រាជធានីភ្នំពេញ ៖ បុរសជាគ្រូបង្រៀនភាសាកូរ៉េម្នាក់បានបើករថយន្តពីខេត្តពោធិ៍សាត់ណាត់ជួបស្រីស្នេហ៍ទៅរួមរ័កក្នុងផ្ទះសំណាក់នៅភ្នំពេញសង្ស័យតណ្ហាឡើងពុះកញ្ជ្រោលខ្លាំងពេកបណ្តាលអោយបុរសរូបនោះបានដាច់ខ្យល់ស្លាប់លើបង្គង បង្កអោយមានការភ្ញាក់ផ្អើលឡើងកាលពីវេលាម៉ោង២រំលងអធ្រាត្រឈានចូលថ្ងៃទី២៥ ខែមេសា ឆ្នាំ២០១៩ នៅក្នុងផ្ទះសំណាក់យីហោ «ម្កុដមាស» ផ្លូវបេតុងភូមិទ្រា សង្កាត់ស្ទឹងមានជ័យ១ ខណ្ឌមានជ័យ ។
បុរសដែលស្លាប់ក្នុងបន្ទប់ផ្ទះសំណាក់មានឈ្មោះ អឿន ប៊ុនធឿម អាយុ៣៨ឆ្នាំ មុខរបរគ្រូបង្រៀនភាសាកូរ៉េ មានស្រុកកំណើតនៅខេត្តពោធិ៍សាត់ ជិះរថយន្តកាមរីបាឡែន ពណ៌ស ពាក់ផ្លាកលេខ ពោធិ៍សាត់ 2B-1583 ។ ចំណែកស្ត្រីជាសង្សារមានឈ្មោះ វ.ភ.ណ អាយុ៣០ឆ្នាំ មុខរបរលក់គ្រឿងក្រអូប ស្នាក់នៅផ្ទះជួលភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ មានស្រុកកំណើតជាមួយនឹងបុរសជាសង្សារ ។
តាមសម្តីស្ត្រីជាសង្សារបានអោយដឹងថា រូបនាង និងជនរងគ្រោះមានទំនាក់ទំនងគ្នារយៈពេលជាងមួយឆ្នាំមកហើយកាលពីបុរសខាងលើធ្វើជាគ្រូបង្រៀនហើយរូបគេជាកូនសិស្សទោះបីដឹងថា បុរសខាងលើមានប្រពន្ធកូន១រួចមកហើយក្តី ចំណែករូបនាងក៏មានប្តីដែរ ។
នៅថ្ងៃកើតហេតុបុរសជាសង្សារ(ជនរងគ្រោះ)បានឡើងពីខេត្តពោធិ៍សាត់មកណាត់ជួបគ្នានៅភ្នំពេញម៉ោង៩យប់ជួបគ្នានៅផ្ទះសំណាក់ម្តុំផ្សារសូរិយាម៉ល ខណ្ឌដូនពេញ តែមកដល់ផ្ទះសំណាក់នៅខណ្ឌដូនពេញអត់មានបន្ទប់ភ្ញៀវពេញអស់ហើយទើបពួកនាងក៏បាននាំគ្នាទៅជួលផ្ទះសំណាក់ខាងលើដេក ហើយមុននឹងដេកបុរសជាសង្សារបានផឹកស្រាបៀរជាមួយមិត្តភក្តិផ្សេងទៀតអស់ចំនួន២កំប៉ុង ហើយរូបនាងក៏បានរួមរ័កបានមួយដងក៏ដេកលក់អស់ទៅ ។
ប្រភពបន្តទៀតថា លុះមកដល់ម៉ោងកើតហេតុគឺម៉ោង២រំលងអធ្រាត្ររូបនាងក៏ស្រាប់តែឮបុរសជាសង្សារមានអាការដកដង្ហើមឮៗដូចមនុស្សឡើងស្លេះខុសប្រក្រតីទើបហៅ និងយកដៃរឹតទ្រូងតែបុរសជាសង្សារបាត់មាត់បាត់.ក ហើយពេលនោះដែររូបនាងបានចុះមកហៅម្ចាស់ផ្ទះសំណាក់អោយជួយ តែពេលម្ចាស់ផ្ទះសំណាក់បានបីបុរសជាសង្សារចុះមកដាក់កង់បីដើម្បីយកសង្គ្រោះនៅមន្ទីរពេទ្យតែពេលមកដល់ម្ចាស់កង់បីថា បុរសជាសង្សារបានស្លាប់បាត់ទៅហើយ ។
ក្នុងហេតុការណ៍នេះដែរបន្តិចក្រោយមកឃើញសមត្ថកិច្ចមូលដ្ឋានបានចុះទៅកន្លែងកើតហេតុព្រមទាំងទំនាក់ទំនងហៅជំនាញក្រុងដើម្បីអោយចុះទៅពិនិត្យសពតែម្តង ៕
ចែករំលែកព័តមាននេះ