សម្តេចតេជោ ហ៊ុន សែន គ្រោងនឹងចាកចេញពីប្រទេសកម្ពុជា ទៅកាន់ប្រទេសចិននៅសប្តាហ៍ក្រោយនេះ ដើម្បីចូលរួមកិច្ចប្រជុំគំនិតផ្តួចផ្តើមផ្លូវមួយខ្សែក្រវ៉ាត់មួយ។ បើតាមមន្ត្រីជាន់ខ្ពស់រដ្ឋាភិបាលមួយរូបនិយាយថា សម្តេចនឹងចូលរួមកិច្ចប្រជុំផ្លូវមួយខ្សែក្រវ៉ាត់មួយ នៅទីក្រុងប៉េកាំង នៅថ្ងៃទី២៥…
សម្តេចតេជោ ហ៊ុន សែន គ្រោងនឹងចាកចេញពីប្រទេសកម្ពុជា ទៅកាន់ប្រទេសចិននៅសប្តាហ៍ក្រោយនេះ ដើម្បីចូលរួមកិច្ចប្រជុំគំនិតផ្តួចផ្តើមផ្លូវមួយខ្សែក្រវ៉ាត់មួយ។ បើតាមមន្ត្រីជាន់ខ្ពស់រដ្ឋាភិបាលមួយរូបនិយាយថា សម្តេចនឹងចូលរួមកិច្ចប្រជុំផ្លូវមួយខ្សែក្រវ៉ាត់មួយ នៅទីក្រុងប៉េកាំង នៅថ្ងៃទី២៥ ខែមេសា ខាងមុខនេះ។
ចំណែកកាលពីពេលសម្ពោធបើកការដ្ឋានសាងសង់ផ្លូវល្បឿនលឿនភ្នំពេញ ក្រុងព្រះសីហនុ សម្តេចតេជោបានមានប្រសាសន៍ថា សម្តេចនឹងដឹកនាំគណៈប្រតិភូជាន់ខ្ពស់មួយក្រុមធំដែលជាសមាជិករដ្ឋាភិបាលទៅកាន់ប្រទេសចិន។ ក្រៅពីកិច្ចប្រជុំផ្លូវមួយខ្សែក្រវ៉ាត់មួយ សម្តេចនិងគណៈប្រតិភូក៏នឹងជួបពិភាក្សាការងារទ្វេភាគីជាមួយប្រទេសចិនផងដែរ។
គេរំពឹងថា កិច្ចព្រមព្រៀងមួយចំនួននឹងអាចកើតមាននៅក្នុងដំណើរទស្សនកិច្ចនោះ។ ចំណែកប្រទេសជប៉ុននឹងក្លាយជាប្រទេសទីពីរ ដែលសម្តេចនឹងធ្វើដំណើរទៅកាន់នៅក្នុងឆមាសទីមួយ នៃឆ្នាំ២០១៩នេះ ដើម្បីធ្វើការទាក់ទាញវិនិយោគិនជប៉ុន។ នេះបើតាមប្រភពរបស់កោះសន្តិភាព ដែលបានអោយដឹងនៅថ្ងៃនេះ។ រីឯលោក សម រង្ស៊ី ឯណោះវិញគ្រោងនឹងទៅកាន់កូរ៉េខាងត្បូង នៅថ្ងៃទី១៩ និងទី២០ ខែមេសា ដើម្បីជួបអ្នកគាំទ្រនៅទីនោះផងដែរ៕
ចែករំលែកព័តមាននេះ