ អ​ញ្ចឹ​ង​ត្រូវធ្វើ​តាម​ដំណើរ បាន​ប៉ុនណា​យក​ប៉ុណ្ណឹង​ទៅ » ។ លោក​បន្ត​ថា នៅ​ពេល​ដែល​កំពុង​មានការ​ខ្វះខាត​អំបិល​សម្រាប់​ផ្គត់ផ្គង់​លើ​ទីផ្សារ​បែប​នេះ តម្លៃ​អំបិល ក៏​បាន​ឡើងថ្លៃ​បន្តិច តែ​មិន​ថ្លៃ​ពេក​នោះ​ទេ ជា​តម្លៃ​មួយ​ដែល​កសិករ​ផលិត​អំបិល​អាច​ទទួលយក​បាន ក៏​ប៉ុន្តែ​យ៉ាងណា​ក៏​ដោយ កង្វះ​កំលាំង​ពលកម្ម ជា​បញ្ហា​ប្រឈម​មួយ បើ​ទោះបីជា​អាកាសធាតុ​អំណោយផល​ក៏​ពិតមែន ៕


លោក​និយាយ​ថា « ឆ្នាំ​នេះ ខ្ញុំ​គិត​ថា​វា​នៅ​តែ​ខ្វះ​និង​ត្រូវការ​នាំ​ចូល​ពី​ប្រទេស​ចិន​បន្ថែម​ទៀត ដើម្បី​ផ្គត់ផ្គង់​បំពេញ​តាម​តម្រូវការ​ក្នុងស្រុក ។ ពីព្រោះ​ការ​ផលិត​អំបិល​របស់​យើង ជួប​បញ្ហា​ច្រើន ជាក់ស្ដែង​ពេល​នេះ ថ្វី​ត​ត្បិត​តែ​អាកាសធាតុ​ក្ដៅ​ខ្លាំង​មែន តែ​ពេល​យប់​បែរជា​មាន​ភ្លៀង​ធ្លាក់​ទៅ​វិញ ដែល​ធ្វើ​អោយ​អំបិល​ហៀបនឹង​ទទួលផល​ទៅ​ហើយ ត្រូវ​ខូចខាត​អស់ ។ ម្យ៉ាងទៀត ដោយសារ​តែ​កង្វះ​កំលាំង​ពលកម្ម ក្នុង​ការងារ​ផលិត​អំបិល មាន​អ្នក​ផលិត​មួយ​ចំនួន​បោះបង់ រឺ កាត់​បន្ថយ​ការ​ផលិត​របស់​ខ្លួន »​។
លោក ប៊ុ​ន បារាំង បាន​បញ្ជាក់​ថា​ដោយសារ​តែ​បញ្ហា​ទាំងនេះ​ហើយ សហគមន៍​ផលិត​អំបិល បាន​ដាក់​លិខិត​ទៅ​ក្រសួង​ឧស្សាហកម្ម និង​សិប្បកម្ម​ដើម្បី​សុំ​រំលាយ​សហគមន៍ តែ​ក្រសួង​មិន​ទាន់​អនុញ្ញាត​នោះ​ទេ និង​ស្នើ​អោយ​សហគមន៍​រង់ចាំ​មើល​បន្តិចទៀត រង់ចាំ​ការ​ដោះស្រាយ​ជា​បន្តបន្ទាប់​សិន ។

បើ​តាម​លោក ខាត់ សា​មឿ​ន ផលិតករ​អំបិល​មួយ​រូប​នៅ​ក្នុង​ខេត្តកំពត បានអោយ​ដឹង​ថា បច្ចុប្បន្ន​ការងារ​ផលិត​អំបិល​ពិតជា​ជួប​បញ្ហា​ច្រើន​មែន ជា​ពិសេស​ទៅ​លើ​កំលាំង​ពលកម្ម ដែល​ធ្វើ​អោយ​ផលិតកម្ម​អំបិល​ធ្លាក់​ចុះ ។ ផលិតករ​អំបិល​រូប​នេះ​បន្ត​ថា « កម្មករ​ដែល​ធ្លាប់​ធ្វើការ​នៅ​ក្នុងស្រុក​អំបិល គេ​បាន​ផ្លាស់​ទៅ​ធ្វើការ​នៅ​ក្នុង​រោងចក្រ ក្រោម​ម្លប់​ក្នុង​ម៉ាស៊ីនត្រជាក់ រឺក​ង្ហា​អស់ហើយ គេ​លែង​មក​ធ្វើ​នៅ​ក្រោម​កំ​ដៅ​ថ្ងៃ​ដូច​មុន​ទៀត​ហើយ នៅ​សល់​តែ​ចាស់​ៗ​បន្តិច ដែល​រោងចក្រ​មិន​ទទួលយក​អោយធ្វើ​ការ ។ ហើយ​កំលាំង​ការងារ​មនុស្ស​ចាស់​ៗ​ក៏​មិន​អាច​បង្ខំ​អោយ​គាត់​ធ្វើ​លឿន​រហ័ស​ដូច​កំលាំង​មនុស្ស​ពេញវ័យ​បាន​ដែរ អ​ញ្ចឹ​ង​ត្រូវធ្វើ​តាម​ដំណើរ បាន​ប៉ុនណា​យក​ប៉ុណ្ណឹង​ទៅ » ។ លោក​បន្ត​ថា នៅ​ពេល​ដែល​កំពុង​មានការ​ខ្វះខាត​អំបិល​សម្រាប់​ផ្គត់ផ្គង់​លើ​ទីផ្សារ​បែប​នេះ តម្លៃ​អំបិល ក៏​បាន​ឡើងថ្លៃ​បន្តិច តែ​មិន​ថ្លៃ​ពេក​នោះ​ទេ ជា​តម្លៃ​មួយ​ដែល​កសិករ​ផលិត​អំបិល​អាច​ទទួលយក​បាន ក៏​ប៉ុន្តែ​យ៉ាងណា​ក៏​ដោយ កង្វះ​កំលាំង​ពលកម្ម ជា​បញ្ហា​ប្រឈម​មួយ បើ​ទោះបីជា​អាកាសធាតុ​អំណោយផល​ក៏​ពិតមែន ៕

អត្ថបទសរសេរ ដោយ

កែសម្រួលដោយ