រាជធានីភ្នំពេញ ៖ នារីឈ្មោះ វ័យ ភ័ណ ហៅស្រីមុំ អាយុ៣០ឆ្នាំ មុខរបរជាអ្នកលក់គ្រឿងក្រអូប មានស្រុកកំណើតជាមួយបុរសជាគូស្នេហ៍លួចលាក់ ដែលបានស្លាប់នៅក្នុងសំណាក់យីហោ«ម្កុដមាស»នោះ។…
រាជធានីភ្នំពេញ ៖ នារីឈ្មោះ វ័យ ភ័ណ ហៅស្រីមុំ អាយុ៣០ឆ្នាំ មុខរបរជាអ្នកលក់គ្រឿងក្រអូប មានស្រុកកំណើតជាមួយបុរសជាគូស្នេហ៍លួចលាក់ ដែលបានស្លាប់នៅក្នុងសំណាក់យីហោ«ម្កុដមាស»នោះ។ តាមប្រភពឱ្យដឹងថា ស្ត្រីរូបនេះជាអ្នកមេម៉ាយបានលែងលះប្តីជាច្រើនមកឆ្នាំហើយ ដោយបន្សល់ទុកកូនប្រុសអាយុ១០ឆ្នាំម្នាក់ ។
គួររំលឹកថា បុរសម្នាក់បានស្លាប់ដោយសារគាំងបេះដូង ខណៈស្កាត់ពីខេត្តពោធិ៍សាត់ មកលេងល្បែងស្នេហ៍នៅផ្ទះសំណាក់ត្រេកត្រអាល ជាមួយស្រីស្នេហ៍នៅក្នុងបន្ទប់ផ្ទះសំណាក់យីហោ«ម្កុដមាស» មានទីតាំងស្ថិតក្នុងភូមិទ្រា៣ សង្កាត់ស្ទឹងមានជ័យទី១ ខណ្ឌមានជ័យ ។ ហេតុការណ៍ស្មានមិនដល់នោះ បង្កឱ្យមានការភ្ញាក់ផ្អើលនៅវេលាម៉ោង២រំលងអធ្រាត្រ ឈានចូលថ្ងៃទី២៥ មេសា ។
បុរសរងគ្រោះមានឈ្មេាះអឿន ប៊ុនធឿន អាយុ៣៨ឆ្នាំ ជាគ្រូបង្រៀនភាសាកូរ៉េ មានទីលំនៅនៅភូមិកេាះ ឃំុខ្នារទទឹង ស្រុកបាកាន ខេត្តពោធិ៍សាត់ ។ ទាក់ទិននឹងបុរសដែលស្លាប់នេះ ត្រូវបានគេដឹងថា ប្រពន្ធមិនបានរស់នៅជាមួយទេ ដោយទៅធ្វើការនៅប្រទេសកូរ៉េ ។
តាមប្រភពព័ត៌មានជុំវិញហេតុការណ៍ឡើងឋានសួគ៌រួចស្លាប់នេះបានឱ្យដឹងទៀតថា កាលពីវេលាម៉ោង៩យប់ថ្ងៃទី២៤ មេសា បុរសរងគ្រេាះខាងលើបានចូលទៅសម្រាកនៅផ្ទះសំណាក់ ដោយជិះរថយន្តបាឡែនមួយគ្រឿង ពណ៌.ស ពាក់ស្លាកលេខ ពោធិ៍សាត់ 2B :1583 ទៅដេកសម្រាកជាមួយស្ត្រីស្នេហ៍ ។ លុះដល់វេលាម៉ោងកើតហេតុខាងលើ ស្រីស្នេហ៍បានរត់ចុះមកខាងក្រោម ហើយប្រាប់ម្ចាស់ផ្ទះសំណាក់ថា បុរសដែលនៅគេងជាមួយខ្លួន មានអាការៈថប់ដង្ហើមខ្លាំង ។
ភ្លាមៗនោះ ម្ចាស់ផ្ទះសំណាក់ក៏បានឡើងទៅជួយ ដោយនាងនិងម្ចាស់ផ្ទះសំណាក់ រួមជាមួយសន្តិសុខបានជួយគ្រាហ៍បុរសរងគ្រោះចុះមកខាងក្រោម ដើម្បីយកទៅសង្គ្រោះនៅមន្ទីរពេទ្យ ។ លុះពេលជួយគ្រាហ៍ចុះមកដល់ក្រោម ខណៈដែលរថយន្តសាមុយមិនទាន់មកដល់ផងនោះ ជនរងគ្រេាះក៏ដាច់ដង្ហើមស្លាប់ទៅ ។
ភ្លាមៗម្ចាស់ផ្ទះសំណាក់ បានទូរស័ព្ទទំនាក់ទំនងទៅកាន់នគរបាលមូលដ្ឋានឱ្យចុះមកពិនិត្យ បន្ទាប់មកកម្លាំងនគរបាលមូលដ្ឋាន បានមកដល់ធ្វើការតាមជំនាញដោយបានយកខ្សែហ៊ុមព័ទ្ធសពបុរសរងគ្រោះដែលបានដាក់ឱ្យអង្គុយលើកៅអី គ្របដោយក្រណាត់សរង់ចាំព្រឹក ដើម្បីនគរបាលកោសល្យវិច័យចុះពិនិត្យរកមូលហេតុនៃការស្លាប់នេះ ។
ក្រោយការពិនិត្យពីសំណាក់សមត្ថកិច្ចជំនាញយ៉ាងល្អិតល្អន់មកបានរកឃើញថា បុរសរងគ្រេាះពិតជាត្រូវស្លាប់ ដោយសារគាំងបេះដូងប្រាកដមែន ពំុមែនជាករណីឃាតកម្ម ឬករណីអ្វីផ្សេងឡើយ ។ ក្រោយការពិនិត្យរួច សពត្រូវប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី នៅឯស្រុកកំណើត ។ ដោយ ឡែករថយន្តរបស់ជនរងគ្រេាះ ក៏ត្រូវសាច់ញាតិយកឯកសារផ្ទៀងផ្ទាត់យកទៅវិញផងដែរ ។
សូមបញ្ជាក់ទៀតថា បុរសរងគ្រេាះក៏មានប្រពន្ធរួចហើយដែរ ដោយមានកូនប្រុសវ័យ៦ឆ្នាំម្នាក់ តែប្រពន្ធរបស់គាត់ពំុស្នាក់នៅជាមួយគ្នាទេ ដោយបានទៅធ្វើការនៅឯប្រទេសកូរ៉េច្រើនឆ្នាំកន្លងមកហើយ ។ ប្រភពឱ្យដឹងថា បុរសរងគ្រេាះនិងស្ត្រីស្នេហ៍ខាងលើ គឺមានទំនាក់ទំនងស្រឡាញ់គ្នាជាង៣ឆ្នាំមកហើយ ដោយបុរសរងគ្រេាះ តែងតែឧបត្ថម្ភថវិកាសម្រាប់ការហូបចុកប្រចាំខែ ដល់ស្ត្រីរូបនោះជាប្រចាំ ។ នៅរាល់ពេលដែលបុរសរងគ្រោះចង់ជួបនាងម្តងៗ គឺធ្វើដំណើរមកពីខេត្ត ដើម្បីមកជួបនាងនៅភ្នំពេញ ព្រេាះនាងរកស៊ីលក់គ្រឿងក្រអូបនៅផ្សារឯករាជ្យ៣ ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
ទំនាក់ទំនងស្នេហារបស់ពួកគេទាំង២នាក់ តាមដំណឹងដដែលថា ពំុមានអ្នកស្រុកភូមិផងរបង ជាមួយបានដឹងឮឡើយ ។ រាល់ការណាត់ជួបគ្នា គឺបុរសរងគ្រោះតែងតែស្កាត់ពីខេត្តមកជួបគ្នា និងមានការលាក់បាំងពំុឱ្យនរណាម្នាក់ដឹងពីទំនាក់ទំនងរបស់ពួកខ្លួនទេជាស្នេហាលួចលាក់ រហូតដល់មានរឿងហេតុបែបនេះកើតឡើយ ទើបបែកធ្លាយចេញរឿងស្នេហ៍អាថ៌កំបាំង ។
តាមសម្តីស្ត្រីជាគូស្នេហ៍បានឱ្យដឹងថា រូបនាងនិងជនរងគ្រោះ បានលួចលាក់មានទំនាក់ទំនងស្នេហាតាំងពីនាងធ្វើជាកូនសិស្សរៀនភាសាកូរ៉េជាមួយគ្នាម្ល៉េះ ទោះបីដឹងថា បុរសខាងលើមានប្រពន្ធកូន១រួចមកហើយក្តី ។ នាងនិយាយថា នៅថ្ងៃកើតហេតុបុរសជាសង្សារ (ជនរងគ្រោះ) បានឡើងពីខេត្តពោធិ៍សាត់ មកណាត់ ជួបគ្នានៅភ្នំពេញម៉ោង៩យប់ គឺជួបគ្នានៅផ្ទះសំណាក់ម្តុំផ្សារសូរិយាម៉ល ក្នុងខណ្ឌដូនពេញ តែមកដល់ផ្ទះសំណាក់នៅខណ្ឌដូនពេញ អត់មានបន្ទប់ព្រោះភ្ញៀវពេញអស់ហើយនោះ ទើបពួកនាងនាំគ្នាមកជួលផ្ទះសំណាក់ខាងលើ ។
នាងរៀបរាប់ថា មុនពេលពួកនាងរួមរ័កស្នេហា សង្សារនាងបានផឹកស្រាបៀរជាមួយមិត្តភក្តិផ្សេងទៀត អស់ចំនួន២កំប៉ុងរួចមកហើយ ។ នារីជាស្រីស្នេហ៍ថាពួកនាងរួមរ័កគ្នាបានតែមួយដងក៏ដេកលក់រៀងខ្លួនទៅ ។ លុះដល់ម៉ោងកើតហេតុ គឺម៉ោង២រំលងអធ្រាត្ររូបនាងឮបុរសជាសង្សារ មានអាការៈដកដង្ហើម
ឮៗដូចមនុស្សឡើងស្លេះខុសប្រក្រតី ទើបដាស់សួរនិងយកដៃរឹតទ្រូង តែបុរសជាសង្សារបាត់មាត់បាត់កទៅហើយទើបនាងចុះមកហៅម្ចាស់ផ្ទះសំណាក់ឱ្យជួយ ៕
ចែករំលែកព័តមាននេះ