ខេត្តសៀមរាប ៖ នៅព្រឹកថ្ងៃទី២៦ ខែមេសា ឆ្នាំ២០១៩នេះ មន្ដ្រីនគរបាលស្រុកស្វាយលើបានរាយការណ៍មកថា ជនសង្ស័យជាឪពុកបង្កើតរបស់ជនរងគ្រោះដែលបានចាប់រំលោភកូនខ្លួនឯងដែលទើបមានវ័យ១៣ឆ្នាំ បានសម្រេចម្តង ក្រោយមកចង់ចាប់រំលោភម្តងទៀតត្រូវបានជនរងគ្រោះប្រាប់ម្តាយឲ្យប្តឹងទៅនគរបាលស្រុកស្វាយលើ ដើម្បីឃាត់ខ្លួនបានភ្លាមៗ…
ខេត្តសៀមរាប ៖ នៅព្រឹកថ្ងៃទី២៦ ខែមេសា ឆ្នាំ២០១៩នេះ មន្ដ្រីនគរបាលស្រុកស្វាយលើបានរាយការណ៍មកថា ជនសង្ស័យជាឪពុកបង្កើតរបស់ជនរងគ្រោះដែលបានចាប់រំលោភកូនខ្លួនឯងដែលទើបមានវ័យ១៣ឆ្នាំ បានសម្រេចម្តង ក្រោយមកចង់ចាប់រំលោភម្តងទៀតត្រូវបានជនរងគ្រោះប្រាប់ម្តាយឲ្យប្តឹងទៅនគរបាលស្រុកស្វាយលើ ដើម្បីឃាត់ខ្លួនបានភ្លាមៗ ។ ហេតុការណ៍ឃាត់ខ្លួននេះធ្វើឡើងនៅវេលាម៉ោង១៨និង៣០នាទីល្ងាច ថ្ងៃទី២៤ ខែមេសា ឆ្នាំ២០១៩ នៅភូមិស្រែរបង ឃុំបឹងមាលា ស្រុកស្វាយលើ ខេត្តសៀមរាប ។
ជនសង្ស័យឈ្មោះ ហ៊ា ហុន អាយុ៣៤ឆ្នាំ មុខរបរកសិករជាឪពុកបង្កើតរបស់ជនរងគ្រោះ ដែលកូនមានអាយុ១៣ឆ្នាំ ។ លោកវរសេនីយ៍ឯក ស៊ុន អេង អធិការនគរបាលស្រុកស្វាយលើបានឲ្យដឹងនៅ រសៀលថ្ងៃទី២៦ ខែមេសា ឆ្នាំ២០១៩នេះថា ខាងលោកបានទទួលបណ្ដឹងពីម្តាយជនរងគ្រោះករណី រំលោភសេពសន្ថវៈ ទាក់ទងនឹងជនរងគ្រោះនៅចំណុចផ្ទះក្មេងរងគ្រោះ នៅខេត្តសៀមរាប ។
លោកបន្តថា តាមការរៀបរាប់ពីក្មេងរងគ្រោះបានអោយដឹងថា នៅថ្ងៃទី១៨ ខែមេសា ឆ្នាំ២០១៩ វេលា ម៉ោង១៨និង១០យប់ ឪពុកបង្កើតរបស់ខ្លួនបានឈ្លោះប្រកែកជាមួយម្ដាយរហូតដល់យប់ ម្ដាយខ្លួនបានចេញពីផ្ទះដោយនាំបងស្រីទៅជាមួយ ក្រោយមកខ្លួនបាននាំប្អូនស្រីភ្លោះដើរទៅតាមម្ដាយពីភូមិ ស្រែរបងមកដល់វត្តបឹងមាលា ស្ថិតក្នុងស្រុកស្វាយលើ ហើយសំរាកនៅទីនោះ លុះព្រឹកឡើងថ្ងៃទី១៩ ខែមេសា ឆ្នាំ២០១៩ នៅវត្តបឹងមាលា មានការស្រង់ព្រះឆ្លងឆ្នាំ ខ្លួនក៏បាននៅលេងនៅទីនោះស្របពេលនោះមានក្មេងស្លាប់ផង ក៏ឃើញឪពុកខ្លួនមកចូលរួមពិធីបុណ្យសពនៅយប់នោះ ។
គាត់បានឃើញពួកខ្លួនរហូតដល់ម៉ោងប្រហែល៣និង៣០នាទីទៀបភ្លឺ ឪពុកបាននាំខ្លួនទៅផ្ទះវិញក្រោយមកក៏បានចាប់រំលោភបានសម្រេចមួយដង រួចក៏ទៅដេកវិញដល់ភ្លឺឪពុកបង្កើតខ្លួនបានដាស់ខ្លួនថា អញយប់មិញដេកមមើលទេ កុំប្រាប់ម៉ែ ប្រយ័ត្នម៉ែប្ដឹងប៉ូលិសចាប់អញដាក់គុក ដោយខ្លាចឪពុកខ្លួនក៏មិនប្រាប់អ្នកណាទេ រហូតដល់ថ្ងៃទី២១ ខែមេសា ឆ្នាំ២០១៩ វេលាម៉ោង៤ទៀបភ្លឺឪពុកបានធ្វើសកម្មភាពរំលោភម្ដងទៀត តែមិនបានសម្រេចដោយដឹងខ្លួនមុន បែរជានិយាយថា មករកពិលទៅវិញ រួចគាត់បានទៅដេកទៅវិញលុះដល់ថ្ងៃទី២៤ ខែមេសា ឆ្នាំ២០១៩ ព្រោះតែខ្លាចពីសកម្មភាពឪពុកខ្លួនដដែលទៀតផងនោះ ក៏បានប្រាប់ម្ដាយខ្លួនតែម្ដងទៅ ហើយម្ដាយក៏រាយការណ៍ប្រាប់សមត្ថកិច្ចទើបសមត្ថកិច្ចធ្វើការឃាត់ខ្លួនឪពុកខ្លួនសាកសួរតែម្ដងទៅ ។
តាមចម្លើយសារភាពជនសង្ស័យជាឪពុកបានប្រព្រឹត្តប្រាកដមែន ។ បច្ចុប្បន្នកម្លាំងនគរបាលជំនាញនៃស្រុកស្វាយលើកំពុងរៀបចំសំណុំរឿងនេះបញ្ជូនមកកាន់ការិយាល័យជំនាញនៃស្នងការដ្ឋានខេត្តសៀមរាប ដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ