ដីកា​បង្គាប់​ឱ្យ​ចូលខ្លួន


ដីកា​សាលាដំបូង​រាជធានី​ភ្នំពេញ លេខ​១៣២«​ង​»​ព្រ​ទ ចុះ​ថ្ងៃ​ទី​២០ មីនា ២០១៩ បង្គាប់​ឱ្យ​ចូលខ្លួន​ឈ្មោះ​សុខ សេរី​រតនា ភេទ​ប្រុស អាយុ​៣២​ឆ្នាំ មាន​ទីលំនៅ​លើ​ផ្លូវលំ ក្នុងភូមិ​សន្សំ​កុសល សង្កាត់​បឹង​ទំពុន ខណ្ឌ​មានជ័យ ជាប់ចោទ​ពី​បទ​«​រំលោភ​លើ​ទំនុកចិត្ត​»​ឱ្យ​ចូល​បំភ្លឺ​ថ្ងៃ​ទី​២២ មេ​សា នៅ​ម៉ោង​៩​ព្រឹក ។

ដីកា​នេះ​ បញ្ជូន​តាម​រយៈ​នគរបាល​ប៉ុស្តិ៍​បឹង​ទំពុន ប៉ុន្តែ​ដោយសារ​តែ​សា​ម៉ី​ខ្លួន​ បាន​រើ​ផ្លាស់​ប្តូរ​ទីលំនៅ​ មិន​ដឹង​​ទៅ​ស្នាក់​នៅ​ទីណា​នោះ​ទេ គឺ​បាត់​ពី​កន្លែង​ចាស់​ទើប​នគរបាល​ប៉ុស្តិ៍​រក​មិនឃើញ ​។

ដូច្នេះ តាម​រយៈ​ការ​ផ្សាយ​របស់​កោះសន្តិភាព សូម​សា​ម៉ី​ខ្លួន​ឈ្មោះ សុខ សេរី​រតនា ជ្រាប​ជា​ដំណឹង ព្រោះ​បើ​​មិន​ចូលខ្លួន​ទេ សាលាដំបូង​នឹង​ចេញ​ដីកា​បង្គាប់​ឱ្យ​នាំ​ខ្លួន​ជា​កំហិត ។

តាម​អត្តសញ្ញាណប័ណ្ណ​លេខ​០៤០២៨៩០៨៨ ឈ្មោះ​សុខ សេរី​រតនា មាន​ទីលំនៅ​កំណើត​ភូមិ​សាលា​លេខ​ប្រាំ ឃុំ​អូរ​ប្ញ​ស្សី ស្រុក​កំពង់ត្រឡាច ខេត្តកំពង់ឆ្នាំង ពេល​នេះ ​កំពុង​ជាប់ចោទ «​រំលោភ​លើ​ទំនុកចិត្ត​» ដោយ​​បន្លំ​ក្លែង​លិខិត​លួច​ប្រាក់​ក្រុមហ៊ុន ដែល​ខ្លួន​គាត់​ធ្វើការ​កន្លង​មក ហើយ​គេចខ្លួន​មិន​ចូល​ដោះស្រាយ​បញ្ហា​ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ