ខេត្តបន្ទាយមានជ័យ ៖ នៅពេលបានទៅទស្សនាប្រាសាទបន្ទាយឆ្មារ ហើយបានឃើញភ្ញៀវទេសចរទៅទស្សនាកាន់តែច្រើនឡើងនោះ លោកបណ្ឌិតថោង ខុន រដ្ឋមន្ត្រីក្រសួងទេសចរណ៍ បានស្នើដល់ប្រតិបត្តិករទេសចរណ៍ និងអាជីវករទាំងអស់ត្រូវបង្កើនការយកចិត្តទុកដាក់ខ្ពស់ ចំពោះការផ្តល់សេវាកម្មទេសចរណ៍នានា…
ខេត្តបន្ទាយមានជ័យ ៖ នៅពេលបានទៅទស្សនាប្រាសាទបន្ទាយឆ្មារ ហើយបានឃើញភ្ញៀវទេសចរទៅទស្សនាកាន់តែច្រើនឡើងនោះ លោកបណ្ឌិតថោង ខុន រដ្ឋមន្ត្រីក្រសួងទេសចរណ៍ បានស្នើដល់ប្រតិបត្តិករទេសចរណ៍ និងអាជីវករទាំងអស់ត្រូវបង្កើនការយកចិត្តទុកដាក់ខ្ពស់ ចំពោះការផ្តល់សេវាកម្មទេសចរណ៍នានា ប្រកបដោយគុណភាពជូនភ្ញៀវទេសចរជាតិ-អន្តរជាតិ ។
ដំណើរទស្សនាប្រាសាទបន្ទាយឆ្មារបានធ្វើឡើងក្រោយបញ្ចប់ពិធីជួបសំណេះសំណាល ជាមួយក្រុមហ៊ុនរៀបចំតង់ទេសចរណ៍កម្រិត ស្តង់ដាអន្តរជាតិ និងផ្ទះស្នាក់សហគមន៍ នៅខេត្តបន្ទាយមានជ័យ នាថ្ងៃទី២១ ខែមេសា ឆ្នាំ២០១៩ ។
ក្នុងឱកាសនោះ លោកបណ្ឌិតរដ្ឋមន្ត្រីថោងខុន បានកោតសរសើរចំពោះក្រុមអភិរក្សដែលខិតខំថែរក្សាការពារ និងជួសជុលប្រាសាទយ៉ាងសកម្ម ប្រកបដោយបច្ចេកទេសជំនាញផ្នែកបុរាណវិទ្យា ។
លោករដ្ឋមន្ត្រីបានស្នើឱ្យប្រតិបត្តិករទេសចរណ៍ និងអាជីវករទាំងអស់ត្រូវបន្តយកចិត្តទុកដាក់ចំពោះទេសចរអន្តរជាតិ និងគិតគូរយកចិត្តទុកដាក់ផ្សព្វផ្សាយឱ្យបានដល់ទេសចរជាតិកាន់តែច្រើន ព្រោះបច្ចុប្បន្នប្រជាពលរដ្ឋខ្មែរមានចំណូលខ្ពស់ និងអាចដើរកម្សាន្តបានច្រើន ។
នៅឆ្នាំ២០១៨ កម្ពុជាទទួលទេសចរអន្តរជាតិជាង៦,២លាននាក់ និងទេសចរជាតិជាង១០លាននាក់ ។ ចំពោះសង្ក្រាន្តឆ្នាំ២០១៩ប្រជាពលរដ្ឋបានដើរកម្សាន្តទូទាំងប្រទេសជាង៨លាននាក់ ហើយមានការចំណាយច្រើន ៕
ចែករំលែកព័តមាននេះ