រាជធានីភ្នពេញ៖ ទណ្ឌិតចំនួន១៣៤នាក់នឹងត្រូវបានលើកលែង និងបន្ធូរបន្ថយទោសសម្រាប់ឱកាសបុណ្យចូលឆ្នាំប្រពៃណីជាតិខ្មែរនៅពេលខាងមុខនេះ ។ លោកគឹម សន្តិភាព អ្នកនាំពាក្យក្រសួងយុត្តិធម៌បានឲ្យដឹងនៅថ្ងៃទី១១ មេសាថា សម្រាប់ឱកាសនៃពិធីបុណ្យចូលឆ្នាំប្រពៃណីជាតិ២០១៩នេះ គណៈកម្មការជាតិពិនិត្យ…
រាជធានីភ្នពេញ៖ ទណ្ឌិតចំនួន១៣៤នាក់នឹងត្រូវបានលើកលែង និងបន្ធូរបន្ថយទោសសម្រាប់ឱកាសបុណ្យចូលឆ្នាំប្រពៃណីជាតិខ្មែរនៅពេលខាងមុខនេះ ។ លោកគឹម សន្តិភាព អ្នកនាំពាក្យក្រសួងយុត្តិធម៌បានឲ្យដឹងនៅថ្ងៃទី១១ មេសាថា សម្រាប់ឱកាសនៃពិធីបុណ្យចូលឆ្នាំប្រពៃណីជាតិ២០១៩នេះ គណៈកម្មការជាតិពិនិត្យ និងវាយតម្លៃបញ្ជីឈ្មោះទណ្ឌិតស្នើសុំបន្ធូរបន្ថយទោស និងលើកលែងទោសបានស្នើសុំទៅប្រមុខរាជរដ្ឋាភិបាល ដើម្បីពិនិត្យ និងសម្រេចស្នើសុំព្រះមហាក្សត្រផ្តល់ការអនុគ្រោះទោសដល់ទណ្ឌិតសរុប១៣៤នាក់ (ស្ត្រី២៨នាក់) ក្នុងចំណោមបញ្ជីទណ្ឌិតស្នើសុំសរុប៤៦០នាក់ (ស្ត្រី៤៩នាក់) ដើម្បីលើកលែងនិងបន្ធូរបន្ថយទោស ។
លោកក៏បានលើកឡើងថា ក្មុងចំណោមទណ្ឌិតទាំងនោះនឹងត្រូវ ១-ស្នើបន្ថយទោស៦ខែ ចំនួន៧នាក់ (ស្រី៦នាក់) ២-ស្នើបន្ថយទោស៩ខែ ចំនួន១៩នាក់ (ស្រី២នាក់) ៣-ស្នើបន្ថយទោស១២ខែ ចំនួន៤០នាក់ (ស្រី១៧នាក់) ៤-ស្នើបន្ថយទោសពីមួយជីវិតមកត្រឹម២០ឆ្នាំ ចំនួន២នាក់ (ស្រី២នាក់) ៥-ស្នើលើកលែងទោសចំនួន១៦នាក់ (ស្រី១នាក់)។
សូមជម្រាបថា កាលពីថ្ងៃទី៤មេសាលោក សុច សុផាន់ណារ៉ា អគ្គនាយករងនៃអគ្គនាយករដ្ឋាន និងអយ្យការនៃក្រសួងយុត្តិធម៌បានឲ្យដឹងថា គណៈកម្មការថ្នាក់ជាតិត្រួតពិនិត្យ និងវាយតម្លៃដល់ទណ្ឌិតក្នុងការលើកលែង និងបន្ធូរបន្ថយទោសថ្ងៃបុណ្យចូលឆ្នាំខ្មែរខាងមុខនេះ ដែលលោក អង្ស វង្សវឌ្ឍានា ជាប្រធានគណៈកម្មកាមានទណ្ឌិតចំនួន៤៦០នាក់ ក្នងនោះមានស្ត្រី៤៩នាក់ មកពីអប់រំកែប្រែខេត្តក្រុងរាជធានីចំនួន ១៨ និងមណ្ឌលអប់រំកែប្រែទាំងបួនបានស្នើសុំបន្ធូរបន្ថយ និងលើកលែងទោសថ្ងៃបុណ្យចូលឆ្នាំខ្មែរ ។
ជាមួយគ្នានោះដែរលោកសុច សុផាន់ណារ៉ា ក៏បានឱ្យដឹងថា ការជួបពិភាក្សាជាមួយប្រធានតុលាការប្រធានព្រះរាជអាជ្ញាររួមមកស្ត្រីដែលកំពុងជាប់ក្នុងពន្ធនាគារសរុប២៤៤១នាក់ ក្នុងនោះស្ត្រីដែលមានគត៍៤៤ នាក់ ស្ត្រីមានកូនតាមម្តាយ១២៦នាក់ ។ លោកក៏បានលើកឡើងទៀតថា សម្រាប់ការលើកលែងទោសចំពោះស្ត្រីដែលតាមគោលការណ៍របស់រាជរដ្ឋាភិបាលក្នុងការលើកលែង និងបន្ធូរបន្ថយទោសចំពោះស្ត្រីមិនមែនធ្វើតែសម្រាប់ថ្ងៃចូលឆ្នាំនោះទេ គឺធ្វើជានិរន្ត ។ ទី១.ទាក់ទងនឹងនីតិវិធីតុលាការខាងក្រសួងយុត្តិធម៌ជំរុញឱ្យពន្លឿនលើបណ្ដឹងរបស់ស្ត្រី ទី២.រកឯកសារទាក់ទងនឹងសាលក្រមជាស្ថាពរ ដើម្បីនឹងងាយស្រួលបន្ទូលបន្ថយទោស និងលើកលែងទោស ។
លោកបញ្ជាក់ថា«ការលើកលែងទោសធ្វើជារៀងរាល់ឆ្នាំមានចំនួនបីដងមានថ្ងៃចូលឆ្នាំវិសាខបូជានឹងថ្ងៃបុណ្យអុំទូក ។ តែយើងឃើញហើយថ្នាក់ដឹកនាំពិសេសសម្ដេចតេជោលោកតែងតែផ្ដល់អាទិភាពដល់ស្ត្រីជានិច្ចក្នុងការលើកលែង និងបន្ថូរបន្ថយទោស ។
ជាក់ស្តែងនោះក្នុងទិវា៨មីនាកន្លងមកនេះសម្ដេចក៏បានជំរុញឱ្យមានការដោះស្រាយលើសំណុំរឿងស្ត្រីដែលកំពុងជាប់ពន្ធនាគារផងដែរ ។ ព្រោះថា អ្វីដែលចាប់អារម្មណ៍ននិងលំបាកចំពោះភ្នែកនោះ គឺស្ត្រីដែលមានកូននៅជាមួយម្ដាយ ។ បើតាមការឲ្យដឹងពីលោកសុច សុផាន់ណារ៉ា ដដែលបានបញ្ជាក់ថា ស្ត្រីដែលកំពុងជាប់ពន្ធនាគារភាគច្រើនជាអ្នកប្រើប្រាស់គ្រឿងញៀន និងប្តីលែងលះ ។ ដូច្នេះបញ្ហាដែលពិបាកនោះ គឺកូនដែលរស់នៅជាមួយម្តាយក្នុងពន្ធនាគារនោះ គឺរកបានដែរ ។
ចំណែកលោក អ៊ុច ពង្ស អគ្គនាយករងនៃអគ្គដ្ឋានពន្ធនាគារនៃក្រសួងមហាផ្ទៃបានលើកឡើងថា ខាងពន្ធនាគារអប់រំរាជធានីខេត្តបានដាក់សំណើរមក ដើម្បីស្នើសុំឲ្យគណៈកម្មការថ្នាក់ជាតិពិនិត្យ និងវាយតម្លៃ៤៦០នាក់ ក្នុងនោះស្ត្រី៤៩នាក់ ។ លោកបន្តថា តាមសំណើរបស់គណៈកម្មការរាជធានីខេត្តស្នើសុំលើកលែងទោសចំនួន ៧២នាក់ ស្រីបីនាក់ ហើយស្នើសុំលើកលែងទោសពីមួយជីវិតមកត្រឹម២០ឆ្នាំ ប្រុស៧នាក់ ស្រី ៣នាក់ និងស្នើសុំបន្ធូរបន្ថយទោសរយៈពេល ១២ខែ មានចំនួន១៤៤នាក់ ស្ត្រី២១នាក់ រយៈ៩ខែ ៩២នាក់ ស្ត្រី៨នាក់ និងស្នើសុំបន្ធូរបន្ថយរយៈពេល ៦ខែ មានចំនួន១៨២នាក់ស្ត្រី២៥នាក់៕
ចែករំលែកព័តមាននេះ