រាជធានីភ្នំពេញ ៖ កម្ពុជាបានចំណូលយ៉ាងខ្លាំងពីការប្រមូលពន្ធគយដែលមានចំនួនរហូតដល់ចន្លោះពី២៤០លានដុល្លារដល់២៥០លានដុល្លារក្នុងរយៈមួយខែៗ ។ នេះបើតាមសម្តេចតេជោ ហ៊ុន សែន នាយករដ្ឋមន្ត្រី ។ សម្តេចតេជោ…
រាជធានីភ្នំពេញ ៖ កម្ពុជាបានចំណូលយ៉ាងខ្លាំងពីការប្រមូលពន្ធគយដែលមានចំនួនរហូតដល់ចន្លោះពី២៤០លានដុល្លារដល់២៥០លានដុល្លារក្នុងរយៈមួយខែៗ ។ នេះបើតាមសម្តេចតេជោ ហ៊ុន សែន នាយករដ្ឋមន្ត្រី ។ សម្តេចតេជោ ហ៊ុន សែន បានបញ្ជាក់ក្នុងពិធីប្រគល់សញ្ញាបត្រដល់និស្សិតបញ្ចប់ការសិក្សានៅសកលវិទ្យាល័យជាគ្រប់គ្រង នាព្រឹកថ្ងៃទី២៣ ខែមេសានេះយ៉ាងដូច្នេះ «សូមបញ្ជាក់ថា គ្រាន់តែពន្ធគយមានចំណូលក្នុងមួយខែប្រមាណចន្លោះពី២៤០លានដុល្លារទៅ២៥០លានដុល្លារ ។
អីញ្ចឹងយើងបានឃើញថា ពន្ធលើមធ្យោបាយជារថយន្ត (ម៉ូតូ រថយន្ត) មានប្រមាណជាង៣០% ដូច្នេះចំនួនបង់ពន្ធការនាំចូល គឺវាអត់ថយទេ ។ អីញ្ចឹងមានន័យថា ប្រជាជនមានលុយទិញឡានជិះមានលុយទិញម៉ូតូជិះ» ។ ជាមួយគ្នានោះដែរ សម្តេចក៏បានឲ្យដឹងមានអតុល្យភាពរវាងម្ខាងសេចក្តីត្រូវការនៃការធ្វើដំណើរ និងម្ខាងទៀតខ្វះមធ្យោបាយដឹកជញ្ជូន ។ នេះកាលពីទស្សវត្ស៨០និង៩០ មានអតុល្យភាពមិនដូចគ្នានោះទេ គឺអតុល្យភាពរវាងរថយន្ត និងម៉ូតូច្រើនពេកជាមួយផ្លូវតូចបានជាកកស្ទះចរាចរណ៍ និងគ្រោះថ្នាក់ចរាចរណ៍ដែលជាកត្តាទី៣ ត្រូវនិយាយដោះស្រាយ ។
សម្តេចបន្ថែមថា ប្រជាពលរដ្ឋមានធម្យោបាយធ្វើដំណើរទាំងផ្ទាល់ខ្លួន និងដឹកជញ្ជូនដោយអ្នករកស៊ីខាងផ្នែកដឹកជញ្ជូន ។ ចំណែកប្រជាពលរដ្ឋវិញប្រាក់ចំណូលសមរម្យអាចនឹងទទួលទាន ហើយដើរកម្សាន្តបាន ។ ជាមួយគ្នានោះដែរសម្តេចតេជោក៏បានឲ្យដឹងតាមតួលេខដែលក្រសួងទេសចរណ៍បង្ហាញឲ្យដឹងថា មានប្រជាពលរដ្ឋប្រមាណ៩លាននាក់បានធ្វើដំណើរកម្សាន្តក្នុងថ្ងៃចូលឆ្នាំ ហើយក៏មានដំណើរកម្សាន្តនៅក្រៅប្រទេសច្រើន ដែលមានទៅប្រទេសជប៉ុន និងប្រទេសផ្សេងៗទៀត ។
សម្តេចក៏បានឲ្យដឹងថា នៅឆ្នាំ២០១៧ ទេសចរណ៍ទៅលេងប្រទេសថៃមានចំនួនប្រមាណ៩២ម៉ឺននាក់ ទេចរណ៍ថៃមកកម្ពុជាមិនដល់កន្លះលាននាក់ទេ ។ សម្តេចក៏បានលើកឡើងថា សម្តេចជឿជាក់ថា ទេសចរណ៍កម្ពុជាទៅលេងប្រទេសថ្ងៃបុណ្យចូលឆ្នាំខ្មែរមានប្រមាណជាង១លាននាក់ ៕
ចែករំលែកព័តមាននេះ