ចាប់​នាង​តូច​២​ដង បាន​១​ដង ម្តាយ​ដឹង​ធ្លាយ​រឿង


រាជធានី​ភ្នំពេញ ៖ បុរស​ម្នាក់​បែកគំនិត​ចាប់រំលោភ​ក្មេង​ស្រី​អាយុ​១១​ឆ្នាំ​២​ដង តែ​បាន​សម្រេច​តែ​ម្តង ក្រោយ​មក​ត្រូវ​ម្តាយ​ក្មេង​ស្រី​ដឹង​ដាក់​ពាក្យបណ្តឹង​ប្តឹង​សមត្ថកិច្ច​ប៉ុស្តិ៍​ស្រះ​ចក​ឱ្យធ្វើ​ការ​ឃាត់ខ្លួន​យក​ទៅ​សួរនាំ ហេតុការណ៍​នេះ​បាន​កើតឡើង​កាលពី​ម៉ោង​7​និង​50​នាទី​យប់ ថ្ងៃ​ទី​២៤ ខែមេសា ឆ្នាំ​២០១៩ តាម​បណ្តោយ​ផ្លូវ​75 នៅ​ចំណុច​ផ្ទះ​លេខ​៤៧​អឺ​០​ហ្សិត ស្ថិត​ក្នុងភូមិ​៩ សង្កាត់​ស្រះ​ចក ខណ្ឌដូនពេញ ។

ជនសង្ស័យ​មានឈ្មោះ ថន វិចិត្រ ហៅ​ចិត្រ ភេទ​ប្រុស អាយុ​២៦​ឆ្នាំ មុខរបរ​លក់​ទា​អាំង ស្នាក់​នៅ​បន្ទប់​ជួល ផ្ទះ​លេខ​47​អឺ​០​ហ្សិត ស្ថិត​ក្នុងភូមិ​៩ សង្កាត់​ស្រះ​ចក ខណ្ឌដូនពេញ ចំណែក​ក្មេង​ស្រី​អាយុ​១១​ឆ្នាំ។

តាម​ប្រភព​ពី​សមត្ថកិច្ច​ប៉ុស្តិ៍​ស្រះ​ចក​បានឱ្យ​ដឹង​ថា មុន​ពេល​កើតហេតុ ក្មេង​ស្រី​រង​គ្រោះជា​រៀងរាល់ថ្ងៃ​តែងតែ​ជួយ​លក់​នំ​ប៉ាវ​ម្តាយ ហើយ​ក្មេង​ស្រី​រង​គ្រោះ​និង​ម្តាយ​ក្មេង​ស្រី​រង​គ្រោះ គឺ​លក់​នៅ​ជិត​គ្នា​ជាមួយ​ជនល្មើស​នៅ​ម្តុំ​ទួល​សង្កែ ។ ខណៈ​ពេល​ដែល​កើតហេតុ គឺ​ថ្ងៃ​ទី​១២ មេ​សា នៅ​វេលា​ម៉ោង​៩​យប់ ជន​សង្ស័យ​បាន​ដឹក​ក្មេង​ស្រី​រង​គ្រោះ​ដើរ​លេង រួច​ក៏​ជិះ​ទៅ​បន្ទប់​ជួល​ខ្លួន ស្រាប់តែ​ចាប់​ក្មេង​ស្រី​រង​គ្រោះ​ដោះ​អាវ​ខោ​ចេញ​តែ​ម្តង ប៉ុន្តែ​ក្មេង​ស្រី​រង​គ្រោះ​មិន​ព្រម​ក៏​ស្រែក ហើយ​យក​ខោអាវ​មក​ស្លៀក​វិញ ។

ប្រភព​ដដែល​បន្ត​ទៀត​ថា លុះដល់​ថ្ងៃ​ទី​២១ មេ​សា ជនសង្ស័យ​បាន​ដឹក​ក្មេង​ស្រី​រង​គ្រោះ​ទៅ​បន្ទប់​ខ្លួន​ម្តងទៀត រួច​ធ្វើ​សកម្មភាព​ចាប់រំលោភ​បាន​សម្រេច​មួយ​ដង ចំណែកឯ​ម្តាយ​ក្មេង​ស្រី​រង​គ្រោះ​គាត់​ដឹង​រឿង ក៏​ទៅ​ដាក់​ពាក្យបណ្តឹង​នៅ​ប៉ុស្តិ៍​រដ្ឋបាល​នគរបាល​ស្រះ​ចក​តែ​ម្តង ។

ក្រោយមក​លោក​មេ​ប៉ុស្តិ៍​កាន់ វណ្ណៈ គាត់​ទទួល​ពាក្យបណ្តឹង រួច​ហើយ​លោក​វរសេនីយ៍ ឯក ទៀង ច័ន្ទ​សារ អ​ធិ​នគរបាល​ខ័​ណ្ឌ​ដូនពេញ​បញ្ជា​ផ្ទាល់​ឱ្យ​លោក​អនុ​សេនីយ៍ ឯក កាន់​វណ្ណៈ​ដឹកនាំ​គ្នា​ប៉ុស្តិ៍​ស្រះ​ចក ចុះ​ទៅ​ស្រាវជ្រាវ​វែកមុខ​ចាប់ខ្លួន​ជនសង្ស័យ​បាន​ភ្លាម​ៗ​នៅ​ចំណុច​កើតហេតុ​ខាងលើ​យក​មក​សួរនាំ ។

ក្រោយមក​ក៏​ជនល្មើស​ក៏​បាន​ឆ្លើយ​សារភាព​ប្រាប់​ដោយ​ផ្ទាល់មាត់​ថា ខ្លួន​ពិតជា​បាន​ធ្វើ​សកម្មភាព​ចាប់រំលោភ​ក្មេង​ស្រី​រង​គ្រោះ​ពិតមែន ។ ក្រោយ​ពេល​កើតហេតុ​ជនល្មើស​ត្រូវ​បាន​សមត្ថកិច្ច​កសាង​សំណុំរឿង​ប​ញ្ចូ​ន​ខ្លួន​ទៅ​កាន់​តុលាការ​ដើម្បី​ចាត់ការ​ទៅ​តាម​និ​តិ​វិធី ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ