រាជធានីភ្នំពេញ ៖ គំនរឈើ និងជាតិជ័របានឆាបឆេះយ៉ាងសន្ធោសន្ធៅផ្សែងហុយទ្រលោមផ្អើលដល់អាជ្ញាធរ និងសមត្ថកិច្ចនាំគ្នាហៅរថយន្តពន្លត់អគ្គិភ័យទៅអន្តរាគមន៍ជៀស វាងភ្លើងបានឆេះរាលដាលដល់លំនៅឋាន ។ ហេតុការណ៍នេះបង្កអោយមានការភ្ញាក់ផ្អើល កាលពីវេលាម៉ោង៨និង៤០នាទីព្រឹក ថ្ងៃទី២៦ ខែមេសា ឆ្នាំ២០១៩ នៅក្នុងដីឡូតិ៍ ទុកគ្រឿងចក្រមួយកន្លែងស្ថិតនៅក្នុងភូមិ គោកឃ្លាង សង្កាត់គោកឃ្លាង ខណ្ឌសែនសុខ ។
តាមព័ត៌មានបានអោយដឹងថា នៅមុនពេលកើតហេតុគេឃើញភ្លើងបានឆាប់ឆេះគំនរឈើ និងជាតិជ័រដែលគរទុកនៅក្នុងដីឡូតិ៍ជាប់នឹងរបងខាងត្បូងយ៉ាងសន្ធោសន្ធៅបង្កអោយមានការភ្ញាក់ផ្អើលដល់អ្នកជិតខាងរាយការណ៍ប្រាប់អាជ្ញាធរ និងសមត្ថកិច្ចហៅថយន្តពន្លត់អគ្គិភ័យមួយគ្រឿងទៅអន្តរាគមន៍ ។ ទោះបីជាយ៉ាងណាភ្លើងពុំបានឆេះរាលដាលដល់លំនៅឋានឡើយ ត្រូវរថយន្តទៅអន្តរាគមន៍បាញ់ពន្លត់ទាន់ ។
ទាក់ទិនការកើតមានអគ្គិភ័យនេះត្រូវនគរបាលមូលដ្នានអោយដឹងថាបណ្តាលមកពីអ្នកការខុសត្រូវប្រមូលសំរាមដុតក៏ឆេះរាល់ដាល់ទៅគំនរឈើចាស់ៗ និងជាតិជ័រ បណ្តាលអោយឆេះយ៉ាងសន្ធោសន្ធៅតែម្តង ។ បន្ទាប់ពីកើតមានអគ្គិភ័យនគរបាលប៉ុស្តិ៍ក៏បានអញ្ជើញអ្នកមើលការឈ្មោះស៊ុំ សុផារិទ្ធ ភេទប្រុស អាយុ៣៧ឆ្នាំ ជាអ្នកដុតសំរាម បណ្តាលអោយឆេះរាលដាលទៅអប់រំ និងសុំលុយផងដែរ ៕
ចែករំលែកព័តមាននេះ